Housing 有感 ...... 我真係懶到出汁

琴日終於的起心肝，搞下我份housing allowance，先發現，我原來係一個無業遊民，我屋企的公屋一早delete左我個名，我連註冊住客的身份都無，而家又無物業，我同一個訓街的人係無分別的，不過好彩因為咁，我先可以好方便咁填晒份表，因為完全無野要申報..........突然間，好想有自己的空間，好想有自己的衣櫃，好想有自己的房間，好想有自己的床，唔想訓上格床..........不過都係算啦，一諗到要自己拖地，自己煮飯，自己搞電腦，自己交水電媒...........算吧啦!!!!!!唔係錢的問題，係煩的問題，我仍然係一個咩事都會叫老豆的人，由部電腦慢左，到想食蕉，我都會叫我老豆，我無左呢個肥管家真係唔得。

到左呢一刻，我先發現自己仲係一個細路，我都係唔可以一個人住/有自己的家庭.............um.........又唔係唔得既，因為呢個世界係無絕對的唔得，不是不能也，是不為也，好享受有人照顧的生活..........哈哈哈，真係佩服自己咁厚面皮!!!

今日我老豆話要訓練我砌電腦，換塊雙核心底板俾我，我第一個反應係「點解要學，我部電腦已經好快」唉..............其實都係因為我懶、我唔想學、我依賴...........

一直以黎，都以為自己好獨立，其實我唔係，我係自我，搞掂自己就算，我真係好懶，一直都好依賴.........

見到我表哥已經有第2個bb，見到有人廿六歲就諗住要生第2個bb，見到大我一年的人已經要結婚，見到同年的人都下年結婚............天啊!!!!!!!!!咩世界!!!!!!!!!!!!感覺上，而家既我同一個18歲的人真係無分別，一樣咁低b，點解佢地可以咁成熟既?展開人生的另一頁，太遙遠喇，簡直係衝出太陽系個隻，其實........曾經覺得26歲結婚，30歲前生完bb收工，之後過住d賺錢買bra戴的日子就最perfect，而家覺得26歲.........即係仲有3年ja，痴線...........26歲既我同一舊雲應該無分別。