為口奔馳

今日已經係第三日番TUNS，係個WARD入面，繼我前日的BLOG中寫的忙碌程度後，而家? 簡直係三級跳......第一日，有MAGGIE係度，OBS都TAKE少半格，D野又唔知放邊，都無MUD做TREATMENT，第2日，MAGGIE都係度，我又要搞少少HR野，不過都開始做TREATMENT，今日第三日，MAGGIE番P，我番A，一入WARD已經TAKE OBS，除左ROUNTINE X 3 外，又要SUCTION，又要CAT. ONCE，又要DRESSING，又要餵奶，又要開檔俾醫生MUNG喉，今日的BREAKFAST 同 LUNCH都真係食完就走，再坐就做唔切D野.........好多次係D PATIENT面前 又「SHIT」「妖」「釣」，真係MUD都出齊，不過當然係D UNCONSCIOUS的亞婆面前啦，又細細聲的........

今日見到APPLE係facebook寫自己係冗員，我都好想做一個冗員.......

今日係個WARD入面簡直係不斷咁急步來急步去，「為口奔馳」呢個詞語真係中晒，得個「奔」字。今時今日先知道自己之前做實習，就算係跟TUTOR，都係極受保護的，今日企係個WARD入面，做RUNNER的，真係好X忙，真係要仆係度，先做得好，做得晒D野。一個WARD有4個TEAM，37個病人，你要做既野係無邊際的，有人幫你做OBS，係人地好人，有人叫你做TREATMENT係看得起你，先會放手俾你做........今日係個WARD入面，覺得自己好無能，成日都暗地裡發現有人幫我執手尾，發現自己做錯野，發現自己做唔到野。

比AP的時候還要辛苦，今日LUNCH的時候，打開個飯盒，見到好多靚送，其實REALLY FEEL到屋企人的支持，爸爸打電話黎，真係有D想喊，太辛苦了，究竟大人們係咪都咁辛苦? 大人的世界就係咁? 究竟個時maggie點一個人做晒d 野既呢?

原來當一個人好忙好辛苦時，一切既野，都係好似好虛浮，個人累，累得呆滯了。

睡了兩個半鐘，人才正常起來。

今晚又要MARK舞，明天再續，番A。
加油啊，唔可以俾F5打低架!!!!!!!!!!!!!!!!!!!!!!!!!!!!!!!

甜的吃，苦的也要吃。