號外

請各單位注意 :
如無必要，請大家不要出街，
因本人已拿了車牌。



















但偏偏要遇上exam，唉，
我想探險呀!

露比大長篇

忙 ? 我在忙甚麼 ? danso過了，四院劇賽過了，點解仲係擠唔到時間update個blog.......

上星期五，學了cord tone，屬於freestyle，講feel的東西，對於在填鴨式教育制度底下成長的我來說，這是一種難度。stephen話佢搵到喜歡的音樂，好簡單的說話，但好震撼，好羨慕，要找尋喜歡的，是多麼的困難，起碼，可稱得上我喜歡的舞蹈，也許只有踩瓦泥，至少，我還沒有找到我喜歡的音樂。愈來愈喜歡slide呢個techinic，好用!!!學返情人呢首歌，一首好聽的歌，在何時何地，總有佢無窮攝人的魅力，我承認，我會陶醉其中而唔睇stephen的示範........汗........是緣是情是童真，還是意外，有淚有罪有付出， 還有忍耐.......我會好努力咁編好個譜架!!!!
--------------------------------------------------------------------------------
星期六，約了呂浩然共晉午餐，好開心，和朋友在談天說地的感覺真好，好喜歡同你傾計計呀，BB~~~

夾band，開始悶la，不停的重覆光輝歲月，要盡快定下一首歌la。

返MST排舞之後，去食飯，慶祝蔡海量生日，原本諗住做返中大學生的計劃又無限期咁延遲......
之後，跟亞雞佢地去探險，去大帽山，經過恐怖的石崗軍營，真係有迷彩軍架!去到大帽山，單程路，以下為新詩一首

<首到大帽山> 彭綺琳
大帽山，單程路;
星好靚，天好清;
風怒大，髮怒亂;
人烈凍，景烈靚。
--------------------------------------------------------------------------------
星期日，媽媽生日，一家人出了去和表姐一家吃泰國菜，大吃，飽死，好食。

my cute cute表姨生，可愛得好比成嘉瑩。










--------------------------------------------------------------------------------
星期一，大檸樂，彭綺琳VS運輸署人員 2nd round，FIGHT!!!!!!



彭綺琳大勝!!!!!!
終於都夢想實現啦，可以彈YESTERDAY 啦~

我係香港合法駕駛人士，正是也。


之後同出生乒死的雞去左睇NANA慶祝，好睇，意外的是，估唔到男主角竟然係bass 手，ROCK'N ROLL NEVER DIE!

好鍾意飾演後來加入樂隊的bass手--------松山 健一，個樣好ka仔ga，haha....


係套戲入面，NANA幫前男友戴上一條鎖的頸飾，如果俾我選，我會選擇當戴上的那一個人......












--------------------------------------------------------------------------------
星期二，踏了 一個半鐘頭GTR...........單車...............
累死了。
--------------------------------------------------------------------------------
星期三晚，同莊員煮飯食，當然，我是食的那一個。
pre- 咨 pre通頂。
我同亞ming係出版，要趕小冊子，俾word玩死，
成晚同個word battle，排版，便是這樣辛苦又快樂。是予盾的。

6點，想問亞ming同david意見時，一望.............睡著了.................
汗......................
再fight左一陣，沒有去哪裡睡的念頭，就伏了係電腦台睡。
這，便是我第一次屈砣的經過，這算是屈砣嗎?
7點幾醒了，早睡早起精神好。
亞ming話我們好比剛剛返完night shift，之後幫人頂更，之後再返埋自己的p更，24hours唔洗訓。yeah!我地係唔洗訓出版。

cheers promation to year 1 NRS，齊，準，正。
--------------------------------------------------------------------------------
下午去clinic拿假紙，原來cu clinic d nurse d 態度好好架，令到我有d內疚tim，不過之後發覺，我是真的生病了，應該係因為NA太風涼水冷了。

怒奔走返屋企洗身，換校服，加D睫毛液企圖欺騙「我好精神」，再怒奔走返MST。
對不起 校長，校董，NA人徐立之，你們的SPEECH......我都一條龍地睡了。

打噴嚏打到想死，I CANNOT CONTROL MYSELF，牙都軟。
茶會，食食食，8PM，我還沒有吃午餐，12個鐘頭無食野........

