發爛渣

我而家係建築系個lib，好慘呀，無人陪食飯的滋味真夠好受。

星期六日一永遠都係我的死亡period，不過今個星期六好左啦，得補習 & 跳MST，不過跳MST都可以好cher；星期日就都係踩兩場，元朗 + compet，HARUNA無黎，HAE MARK ONLY，HEHE~~~

琴晚就真係死左啦，都未跳完SIS，仲要係暉仔堂，我以經累到死左，我個大脾真係好XX累 + 痛，元朗的控腿同彈跳，唉，我太勤力啦，哈哈哈。上堂時，係度諗，如果HARUNA星期日有黎，今晚就唔使排，咁我就應該係屋企食緊爹爹整的牛?，突然好想家，好想麻麻 (雖然唔知點解)，再諗，星期二晚又要排，我真係覺得自己好可憐..........其實咁CHER法又唔係無試過，係突然間有D感觸，痴左線.........想飲豆漿，又無得買..........




結果琴晚排到三點...................................



我想死..........



琴晚番到宿，我真係想喊，第一次因為跳舞辛苦搞到想喊............



星期四晚又要MARK舞LU，唉，不過真係學亞翠話齋，跳得COMPET，都預左.........

總之，一句講晒，11/2 快D過就好啦............

ENJOY~~~

好無MEANING的一篇ENTRY。

義工

琴晚，我又煮飯了，整左魚香茄子、南瓜、蒸鱸魚、紅色對對碰。
魚香茄子，無野，正常，係d茄子可以再諗d。
南瓜，差點loan了，救得切，好味，係我的第三最愛。
蒸魚，可以差得去邊呀?係讚多左油啦。
紅色對對碰，係我用之前整紅酒燴牛尾用淨的紅椒粉整左d雞柳，再炒紅carrot，嘩，第一二啖都無事，之後就出事啦，好重麵粉味，難食到我吐番出黎，真係..........以後都係唔好搵呢d野黎玩。

番義工，落區，見到一d妹妹，佢地帶住一隻小小的puppy，好可愛。
見到佢地的一切，我真係有好嬲的一面，我甚至諗，點呀?你係度做咩?你咁做為mud姐?有一刻，真係唔想理佢，由得佢係度顛，由佢係度纍地...........其實，我真係唔夠道行，我仲未可以接受佢地一d行為，我仲未可以好有耐性咁對住佢地，我真係未夠......... 好彩，我仲可以按捺得住自己把口.........

今日，為了爹爹整合桃蛋糕。
上星期，因為夢夢生日的原故，整左可愛的心太軟。
這就是sunny哥哥口中的整蛋糕熱潮，
是的，下星期又整了，一個絕密蛋糕，無人知，無人知。 ^__________^
下次一次過補相。

Nursing

哇哈哈，琴日派左成績啦，出ward同3011(唯一計hons課程)都考得好好呀，我要多謝我的同房同我間房424，因為係佢地陪我打仗，足足過左兩個幾星期的坐監日子呢~~~不過，其他科就OOKK咁啦，哈哈，我真係好Q現實架，YO~~~~

今日上LAB DAY，教插尿喉，老師請了一位男同學做DEMO，他說，I will keep you warm 、 I will insert ..........真係名言呢!!!!!!!

中國基訓班

今日因為好多學生都去左校際比賽，今日上深造班的人只有十個人度，真係「嘩」一聲，結果今日d把杆rountine無得停，一個接住一個，累到嘔。大脾哇啦啦!!!!

今日周老師指點左我好多，我真係一個白痴，連丁字腳同五位都唔識分，今日做喘燕仲做到向後pk，真係有驚無險，我以後都會記得推「誇」ga la~~~ 我個d死人控腿，真係shame on myself，仲衰過BB班，SHIT，真係........................

同人講自己跳左九年舞? 你過唔過意得呀?!

上完元朗，我就番去大學跳tam jim，下星期二就on show~~~自己今次自問唔係好盡力去學，不過我是會盡力去跳，希望唔好再嬲樣咁跳。

以下係performance time table，大家得閒就黎啦!

