好大壓力

今個星期真係一個好大壓力的星期。

第一次入acute的精神病房，pt是unexpected的，staff係unexpected，ward的環境總令我不得relax，好tense，成日都好驚做錯野，火左d staff。

星期五的MST表演，到現在還沒有100%記得，仲有要走的位，我未試過以咁既狀態出表演。

星期日出BAND SHOW，今次同GM的TUTORS一齊出SHOW，仲要夾得一次，彈四首之前重來未夾過的歌，<舊鞋>、、、<富士山的聖誕>。好難啊，上次夾，我D腎上腺素KEEP 住HIGH LEVEL成三粒鐘，真係谷到面都紅晒。我都係不期望自己好出色，只期望自己係完成任務，唔好影響大家就好了。不過，大家都好似好包容我的低TECHNIQUE呢!!!不過我要睇快D譜，D手指要再快D，FOREARM 的MUSCLE要勁D，用力的DURATION要再長D，先可以做到最基本的要求，究竟，我會唔會成為大家的負累? 不可以丟史提芬的架啊!!!

下星期又考CLINICAL試了，零個PREPARE、零個時間，好成績只會留俾有好準備的同學，我要做一個好多ACTIVITIES，但成績好的學生，但係........睇黎我都係搵亞RUTH傾下計。

如果我有多一D時間，我可以做好多我想做的事，我可以做每件事都準備得好D。

仲有一個月就COMPET啦，時間真想過得快一點，我希望我投入一點，我希望我可以盡力一點，我希望我的體力好一點。

今日係梁繼璋係瘋SHOW快活人的LAST DAY，一個十五年的節目，我細細個的時候，因為媽媽的關係，好斷斷續續的都聽左有十年，我真係好唔捨得，一個有質素的節目，一個有質素的DJ，就咁被D多口又惹事生非的人搞掂左，D人真係無野搵野黎搞。ANYWAY，IT'S THE TRUTH! 好似人愈大個，就愈見得多呢D野。

唔開心指數好似KEEP住比開心指數多一點，以前都唔係咁既?!

三年級第二期實習記事 之 第二日

第二日 A更
沙田醫院 3D

今日PART EDITH 同 ANNIE，我地今日都係行行企企，OBSERVE一下佢地，不過當佢地落去做OT 的時候，我地同左一個留係WARD的PT一齊畫畫，我地學佢的線條平舖法，坐係度畫畫，畫成粒幾兩粒鐘，又可以瞭下佢講野，又可以自己明目張膽的傾計，都幾爽。

今日，sister同我地解釋一個FILE，之後我地聽佢講自己的EXPERIENCE，好好聽，亦都令我了解左好多，原來精神病患者唔係蠢既，佢地分分鐘醒過你同我，佢地只不過係比我地多一點幻覺 / 幻聽，真係好複雜好複雜的一個TERM - 精神病。

好開心的WORKING ENVIRONMENT。
STAFF對我地真係好NICE。

三年級第二期實習記事 之 第一日

星期日，又同爸爸和媽媽去行山，不過我落山的時候唔小心拗左柴，係最痛的十五秒中，個腦諗得兩樣野，一就係唔可以有事，因為COMPET，二就係唔可以有事，因為我要跳元朗，突然間諗起以前FORM 6 校際西方舞的時候，瞞住屋企人，瞞住MISS & MISS TING，發住燒都要跳個日全日的舞，我覺得自己真係好叻叻。時至今日，雖然嘴裡不斷說著辛苦、埋怨的說話，但係其實自己心裡面，無可否認，跳舞確實係我心目中的第一位。有時，覺得真係好奇怪。

番元朗跳舞，老師教了我好多好多正確的姿勢，我覺得真係穫益良多，好多謝好多謝老師的細心教導，踏入一月，我番左元朗都有一年啦，雖然成日都俾老師點名糾正動作，但係每一次的練習，我真係覺得好有意義，可以令我專心的去做一件事，當然，令我覺得自己真係好渺小，不斷的努力，不斷去鞭策同提醒自己，我相信一定可以糾正好自己十年黎的錯誤。老師真厲害，一野就可以教曉我7年黎都做唔到的動作，我而家可以唔用手都可以拱橋上黎啦，哈哈哈。

六點番中大排COMPET。

第一日 九五更
沙田醫院 3D

琴晚排舞到0200，係DAISY度屈蛇，訓左3個鐘就出發。
今日第一次去精神科，一入到去，其實個人已經好TENSE，因為確實有D擔心。
之後MENTOR帶我地ORIENTATE下，之後見下DOM，亞DOM講既野都幾好聽，亦都令我諗左好多野，做一個護士，如果要有前途，持續進修，確實係唯一的出路。
之後，好肚餓又好鬼眼訓，見住個牌板，唔使30MINS，自動OUT FOCUS，仲要釣晒魚，真係不能CONTROL。
全個WARD都無PATIENTS，因為落晒去PT & OT，得兩個PT係WARD，一個就自己畫畫，一個就ROCKING IN THE SOFA，真係無聊到傾計都傾到盡左。
之後，去OT & PT行左轉，番到4點三就走得，太好了。
今日全日都不在狀態，好在有LUNCH的COFFEE。

番中大，去UC LIB睇左套廢戲<一碌蔗>。
同DAISY係UC CAN食左個好好好好食的素公司三文治。
跳舞至零晨一點多。

一月十日

琴晚又番去CU排舞，今次D野都好大動作的，自己一定要做足熱身啊!!!小心腰腰又發爛渣。
今次我既狀態好似比上次好，加油呢，要投入。
七點半跳到十一點半就走得，太好了!!!

