賣命給ST.JOHN的香港一日遊

今天，約了班長十二點出發，死野2316踢波，下次見到佢實打爆佢個嘴......
之後我地搭了一架熱到嘔的271，之後去了搭船，今日我著了短褲，涼鞋，揹住背囊，梳了個清爽髻，成個遊客咁，落左船，見到藍天白雲，心情豁然開朗，彈彈跳的出發~~~~

之後我地決定行上Mc Donald道，死亡的決定>.<，初時都無mud野，行下行下，在近距離對高高的中銀大廈嘩然，之後，看到遙遠的半山有一個St. John標誌，我問2315是不是那裡，他無情的說:是.........我立即 O 了嘴，我後悔......不聽老人言，吃虧在眼前......早知搭小巴啦......

之後便開始了行山活動，真係有益身心....T__________T 熱到嘔晒電，d汗起勢係咁流............
行左大約15mins山路，已經想死，喘晒氣，立即衝入百佳買野飲........

去到St. John大廈，好似酒店式樓宇，靚! 之後，攪掂晒d野，我拿了16個bandage pack 同5本書，班長拿了12本書同一袋banner，重到死~~~~~死~~~~~~~~~~~再行落山......我地成個深圳一日遊旅客咁~~~~~讀 First Aid 個d呀，有人性的就請我同班長食野。

之後，因為不甘心立即返大埔，所以再一次做旅客，去了香港公園的觀鳥園，我沒有去過啊~~~interesting~~~我仲見到大嘴嘴塘鵝.....
之後搭叮叮，我成十年無搭過，interesting2....我喜歡新鮮的感覺.......

落大雨，d野又重，又肚餓........到了銅鑼灣，已沒有了半條人命，行了一陣sogo書店，便立即去了大家樂醫肚，再搭307回大埔。完。想死的一天。我恨St. John，為何它的總部那麼高，我又唔係member，點解要我賣命???不過，今日去了觀鳥園同搭了叮叮，打和啦~