Happy to see all my friends and my lovely teachers
感動
我會做一個好人
Goodbye and thank you Mr Chui
Goodbye and thank you all teachers


















之後去打邊爐

Bellow的超靚相 + 不濟經理人FUCKO
I love it with infinity love



眼訓死了，還要做elt，食屎架，我忍你好耐la我話你聽，shit
--------------------------------------------------------------------------------
星期五，又唔知醒，無上PE。
LUNCH WITH MOLI

趕上書通，遲到FINALLY，how come，個校巴司機係我面前關門，淨半步JA.......
怒釘小冊子

OHANA正咨
全莊著suit，超formal。
結果變左sharing，上莊同上上莊互對........
個氣氛好好，一d都唔stress。
之後去食宵，食了好好味的椒鹽墨魚咀。
同醉醉地的同鄉回家去。
--------------------------------------------------------------------------------
終於到琴日la，夾band，爆開心，第一次夾「不要說謊」就已經大成功la， 好有feel，真係諗起都興奮，自己學到非淨食bass drum的彈法，好好好開心。
真係好開心。
通利特價la
Ibanez的bass，我要買。

返MST排舞

去探險，良友路，
眼訓
觀星
--------------------------------------------------------------------------------
完

做乖乖的中大學生去

最近影的cute cute相

今日買的中大毛巾，大過個pillow ar，$28，本來想買adidas ga，

但百幾蚊，接受唔到，況且，中大毛巾都唔錯ar ^o^

KAREN的零食盒，勁搞笑!!!

又一搞笑角度

明晚，UCDC的大公演日。

聽日，就係UCDC的大公演日。

回想返，時間總係回望時走得特別快。

過去的兩個月，每晚的時間都貢獻出來，跟排戲；排舞；易角的決定；無限次的改變，由不憤去到懂得接受；和大家傾談，了解到每個人在一個大PRODUCTION中的定位，難處，盲點；LIGHTING中的依賴，恐懼，成功；MOVE IN......

大家有曾經開心的時光，有不快的時候，曾經有人說﹕「假如呢個production後仍能做好友的，盡量keep la。」我唔知道明晚後大家會點，但珍惜.......

有緣的，AP見。

我想講的是，我在UCDC中學到好多好多野，不論人事上，燈光上，我都學到勁多難得既野，UCDC係我第一個玩的drama club，佢令我知道大學的SOC同中學的柴娃娃有幾唔同，難望的回憶，難得的經歷，多謝你，UCDC。

頹廢柴

今日星期日，原本要習慣性地返中大錄ohana的promotion clip，但cancel左。
原本今日去睇band competition，但因為kai進累，又去唔成，但係其實我真係好好好好好好好好好好好好好好好好好好好好好好好好好好好好好好好好好好好好好好好好想去ga，或者我真係應該變得獨立。
結果，今日足不出戶，做個頹廢柴，原本諗住做essay，又唔識搵料，做鬼做馬咩?!食屎的。

睇左暉仔的xanga，好想試下做dancer的感覺，好想賣命地做一件事，天昏地暗地做一件事，或許，出去上下堂係一件好事。琴日，dancing @ MST校友會，第一次join，感覺不好，因為我已經無左團火，動作依舊，我懂得擺posing，腰仍然落到，但沒有了感覺，全件事好像不同了，差得shame on it!!!以前，見到靚的舞，會衝過去要人教我，現在.........我依然會覺得靚，但我知道自己不會學到，不行， Can anyone help me to find my fire out???請放心，我不會連累大家。

有人喜歡過豐富的人生，我都好喜歡，好愛，不過一諗到過埋16號，一切就會完，好唔開心，到時就真係無盡空虛。無錯，我就好似賽馬會d馬咁，等梗下一個季後賽。

大家有無見過肥的dancer???????????
無。

2月有街頭舞，我或者，可能，應該，似乎，絕對要做返d野。
damn it。

CU MASS DANCE 2005

CU DANSO 世界相

鋒火台---MY FIRST STAGE，真係諗起都興奮呀!

