唔知叫咩topic

今日，星期六，係今個月唯一一日完全無任何meeting，唔使出門口，唔使八點前起身的日子。我一定要全日stay係屋企，我要重拾宅女的生活x一日。今日終於有時間執衫，無錯，我而家先拿冬天衫出黎，哈哈哈，我真係得架喇!!!今次我的起心肝，丟走好多舊衫，丟的有兩大袋，捐的有兩大袋，俾屋企人著的soc tee都有一大疊，痴線。不過我決定，遲d搵到錢之後，我想整過個衣櫃，因為而家呢個d木都欄晒，又唔user friendly!

我發覺自己真係好唔訓得，我的意思是訓得唔算好耐，就自己自然醒左，so poor，咁樣我個死人樣就永遠救唔番ga 喇!!!

早兩日同媽媽去行百貨公司，我地兩個好似癲左咁，係黛記買女人野都買左成二千四蚊，不過唔使我俾，終於都的起心肝買左新內衣，有種唔再頹廢的感覺。其實......................我真係好耐無買新的了。其實，內衣對一個女人黎講，某一個程度上都影響緊一個女人的自信/心情。

呢兩日，父母又番大陸玩，其實每一次佢地出門，我都好擔心，我係一個好容易諗多左的人，so 我好怕無左佢地，其實我琴晚好想同佢地食一個晚餐，陪他們一個晚上，但..........我沒時間，其實有時我真的不懂表達我的心意。

哈哈，我終於都瘦番喇，經過一個月的節食，終於都瘦番少少，去番normal肥少少的level，比中學時肥幾磅，so都仲要繼續努力!!!哈哈，kai 進同LKL的一百蚊，我要硬GA喇!!!!!瘦番D，個人跳舞都真係好好多，跳又跳得高D，落腰又落得低D，線條又可以拉長D，起碼做on the floor的動作都無咁辛苦，雖然都好想大叫辛苦!!!!!!!!!!!!!(其實都已經叫左)其實入U之後，又肥又瘦，又肥又瘦，上上落落十幾磅的日子，我已經經歷過成三四次，夠了，我今次真係要認真咁擺脫呢個LOOP，我唔可以俾自己再傷害自己的身體，朋友們，放心啦，我會食野架!!!健康地瘦下去。

因為今日的假期，SO琴晚同左DANSO的同學仔去食宵，俾暉仔問跳COMPETE的原因，其實真係一條好問題，我無諗過，因為一年總有幾個月為跳舞死左的日子已經踏入第十一個年頭，對我而言，是正常不過的日子，我無諗過點解要跳=我無諗過唔跳一樣。其實我從來唔會諗我跳舞的目標，亦都無諗過甚麼是跳舞的心態/跳舞的理想，對我黎講，跳舞只不過是生活上的一個習慣，一個興趣，一個定位，不排除其實都係為了活在別人對自己的EXPECTED IMAGE當中。可能這亦都係點解我跳舞從來唔會有好大進步的原因。這真是我想的嗎? 我唔知，因為我唔想諗，呢個問題，諗左就要TAKE ACTION，可能要放棄某一D野，我唔想，我唔想好專注咁做一樣野，我想就身刀，有時磨下呢把，有時磨下另一把，我係一個貪心的人，我咩都想做，我只想自己盡力做好面前的TASK。

其實有時我真係好想SAY SORRY，其實我真係一個好懶/好自私的人，我有時真係好累，我就唔想出力跳，唔想落力地MARK舞，有時我會專登留力等暉仔黎到時可以好留心D咁學新的STEP，其實我知道自己咁樣好乞人憎，因為易地而處，我知道帶MARK舞有幾辛苦，我知道見到一副鞋口鞋面係幾咁HARD FEELING，我知道見到一個YEAR4既人HAE跳係幾咁想打爆佢，我知道因為自己係year4，先唔會有人diu爆我，其實........既然我知，點解唔可以改?我的缺點，就係好唔considerate，太自我，太識得躲懶..........之後的日子，我會盡力改下，由mark舞到走既個一刻，都希望係盡力的，做番一個year4的應該有的態度 & 榜樣。btw我已經搵到我的支持 --- 咖啡因。

新年會番5日工。

COMPETE CHEERS RECORD

身為 dancers relationship 主管的我，要寫低今年的花絮。

今年的cheers:
1st 「CU 爆爆爆爆爆」(要有5個爆)
2nd 「中國加油」
3rd 「啦啦 必必 why why 呀呀」
4rd 「shit 爆」

我覺得做人真係好應該有人情味

其實有時自己有幾辛苦都好，有時有人情味，有d野自己頂硬上，自己得著可能更多。今日同大師姐傾講左兩句，覺得人要飲水思源，希望將來的自己都可以咁樣。

今堂上元朗，雖然個人勁累，不過都叫做無MUD點俾MISS話過，都叫係奇蹟。

新年快D黎啦，我想放假，不過NO早兩日又叫我試下一個星期咁番工，佢會安排一個STAFF帶我跟CASE，係一個好好的學習機會，不過咁我就會無左個新年假，我又唔想咁，魚與熊掌。不過其實放新年假又係無野做，日日係HOME訓.............食...............我又唔想咁。點算?!

早兩日跳JAZZ先發現MISS當年教我既野，真係畢生受用，好多謝MISS七年來的教導。

要執衣櫃喇!!!!!

唔想黎的始終都黎左

今日係一月五號，正式開始左為期4個月的CLINICAL PRACTICE，OMG!!!
不過都唔錯GA LA，係自己的大埔地頭的大埔醫院，出門口都係半個鐘，其實個天都已經對我唔錯，只不過係WORKING HOURS比人地長8個字姐........其實唉..........叫得CLINICAL PRACTICE都唔會係一件值得開心的事。做人呢......有時應該認命，有時應該樂觀dd，有時應該閉上自己的嘴巴，企企企..........繼續做我一個番工等食飯，食飯等放工的冗員student..............

今日第一日入ward，我同maggie係對面ward，入到ward，我諗有1/3的patient我都serve過，so interesting........不過我好似變成左一個除左round片之外，mud都唔識的year 4 nursing student。我真係好想番F5實習呀，一定好開心!!!情願多野做，好過要搵位玩捉迷藏，你睇我唔到，你睇我唔到，你睇我唔到係度hae~~~

clinical practice + TUNS + compet training，其實已經好令我吃不消........而家我同daisy仲應承左跳MST的舞，我唔知自己呢4個月會變成點，可能我會撐唔住，發晒老脾，黑晒面，不過都係要做，都係要跳，其實到到今時今日，唔知點解，跳舞好似已經唔係PURE地為左enjoy跳舞，係一個習慣，係一個責任，係一個定位，好似覺得因為我係一個識跳舞的人，所以我會keep住跳，唔係要追求有d mud成就，只是覺得人跳我跳，唔通..........其實................我唔鐘意跳舞?!不過..........可能已經將呢樣野融入左自己的生活，平平淡淡的，未尚唔係一件好事!!!

last year la，今年的compet，我會得著幾多? 琴晚同daisy講，好快我地就開始過住捱麵包，黑眼圈，洗唔切衫，唔知點解長期肚痾，見唔到屋企人，屋企仲差過酒店的日子..........其實一年前的日子況如昨日，點解呢一年過得咁快...........

琴晚終於食到一直好想試的旺角咖哩牛腩焗麵包，加好出名的凍咖啡，OK 啦，不過我自己一個人食晒一整個，換來的是一整晚飽得跳不到舞 + 要節食兩日..............果然係小食可以怡情，大食可以亂性................

今個新年.........番唔番工好呢?!