死亡十月

從karen的xanga中知到呢個名字，實在太貼題啦!
其實我覺得只要過左頭兩個星期，everything is alright。
如果今次係跟ruth，我覺得我會開心dd，始終，我係需要有人幫我點火的。
ENDOCRINE SYSTEM.........

琴日，同kai進一齊去GM，我學BASS，佢練鼓，突然間覺得時間過得真係好鬼快，轉眼間，KAI進的鼓技好似進步了好多，自己已經懂得了好SOFT的CHORD，好ROCK的拍線，大家都進步了好多，想不到當初的一句戲言，大家都堅持到這一步。加油。

之後去吃了一個HAPPY TEA，陪了他去買野，就去JOIN新朋友JOLAM，哈哈，我地好似相逢恨晚咁有說不盡的話題，好開心識到呢個朋友，佢今日仲專登請我食自製冰皮月餅，好有心機呀!!!好吃!!!我帶了佢去報名學日文，嘻嘻，她好像很期待的樣子，就好似想當年的我一樣。我對好說，我在學日文，BASS，中國舞，MODERN DANCE，佢竟然話 :「我成日都覺得你可以去賣藝」哈哈哈，笑死我，不過，我都好開心，因為我諗我是餓不死的了。

今日中班TEST，我唔使OPEN BOOK已經識左九成，之後最後的十五分鐘佢話可以OPEN NOTES，我就有好大的把握了。好開心，半個月前，我對住份卷，好似對住D德文咁，完全唔知點做，又唔明白點解D人可以有咁多問題，而家見到自己已經追番上個進度真係好開心。希望唔好俾佢停啦。雖然有時靜下來，想一想，學日文，為了什麼? 我想是為了一個願望。

Mass Dance 又黎啦

琴晚收到電話，要開始practice啦，唔知點解，心中第一個反應係好累了，第二個係我仲邊度有時間，第三就係我要錢，究竟又幾時開始我會變成咁? 其實之前已經推左個街頭show，奇怪。
尤記得上年mass dance，我出緊clinical placement，我可以偷個lunch time，飛的番中大，跳完，再飛的番工，我覺得自己真係一等一的癲，時隔一年都無，我好似無左把火。
而家的生活好academic，唔係日文，就係nursing，再唔係就係星期日的基訓，我對modern的感覺又已經變成點呢? 仲有無個熱情係度? 或者又係時候要暉仔黨朋友仔push me up啦!!!!

anyway，我都決定跳，explore番呢個field。

中秋節

中秋節，
家人的一句，
我就留在家，
少有的放了朋友飛機，
但始終，家人都比較重要，
尤其是當發覺自己有存在意義時。

對不起，我的朋友們。

爸媽明天去北京了，
未來的五日，
只有我和姐姐，
究竟會點 ?

李惠珍熱狗

一隻十元的李惠珍熱狗，一首首隨身聽的日文歌，好幸福，我真的好幸福。是嗎 ?

無國界友誼的可貴

星期日，我駕車................我駕車去元朗跳舞，驚險萬分，tension，need more practice。可能成個月無番，d根硬到亞媽都唔認得，一字馬，請不要離我太遠，需知道，係MST落唔到一字馬係好正常的，係元朗落唔到，係唔正常的.............動作又記不入腦，全日都不在狀態，真對不起韓老師。
夜晚，出了MK 的CAFE食飯，WITH台灣識的YOUTH HOSTEL朋友，好開心，無諗過這幾段友誼可誇過地方的界限，我地仲相約了去行山，食左3個鐘，$92，貴到飛街。

每天都溫書溫書，溫完日文溫NURSING，原來要減肥，溫書是最好的策略，溫書使人納悶，POOR APPETITE..........不過，每日都見到自己的日文有進步，好開心。

早兩日，和媽媽有點小吵架，佢話我有無諗過GRAD左之後去外國進修，我唔鐘意佢好似FORCE我去做野咁，SO就發左脾氣，我始終想做一D NURSING以外的工作。
但靜下來的時候，想一想，來一個澳洲讀書加旅遊之旅如何??????????????

堅持、加油。

天龍八部

睇完了，終於睇完了..............
用了足足一年的時間，
間間斷斷的，
有點失落，生活中沒有了痴心絕對的段譽，沒有了豪氣英雄的蕭峰.........

討厭遼王、討厭宋王，
英雄莫問出處，
一個身世，
就逼死了一代英雄，
其俠骨仁心，
有誰能及，
實教懾人。

開始睇The Memory Keeper's Daughter

勤力..........與老虎BATTLE。

勤力勤力，我要好勤力，我要勤力到不得了!!!