Stephen

failed photo but I like it

Winky

Yennis

Angela

ar Ling

Starry & Elain

Winnie

shake shake team leader---minna

CCBA Josie

fai jai---freshman dance director----super king---sweet & cutie girl

ar chiu---freshman dance PIC 2

Jerry---freshman dance PIC

大穫全勝，征服了中大邵逸夫堂34支燈。

以下的，如果睇唔明的就算啦，但今天，我找到了我的驕傲。

琴日係move in的大日子，0845 call @ SRR，今朝因為搞xanga同prepare lighting既野，搞到0500先訓，死得。

0800 先起身，怒奔走返中大本部，好彩都早到5mins。

0900 一入到SRR，同龍哥打招呼，搵GEL片，腎上腺素已經開始怒標高，好驚rig燈呀。

0940 set team mark好位，落light bar，light designer stand by rig light

0945 rig light。原本以為有13支on stage的profile，點知得5支，他媽..........哥池，一口氣delete走某d special，怒爆驚險，好彩夠冷靜，果斷，pride。

1100 rig好on stage的燈，準備foc light，腎上腺素更高。foc light，起初ok，foc到支bar11的blue profile卡住左，因為我係台上睇唔到個光心位arm唔arm，又見唔到個effect arm唔arm，問人d反應又慢，個人開始「蚊」，幾個人同時出聲help我foc一支燈，身為light de，I can't accept it，shame!!!我唯一可以做就係唔出聲，等人幫，想喊，大壓力+討厭無能的自己。

1200 Eat lunch with Choco & David, 睇見Nursing同學仔，心想:點解咁人齊ge? 我的天，我竟然完全忘記了今日要上堂...........汗.............我的心被困在SRR。

1300 Foc埋on stage light，side light，front stage light。

1445 錄cue。最大穫，因為要com，又要導演收貨，但係d燈同前一晚prepare的怒不同，怒考即場反應同感覺。驚險，SRR差點發生命案，bar11支par竟然爆玻璃，好彩在男演員的身旁5cm跌玻璃，假如我同choco遲0.5s叫佢移右d or 佢移少左5cm，佢已經...........全台驚嚇，靜。錄完cue，發覺無左導演要求的台左右燈區，face light怒不足，可怒也，但放食飯時間到，唯有接受。

1800 唔開心，覺得自己好無用，同導演講對唔住，點知一講，對眼好似開水喉咁...........不過，知我的人都一定估到我會剎得住。仍然唔開心，無胃口食飯，同choco share左d野，com好補返2支白profile同一支藍profile係橋做face light。多謝DSM的檸檬派，感動 + 充電。

1900 唔想入SRR度門。補返d燈，有經驗，快d。

2000 Run Thru。多嘔心的燈。

2045 再改light cue effects，加返face light。大發現 : 原來一支係橋的白profile光到可以用黎分台左右，即係一支燈可以同一時間出到face light同燈區的effect，一支燈頂3支燈，勁到無得"鼎"!!!!!!!!!!!!!!!

2200 Tech Run。怒感動，加左個3支燈，感覺煥然一新，大復活，好多之前想要的effect出返晒黎，仲有好多意料之外的effect，好漂亮，好感動，好感動，好感動，好感動，好感動，好感動，好感動，好感動，好感動，好感動，好感動，好感動，好感動，好感動，好感動..........我知道，我做到了。全世界都收貨。

2300 離開。一天的壓力放晒出黎，懷住輕鬆，滿足，開心的心情離開，我決定 : 這不會是我最後一次的lighting project。

之前，我同導演講過，假如10號我lighting做得好，我的四院會玩得好開心，假如lighting做得唔好，我會好X唔開心，四院亦會玩得唔開心。今日，我做到了，我雖然有做得唔夠好的地方，但我作為一個新人，我知道我合格了，因感動而想喊的心情盪漾，回家的路途中，軀殼是疲乏了，心卻是興奮，掛著笑容地回家。

