勁擔心

下星期的出ward，

因為一個突如其來的消息，

都不能出了。

勁擔心。

一切來得太突然了。

忐忑。

大隻彭，最後勝利。它勝了。

星期二晚，做micbio做到頭痛先訓。
星期三早晨六時熱醒，一起身，出晒汗，個頭痛到裂，暈陀陀，我知道我賴野，一定發燒。
park了藥，頂住去補習，之後好了一點，再做埋micbio，上堂，和EVA煮飯仔食，好好味，又烈平。

食完飯，睇肥田，一路睇，體溫一路升，個菌正式同我開波。發燒加頭痛，個人好辛苦，又要頂住做埋份micbio，用了最後一口氣去洗澡，吹埋個頭，十二點，昏睡，開始向感冒菌還火........

病了，倍思親。

不過，昏睡了十個鐘

。

大隻彭正式擊倒感冒菌，果然唔係東亞病夫!!!!!!

。

自從離開了溫暖的家，搬到宿舍，這已是第二次發燒，我的抵抗力真的差了很多，以前我一年先發燒一次。

溫暖的家是很重要的。

。

。

最近下了一個重要的決定，是太任性嗎? 不是，是它輸了。

一切保密，你應承過我的，^_____________^，請不要像智恩的朋友一樣愚蠢。

。

。

他們要去一個世外桃源

Bring

A

Lovely

Imagination

嘩，死亡weekend

好耐無更新啦，因為我太忙喇，哈哈哈。

上星期一，上sis workshop，charlene教，我真係可以好肯定，呢一堂一定係我成個workshop跳得最好的了，charlene教得真係唔錯，d動作又容易d，哈哈，enjoy!

星期二，去左捐血，好大個針洞呀，我用左12mins就捐晒啦，幾勁，之後join elaine去mk買暉仔costume對鞋，我地去左食牛牛，芝士焗銀鱈魚飯 + 大大杯香蕉奶食晒呀，因為我好驚行行下暈左，如果因為捐血而暈，真係瘀到爆。之後，行左超爆耐，都無買到，唉，唔想俾錢呀!!!第一次同大學朋友仔行街街，好開心。

星期三，唔開心，個人唔知點解，好唔開心，食芝麻湯圓做dinner，好了一點。發現hard disk死了。

星期四，朝早打俾老豆，下午打俾老豆x2，夜晚打俾老豆，第一次發覺原來我是這麼依賴老豆的，太上皇就這樣駕臨了我的宿舍，哈哈，佢依然challenge 我唔摺被，唉...........咁人地真係唔摺架ma。原來爸爸原本朝早已經準備好夜晚黎我個宿，哈哈，我地真係心靈相通。夜晚番屋企食飯飯，因為我應承了媽媽幫佢一大朝早去book場，so利誘佢煮我好like既送，哈哈，可憐的爸爸好耐無食過飯lu，成日食粉麵，仲慘過我。電腦方面，多得亞七的無敵software，同無限量的指導同鼓勵，我個hard disk既files recover番接近八成，真係好多謝佢，搞到三點先有得訓。

星期五，朝早七時起床去大埔墟幫媽媽搶場，我第一個去到，好彩搶到，開心死媽媽。之後，德文mid term，ok 啦，死唔去。之後，夜晚去排暉仔，完全不行，累乘一萬，hae到呢~~~~~~~

星期六，又係七點起身，去義工mentorship個day camp，真係辛苦到呢~~~不過，我真係激爆感動，通左頂既嘉妮真係黎左陪我，好感動呀!!!!!!!我地去左西貢五星級的camp site，首先玩d熱身遊戲，之後去玩繩網陣，我一開波就挑戰level3啦，一係就唔玩，一玩就要最激，好累呀我隻小老鼠，之後休息一陣，我又玩埋level2，哈哈，我好叻叻呀，驕傲，再一次發覺，只要我想玩，累絕對唔係一個問題。下午再玩自己扎木伐，第一次ja，第一次撐艇仔，哈哈，好新鮮，簡直係力的表演。嘉妮真係好累呢，好唔好意思呢，我愛嘉妮!!!
夜晚番到屋企，我竟然煮左餐晚飯俾爸爸食，真係不可思議，我地兩父女撐台腳。

