" Where is the MONEY? " 有感

番左黎幾日ja，我個心已經幻想緊下一個再下一個trip啦，
好想去四川呀，好想去西藏睇曬佛，好想好想.......................

呢幾日，見到身邊的人買野買得瘋狂，
我就會自動將佢換成美金的價值，
再回想起SUWAN講過的每一句說話，

" Where is the MONEY? "
如果我因為無錢而無得結婚，我會感到無奈，
如果我因為無錢而無得旅行，我會感到可惜，
如果我因為無錢而無得讀書，我會喊，
如果我因為無錢而無得食野，我會死........

其實我琴日一日做part time已經賺到五百幾蚊，已經可以請一個東柬埔寨的人去泰國玩幾日，話俾佢地知另一個世界是怎樣。有時世界真係好無奈..........
琴日和媽媽去吉之島買野食都買左三百幾蚊，成50 US$，一餐 = 我係柬埔寨的50餐，點解會咁?!
我地睇一場演唱會都要$200，點解會係咁?!
成日個腦都出現住呢D原本覺得理所當然的問號，點解?
我知道我不是看見全世界最可憐的一面，而自己在柬埔寨亦沒有為他們做過甚麼，一直都沒有為他們做過甚麼，但係...........自己身體內好似開始產生左D矛盾位。

不得不承認，我是習慣了奢侈，

不知不覺的，

為什麼要花那麼多錢去玩樂?

為什麼要花那麼多錢去食得豪?

只要我唱少一次K，
只要我學少一樣野，
只要我跳少一隻舞，
只要我食平一餐，
將D錢捐出黎，
佢地的命運又會唔會有所改變?!
有幾多是用來灌那些肚滿腸肥的廢柴官員?
有幾多是到了小BB的胃?

好多謝LUCY係呢個TRIP中教識左我好多野
" 行善 "
確實是應該出錢又出力，最重要是出心

幸福不是容易得來的
將來的日子
我希望
當自己買名牌之前，會想一想他們
當自己有工作時，我會助養小朋友
我的眼界還可以再闊一點
去看一個完整的國度

我希望大家都想一想

JUST BACK FROM CAMBODIA & BANGKOK

LUCY ( HIGHER PRIORITY THAN SUWAN GA!!!!!!!!!!!!)
SUWAN
BANANA PANCAKE

MISSING.............................
LOOKING FORWARD
-------------------------------------->

WHERE IS THE MONEY?

I ENJOY MY LIFE AND SAME AS YOU!!!!!!!

2316，約定了!!!!!!!!!

＜困獸鬥＞
曲: BEYOND
詞: 黃貫中
唱: 黃貫中

緊鎖的雙手 仍幻想高飛遠走
我有我去渴望 然後你再說不可接收

走開 走開 我不要你
滾開 滾開 我不愛你

困獸鬥裡面 人被迫得瘋癲
好比一顆種子 長於水面

走開 走開 我不要你

滾開 滾開 我不愛你

啊! 這個家! 啊! 這國家!

酒井法子 - 世界中の誰よりきっと

酒井姐姐擁有的是永遠的青春，永遠都是咁可親的。

^_________^

甜品堂(二)

昨晚，是第二堂的甜品堂。教的是心太軟同芒果布甸。
大家可不要以為我是在騙錢啊，芒果布甸只不過是襯托的。
不過心太軟都不是甚麼複雜的東西，而且他們的參與度好像不甚高，因為他們忙著自己玩呢?!

心太軟的魅力，不在於它的製作過程，只在於切開它時的一刻快感。
他們好似好開心，好興奮的。

商議好下一次整pizza，哈哈，他們一副超期待、超興奮的樣子。
好，等我向ivy請教下先。
等等!!!!這不是甜品班嗎???

他們還說可不可以加堂，我真的有這麼好嗎?哈哈，其實只不過是他們想玩。
原來他們事前是不太認識的，是因為呢個班先一齊玩，好開心，自己呢個班能成為他們友誼的media，其實如果我唔忙，真係唔介意繼續同佢地一齊玩。

琴晚中途打俾kai kai，俾佢地聽到，佢地立即話我粗魯，話我扮斯文，哈哈，我都只不過是說了「死啦你」「食啦你」咁，都唔係粗口，有幾粗魯wor.................不過我都會改的，我希望自己成為乖孩子呢!!!不過，真的好難，因為我地彭家都是好市井的........................>.<