我知道，大家唔會明白到我的心情同作為一個ZERO EXPERIENCE IN LIGHTING的LIGHTING DESIGNER的難處同巨大的壓力，真偽係會嚇到尿到標埋GA，我今後，會keep on working on lighting，直到lighing tech.唔會再話的唔識用燈。我以後必定會appreciate d做lighting既人，他們都是英雄。

聽日大穫野

聽日就係UCDC既MOVE IN，身為Lighting Designer的我，聽日要面對的就係一個戰場，我就要同32支燈fight過，生生性性，d effect千萬要出到ar，出唔到就富街la，一失足成千古恨，我唔要講「全場白燈ar，唔該。」呢句，我要做個醒，爽，快的light de，Please pray for me.



CU MADAN
後補
我只想講好感動

Thanks to暉仔，亞昭，Jerry，Daisy，the firends I met in CU Danso.

Keep on Dancing.......

Winky, Chicken, Yennis, Pan Ching, Stephen, Ashley......
I笠U。
是真心的，你們令我好x感動，尤其係你們為我短短的4分鐘performance走堂/遲到夾band，係烽火台怒爆曬，汗起勢咁流.......我唔知點表達，我做到的只係跟你地影下相，我.......所以我無甩舞，全力地爆，我希望你們感染到我的喜悅，你感受到嗎?

CU Mass Dance

仲有幾日就madan la，自問自己今次係好努力，好俾心機咁去跳，是真的燃起了火咁去跳。呢次係跳Hip Hop，不係中國舞，不再係東方舞，更加唔係西方舞，係我一直恨左跳好耐的moden，是的，正如stephen所講，我很重視，係超級重視，唔想衰。所以我好想有真心朋友支持，見証住我的脫變，係，自己的blog就係最好的廣告平台。













日期: 十一月八日 (星期二)
時間: 中午1230-1400 ，不過最好1200就到，否則真係會睇唔到ga
地點: 鋒火台，本部，第二個校巴站，百萬大道盡頭

會黎的，真係感激不盡，感動不已。

P.S. for someones, pls respect the function, pls respect danso, pls respect us, when everyone strives for the same goal, pls behave yourself and don't damage our fruit. SHIT!!!

琴日，stephen教左我彈一萬年，sweet sweet的一首歌，好開心呀，我會好努力咁practise。
Lastly, I should be a good nurse, no matter how hard.

漣漪

漣漪

生活靜靜似是湖水
全為你泛起生氣
全為你泛起了漣漪
歡笑全為你起

生活淡淡似是流水
全因為你變出千般美
全因為你變出百樣喜
留下歡欣的印記

靜默亦似歌 那感覺像詩
甜蜜是眼中的痴痴意
做夢也記起 這一串日子
幻想不到的優美


我的生命中，好像也泛起了漣漪

驚世傑作第3gig

星期日，竟然要返工，開始喜歡面對某幾個學生，cute的呢!!!
之後同winky去lunch，好久不見，也許，有一些話題，應該早些談。哈哈。我發覺，原來我有好少感情空白位，哈哈。
跳完舞有一點的時間，去了買2件衫，同新人舞的化妝品，返到家，拿拿臨makeover了其中一件。
呢件係我makeover衫的第三件作品，第一件送了俾亞夢，第二件係winky當年的birthday present，呢件，自家用，今日著左出街，個學生一見到我話miss好靚呀，我梗係扮聽唔到la，個心已經飄左上天。

原本的cutting

blue star 貨
$79/2












登登.........製成品



大領衫
小公主袖
用了在家僭來的扭扣做accessory。









details 位


估唔到個粒紫色扭咁娘都match到
^___^











我仲有件紫色，已諗左個design，仲未做，later give pic to u to see,YEAH!!!!!!!!