星期日，跳舞，大髀wa la la!!!!!!!!!!!!!!!!!!!!!!番屋企食爆肚飯，還拿了愛心飯盒。

星期一，presentation，一切都好驚險，其實，我有d唔開心，我覺得電腦真係我的天敵，第一次 俾人讚英文好，傻的嗎? 自問present得唔好，但professor好似幾buy，一切都真係不可思議。之後，補習，係calvin(補習學生)的屋企吃了一餐超飽的飯飯，還初次試了一口野豬，椰汁糕，嘻嘻。上sis workshop 3的最後一堂，好開心，狀態大勇，學得唔錯了，好開心，好滿足，食飽飯真係唔同。
星期二，午餐吃了coffe味的燒賣?!睡了三個鐘的午睡?!一切都好似不可思議。
夜晚同EVA去了franink食了晚餐，鼓汁鱔煲仔飯 + 枝竹羊腩煲，有菜，有例湯，飽到呢~~~~~~~都係$56 ja，frankin真係一洗頹氣，好好味，好靠得住。好開心呢，之後同eva行百街，睇了一集肥田，都幾好笑。

唔開心

最近，真係諸事不順，又或者係自己有壓力feel到，心情好爛，好多complaint。

德文mid term、三篇essay、星期一既present，所有都追趕著。
跳舞，沒有值得滿意的地方，一直都零突破。
身體，大脾好似因為做gym，肌肉左，真係死得，唔開心，明明做運動減肥係ARM GE，點解會變成咁?
讀書，完全唔似一個大學生。
最大穫，真係好大穫，個電腦hard disk唔知係咪死左，如果死左，我都應該會死，要星期六先知。

唉，因為唔開心，今晚食超甜湯圓做dinner，好似....................好左一d。

火火，糯米。

arm arm排完暉仔，今日排得好開心呀，大家都好似好有火呀，暉仔心情都好靚靚，唔再擔心，大家都好flat out，大家雖然係好累，好想番屋企，但係都好堅持，好感動呀，如果keep住落去，madan一定唔頹，yeah!!!

好肚餓呀。

最近好鬼死鐘意食糯米食品，好like餈飯，好like糯米滋，好like香蕉糕，好like唔同款式的bread，好鐘意呢d，煙煙韌韌的感覺好 toll (德文) 呀!!!!!!!! ^_________^

太后駕到!!!

arm arm媽媽來了我的宿舍啊，哈哈，
今日佢黎中大當更，四院足球比賽wor，
當到九點半，我就係NA滾落U GYM接媽媽啦，
哈，帶媽媽搭校巴的感覺真係好得意，

媽媽說我的宿舍很亂，
佢食左D野就要去趕最後一班校巴了，
差一點見到傳說中的老鼠，
好彩。


我真係好鐘意我的媽媽架!!!

假期

早兩日完成左街頭舞，唔錯的，無甩舞，但好少人跳，完全feel到hae底。
呢幾日，成日都見到elaine同alin，好似幾arm咀形，哈哈，我地都係低調的一族呢，哈哈，做個好朋友................

中秋節，去了叔叔新居的天台BBQ，好正呀，之後番大埔JOIN7B麻甩佬糖水會，一個女都無，真係O咀，原本諗住係HAE聚，點知傾下傾下，又幾好傾GA WOR，FUNNY，大家都圍繞住LOVE呢個話題，因為有人恨女恨到出面，哈哈，不過，其實佢只不過係比較對自己誠實姐，虛心學習，認識自己的缺點，都係一件好事。之後，再去JOIN 舞蹈組聚，小發發又唔黎啦，點解呀，個月光好鬼大呀......................番到屋企六點半啦，涼都無沖，係SOFA訓著左。