今日，kai kai考鼓，哈哈，無跌鼓棍就應該合格ga la。

補番之前發生的事

18/11 因為媽媽生日了，所以去了西貢食海鮮，咁大個女都係第一次，好開心，又好期待的。我地食左好多野，有蒜蓉開邊蝦、蒸蟶子、椒鹽大大隻瀨尿蝦、BOO酒焗蠔等等，好多野食，我都食左好多，人生第一次MA，^_________^，不過原來食海鮮 = 食左隻車。

21/11 同媽媽去睇AARON KWOK演唱會，我都係覺得04年個個好睇好多，佢跳得多D舞。不過今次個舞台真係好得，360度都俾佢玩晒，真係紅館的前所未見。

23/11 同2316、亞馬、亞馬嫂去唱K，好抵呀，抵到HIHI，我地唱足五個鐘，有兩杯野飲，都係$38JA，亞馬同亞馬嫂仲要早坎，有兩個鐘得我同KAI KAI怒唱，真係唱到嘔，不過好滿足。

28/11 今日出左MK同EDITH、KAREN、MANDY、EMILY去食BIRTHDAY LUNCH，中間發生左D好老尷的事，我地都真係呆晒，去「西門町」食台灣麵，好好食亦都同時引起左我好多回憶，好掛住台灣的蛋餅、胡椒餅...........好開心的回憶。夜晚係第一堂去救世軍教甜品，好開心，雖然自己仲有十萬樣野要做，不過待在KITCHEN裡，見到佢地好開心，好似好滿意個日式芝士蛋糕，自己都好鬼開心，^________^。

29/11 我同KAI KAI去UST睇亞馬HALL 3的歌唱比賽，其實都幾悶，可能自己個心一早飛左去D日文呀、NURSING呀D NOTES度，個心淨係諗住快D番屋企..........見到亞馬唱歌，我真係有D凍，哈哈，係因為佢都唱得幾有感情，另一方面，我又好羨慕佢，羨慕佢有勇氣去唱、羨慕佢有勇氣去講出自己的願望、羨慕佢有咁多FRIEND支持。雖然可以好肯定佢唔係唱得最好的，不過佢的PERFORMANCE係睇得出有HEART的。恭喜晒，冠軍得主 - 亞馬。記得一定要請得同KAI KAI食飯飯，因為我地可是專登山長水遠咁入科大睇你架~~~

30/11 我一早去左大埔圖書館自修室溫書，真係有病架，溫AL都無咁HARSH，痴晒線!!!

2/12 考日文，雖然都知道有D錯、有D LISTENING聽唔到，不過唔知點解FEEL SO GOOD。我諗應該合格的，因為通常我FEEL GODD的考試都應該唔會太差的。

3-7/12 考試週，唔係去大埔圖書館溫書，就去那打素溫，之後就係去考試。呢幾日個腦不斷重覆住D差唔多的文字，頭號敵人包括有「VITAL SIGNS」、「OBSERVE」、「MONITOR」、「CARE」、「PATIENT」，真係SHITY，最討厭不斷重覆的一定係「CARE」。

「154」我認得你，呢個自修室書檯NO.，有緣我地一定會再見的。

7/12 考完試，我地去左NA CAN食「自暴自棄TEA」哈哈，好大的獎勵，話晒都逼自己過左幾日A-LEVEL生活。芝士火腿卷 + 紅豆冰，YEAH!!!!!!!!連CASHER嬸嬸都陰陰咀笑我地，哈哈，我地的興奮程度真係好比YEAR ONE。NA CAN同紫霞係新亞俾我的最大好處。

8/12 下午和YOYO怒CHAT，好開心，見到佢的反應，好似好耐無見過佢笑得人仰馬翻的模樣，SO FAR SO CLOSE。番救世軍，見到好耐好耐好耐無見的亞雨，我感覺上覺得佢變左好多，變得成熟了?!寡言了?! 唔知，願我的朋友都過得好好，過得健康。努力。

10/12 今日睇左「早熟」，好好睇，不知何解的哭了，見到FIONA大肚，我又會幻想下自己有無咁既勇氣去承擔呢個責任，有無勇氣十六歲去生仔，有無勇氣去見父母 / 同學，我又會諗下曾志偉所講的說話。我特別喜歡上余安安，一個暗地裡好有霸氣的女人。

加油

mlcaz琴日終於都考完日文試。

よっかった

仲有nursing!!!!!!!!!!