23/1 (二) 2000 @ CC
24/1 (三) 1900 @ NA + UC
25/1 (四) 1230 @ 本部 + 2000@ SHAW

亞夢生日

琴晚係亞夢的birthday，佢難得番左黎HK，一班4C的同學仔就幫佢搞生日，我係4C的一份子，當然有份啦。
講真，之前我確實好擔心，成三年無見過大家，之前同大家又唔多熟咁，我好驚自己會好ODD咁.......不過去到先發覺，原來係短短的4C & 5C生涯中，有好多好好好難忘的回憶，當然，全靠李國棟先生，我地先至可以有咁多好開心的回憶，哈哈哈，仲講番好多好久不見的同學的下落，有D我都已經唔記得LU~~~~^3^
我成晚真係笑到爆咀咁濟，我兩塊面豬登笑到要按摩先無咁痛，真係好誇張!!!!
見到呂浩然同王文偉，佢地都有好大好大好大的改變呢，厲害!!!!!!!!!!!
同Annie說好了，以後的5C GATHERING 請預埋我。多謝亞夢，帶給我這個愉快的一晚。

琴日食左好多野呀，痴晒線咁，食左blueberry cheese cake，癲架，我嚇到番屋企即刻跳繩，不過，我知道，一切已經太遲啦~~~
點解，點解一月有咁多人生日...................................

我琴日上八半堂呀，仲準時tim，嘩，大獲過做善事.........

朋友，請加油，時不與你，但請不要放棄，我永遠都會支持你，back up 你。一定。

第一個 Home Made Cake

話說，我最近係網上睇到一d人整蛋糕好叻叻，d蛋糕亦都好靚，佢地覺得整蛋糕俾人食，人地講一句好食，鐘意食，就夠了。

我都覺得，整蛋糕好得意，好幸福，所以我決定作出我第一次做蛋糕。

把爹娘N年前買落的一本蛋糕書揭一揭，見到個 蘋果乳酪蛋糕 好吸引，我就決定整呢個。

星期日，跳完元朗，就去買野lu，買左成個鐘，周圍撲個玉桂粉，累死了。

番到屋企，食左隻蕉就開功lu!!!

有爸爸的幫手，三個鐘到就完成了。

製成品 without declaration
LOOK! D蘋果沉晒底~~~

因為太多蘋果，而且蘋果用水烚腍，所以個蛋糕焗起黎太濕，一拿上手個蛋糕就散，真係心情dum一聲插低。

不過個味ok，個面仲係脆既，好食。

我的評分 : 65

爹的評分 : 60

娘的評分 : 55

16號係yo & 醒既生日，我個日全日無番學，仲得登較鐘起身整蛋糕，希望大家鐘意食啦!!!

打起左既cream真係好可愛!!!!!!!!!

不過篩麵粉 + 將 d cream同 d 麵粉拌勻真係搞到我手都軟埋 >_____< !!!

切左d蘋果片做declaration，未焗前的樣子。

焗完 lu，個餅底，有堤子粒粒架!!!

個樣，加左DECLARATION真係靚好多，加埋JELLY水，閃令令的。

好多人讚個樣好靚，包括伍仔記的數個員工，有人更加話食淨可否請佢食，哈哈哈，食淨都留俾爹娘啦!!!

今次減少左一個蘋果份量，D 蘋果係焗腍的，無咁濕，個蛋糕都唔再散。

LOOK! D 蘋果浮起黎，好均勻咁係個蛋糕心入面。 ^_________^

大家都食得好開心，話好食，SUNNY & 蔡海量仲食左兩件TIM AR~~~~

大開心。 ^____________^

我的評分 : 70

個TEXTURE始終有D怪，又唔太濕，又唔太實，又唔太鬆化，可能我未食過乳酪蛋糕，唔知個TEXTURE係點。 個蛋糕邊可以再DECLARATE下。

就看今晚

YOYO，HAPPY BIRTHDAY

我也會變得幸福

連日來，看了很多人的blog，
是一班很有目標、衝勁的人，
對自己的作品充滿要求，
我一邊看著她們的作品，
幸福的感覺湧上心頭，
一邊決定了.......

我也要這樣的幸福。

就在今晚......

2007，好久不見。

好耐都無update la~

今年的24號又係同7b的佬一齊過，真係該煨~~

07年的count down同屋企人係天水圍MUD野酒店食BUFFET，好好好好食既藍梅芝士凍餅，CHEESE CAKE入面，佢係我心目中的地位已經升到第一位，遠遠拋離TIRAMISU。 ^^
飛出去同亞夢、winky一齊係TST 倒數，好開心，話實我都好似係第一次係TST COUNT DOWN。

2007的願望，係無諗過既，不過短期目標係：

• 堅持番元朗，學好D基本功，而家我先知道原來自己一直都好似傻仔咁，以為D動作做到就得，其實係好核突，而且一直死用力、用錯力、結果表捵搞到受受周身傷晒，唉；
• 跳好COMPET，
• 成功擺脫跟左我四年的肥腿，我已經應承左亞冰，下一次見到我時，我會變番FORM4時的狀態!!!!!!!!
• 學好日文，的起心肝溫書，考好二月尾的測驗。
• 暑假去日本的心願達成，有一個好好的回憶。
• 學整麵包同蛋糕。

開左學一個星期，都好似超HAE咁~~~