朝早十點鐘就起身啦，唔係太辛苦姐，去食大大份早餐，之後，同MAMI行左陣街街，好耐無試過啦，我地行到去黛安芬的COUNTER，見到好COLOURFUL既BIKINI，而家好平呀，又真係好靚，結果，我好SEXY呀，哈哈哈，痴左線咁買左套BIKINI呀，真係傻左呀，不過，我而家真係唔敢著出黎，大家俾多D時間我啦.............哈哈哈，好妙呢!!!
之後去教舞，完左第一首歌啦，真係好，好開心呀，下一首歌係邊隻好呢???
之後，野都無食就出去排暉仔，初初都無事架，之後，愈跳愈辛苦，怒咳+RUNNING NOSE，加怒累，身體同個腦唔再聽話，個腦完全食唔到STEPS，HOW COME? 真係超HAE底，我一定係一次都無FLAT的人，真係好無奈，我真係控制唔到我自己............SORRY，今次呢隻舞，我好似同佢好無緣份咁..............我都唔知點講.............
之後，JOIN APPLE同亞馬睇寶貝計劃，真係好好睇，我好鐘意呀，由頭笑到落尾，由頭打到落尾，真係好睇。
不過，我真係太累了。

有瘦到呀，好開心呀，要加油，仍需努力。

有野諗緊

最近的生活，是我真正喜歡的嗎?

一星期五日的補習、學舞@sis、排舞@ CU & MST、教舞、學BASS、夾兩隊BAND、做外展義工、做CPR WORKSHOP籌委........
星期六日無得訓晏D，無得同屋企人食飯，無得靜靜地坐係度睇電視，無得溫下書..........D野疊埋晒一齊，有好多時仲要因為跳舞去唔到義工，因為表演去唔到排暉仔，自己個人真係有內疚位，但係我真係有心無力。

亞馬同EVA既一句「其實，需唔需要搞到自己咁忙?」，我諗左好耐........

補習 - 無左佢，我一個月無左三千幾蚊，我點生活? 何況，佢地又咁信任我。
學舞 - 我要進步，我要CREATE自己既STYLE，唔可以再好似Y1咁打天才波，SIS亦教得好有HEART，不過，我仲想上BOBO & ANGELA既堂，只因太貴&太遠，所以無學。
排舞 - 好鬼鐘意同MSTers同暉仔團跳舞，好ENJOY，好開心。
教舞 - 係一件吃力既事，因為好驚個OUTCOME唔好，但自己又無時間備課.......不過，而家同KELLY佢地熟左，佢地其實唔壞，好得意，好好傾，好鐘意佢地，而且FEEDBACK番黎，佢地好似幾ENJOY，自己都有D老懷安慰咁，實在唔忍心QUIT，好想教識佢地一D野。
學BASS - 唔會停，鐘意，KEEP GOING ON。
夾BAND - 唔會停，鐘意，KEEP GOING ON。
做義工 - 既然之前應承了，而且承諾了唔會亂QUIT，就一定要堅持到最後，而且我亦都學識了唔少野，可以既話，我一有時間都想出席。
CPR WORKSHOP - 都算小WORKLOAD既，唔太需要QUIT。

好似所有野都有佢既生存價值，QUIT唔到，全部都係自己既興趣，得著既泉源...........
但當這些東西影響了我自己既生活，影響了自己的心理，又點計呢?

上個星期，因為要排國慶個SHOW，暉仔既四次排舞，我只去得一次，結果D動作死晒，食二手野，又煩到人，自己吸收又慢，走位又成日撞到人，好似好影響人咁，真係好唔開心。最恐怖的是，我真係有覺得「跳舞係一個負擔」的感覺..............我以前從來無咁諗過，一直都只有喜歡。

再加上義工個度成日都番唔到，成日都撞跳舞，成日都將義工既PRIORITY擺到咁低，真係有內疚位.........

十月一日過去了，個SHOW做完，應該無咁忙，希望會好D，個情況會好D。

不過，我ARM ARM接多了一份補習，一星期先補個半鐘，都唔錯。十一月開始學日文。









結論係，我一直都在自殺。

十月

踏入十月，我決定又開始我的減肥計劃，不過，一切以運動為主，飲食要以健康和節制，不可再追求食爆肚的感覺。

目標係十磅，我一定做得到。
每天都要做運動，一係跳舞，一係跑步。

我一定做到。

EVA : 我地以後煮野食唔好怒落「送」啦，雖然係食得晒，但次次都頂上心口架。仲有呀，唔好成日問我食得飽唔飽，我的胃確實是一個宇宙，是不會飽的。