我要勤力到唔似我自己，

我要勤力到人地唔認得我，

我要勤力到可以指著老虎個鼻子說 :
「我有溫書架!!!!」






唔可以放棄架。

凡事都要努力，
Nursing是，
日文也是，
儲錢去旅行都是，
跑步都是，
RESTRICTED

新開始

九月一日至二日，我同非常任務的經員們去了一年一次的大camp，今次的地點竟然係disney???????????????仲要係貴貴的DISNEYLAND HOTEL?????????烈興奮啊~~~~一個完全無諗過有機會住到的地方，完全挑起了我的好奇心同虛榮感，一定要去!!!!!!!!!!
去第二次的disney，我主要係帶埋我的DV機，好努力地完成我老爹的任務，錄晒個巡遊俾佢睇，結果我早左半個鐘去等巡遊、早左三個字去等水花巡遊、早九個字去等放煙火，所有大型FUNCTION我都係頭一排睇，好好睇。水花巡遊，我同我部DV都無懼水花的攻擊，出生入死架，錄晒成個巡遊都無事，真抵錫。煙火亦都好靚，好似糖糖咁的顏色，好好可愛的煙火。夜晚大家放棄了食DISNEY宵夜自助餐，應該係DISNEY都放棄左我地，FINALLY出左去食酒樓。
番到酒店，我地睇埋死亡筆記，就出去酒店探險，好正，我地去左好多好多地方，平時多人到爆的地方，變到一個人都無，我地任意地影埋D嘔心又GAG到爆的絕密照，哈哈哈，真係笑到影唔到相，因為真係按唔到個製LAW，哈哈，諗起都想死。估唔到，大家的LEVEL同MST DANSO真係有得FIGHT，LET'S HAVE BATTLE!!!!!!!!!!!!!!!!!好想睇相。之後，夜晚PILLOW TALK，好危機呢，真係好危險，有人話二十一歲，點解唔HAVE A TRY? 一個好簡單的問題，感覺就好似一個賣相機的SALES問你點解唔拿部機上手試下咁，點解? 因為驚整爛部機。不過有時又好羨慕D人有一顆好直的心，ONLY HAVE A TRY.................諗左D野。

開左學一個星期，我好乖呀，無走堂，EVERYTHING WORK ON SCHEDULE!!!!太好了，我有好乖咁溫日文，已經進步左DD啦，我又去左LIB把借CARE PLAN書書，好勤力啊!!!
我要好努力、好努力的。
加油。

琴日，去左世華屋企，大伙兒玩煮飯仔同八婆一下，^^，開心，淡淡的幸福感覺，是因為我覺得，我原來真係有好多朋友，好開心，好多個FUNCTION，大家都會記得我，最後最後，大家都會記得我。

朋友，我永遠祝福你。

今日同老爹去買DC，因為我實在抵不住舊DC的「微距」，哇，好微姐，成廿CM咁呀大佬，又只係SUPPORT得256MB的XD CARD，HOW COME??? 講真，部機都無五年，除左以上的缺點，佢係無罪的，影的相仍然漂亮，我只可以講一聲，我被爸爸寵壞了，由細到大，上網慢D我又抱怨，MD機有一點點壞我又抱怨，電腦慢了我又抱怨，爸爸都會幫我搞掂/ UPGRADE佢/ 買過新的，太好了。今日我同爸爸出去MK，經過我地彭家出品的選擇月刊，我地原本諗住買FUJIFILM/ 樂聲，點知出到去，殺出一個程咬金，加上百老匯SALES的貼心又不斷ENCORE的實驗，我地FINALLY都係買了最新的OLYMPUS，這已經係我屋企第三部的OLYMPUS可以講得係世交。
講真，真係好鐘意同D SALES傾下，玩下，做下實驗，往往有一點SUPRISE，知識都增進不少，優惠都增進不少，哈哈哈。

新機好靚仔，仲好USER FRIENDLY TIM。

P.S.愈來愈鐘意段譽，簡直係愛上左佢，他的一片痴心，他的文采，他的呆頭呆腦，他的堅持，他的義氣，他的守禮，他的風流，好一個專情的風流才子。誰說這世上沒有好男人，只要你有辦法把他騙到身邊。有時，愛情的世界是充滿了計劃、謊言、自私的，但一切都基於喜歡，如果我不喜歡，連製造一個謊言都懶得了。對嗎?

仲有兩日...................

加油