COMPETE 第一次MARK舞

琴晚番左CU排舞，一番到去見到好多人，無咁多人遲到，真好。暉仔同小彥都無黎，係自己約MARK舞既，大家都MARK得好DETAILS，其實有D位可以唔洗咁DETAILS既，不過我覺得大家都仲搵緊一個適合大家的方式，慢慢黎啦，琴晚的方式我都ACCEPT到，而且我都得著好多，尤其係WANHO帶MARK舞時，我真係好FEEL GOOD，好習慣啊，哈哈哈!!!見到大家都好有火，同上年的atmosphere真係好唔同，希望KEEP 住。
加油!!!

辛苦了各位帶MARK舞的人，辛苦了。

P.S. 見到JESSICA同KAREN真好，WELCOME BACK~~~

2008年到了

12月31日，去世貿跳countdown，其實話就話跳countdown，不過我八點十已經跳完 ... 坦白講，真係跳得唔好，flat唔到的身體，唔習慣，身體好似uncontrolable，睇番video真係.......令自己白眼。elaine仲要話原來我成日都幾中間，真係shit，仲要跳得好咁樣衰。跳完就走了，因為媽媽要番P，家姐又應該去玩，我又要跳COUNTDOWN，家中的老爹好可憐啊，2007的最後一頓飯要自己一個人食........所以我即刻番屋企，真好，交通暢順，仲有溫暖的麥精飲，嘻嘻~~~番到屋企，原來全家人都番晒黎，^_^，爹爹還煲了芋頭糖水，好吃，在家看電視倒數，2007年，咬著麵包的SAY BYE BYE了~~~

1月4 日，我和劉德華有個約會，好好睇，原來劉華唱LIVE係咁好聽架，我真係覺得好好聽架，佢好有中氣，雖然有D GAG位，但華仔點都係靚仔架啦!!!好彩到最後都決定去姐，否則都MISS左呢個咁好睇的CONCERT。而且係呢個CONCERT，我先可以見番演唱會必備但好耐無見過的熒光棒同鮮花，華仔你係得既，SUPERMAN。

1月5日晚，去沙角村大排檔食任飲任食打邊邊，係救世軍的慶功，其實野唔係太好食，不過係好開心好開心，係食個氣氛，好開心自己兩年前加入左救世軍，因為係呢兩年黎，我得到一 班好朋友，仲學左好多野，說真的，AMY，辛苦了，多謝你。

1月6日，體能測試的一天。

0550起身，十分鐘衝落樓，同老爹去行山，哈哈，先前口響響話唔使行山手扙的我，拿著手扙的我都行到手震腳震，哈哈，真係好屎波，不過我下星期都會繼續行，因為難得老爹有一個可以接受得到既運動，我一定會逼佢個個星期都去行。

之後番元朗，今次我成為左焦點，個個動作都被老師捉個正著，搞到我好努力好努力咁去做每一個動作，再加上秀芝師姐、韓老師、肥雞幫手拉筋，真係成身開晒，D筋真係前所未有咁鬆，雖然係辛苦D，但咬緊牙關一下就過去了。加油，我要再ACHIEVE得好D，我要努力，TECHNIQUE要再好D，唔可以再成日俾老師咁話喇，要做好D，要再做好D，突然之間好有火，我仲跳埋中班的把幹動作呢，好叻叻。今次係我番元朗的一週年紀念，回想呢一年，我都唔知道點解自己仲可以咁堅持咁跳落去，由之前亞雞車出車入到而家亞雞唔車我地，我都無放棄，我覺得對於懶惰的自己真係一個突破，係呢一年，我真係真心被韓老師同周老師感動，已經不記得有好幾次感受到老師對學生的關心，真係好感動，今天我仲得到老師的鼓勵，我會努力的，我一定得架，老師。今次係朱大師兄第一日番元朗，要加油啊，大師兄!!! 下午番到屋企跟老爹吃了一個下午茶之後，跟他去買送，回到家，逼自己訓覺，因為八點要番CU跳暉仔的TRAINING，我要差好電啊!!!

見到好耐無見的LUCY，傷了的腳要好好處理啊，有說不完的話題，而家每次見到LUCY，我都會諗起係柬埔寨的畫面，不過竟然唔係SUWAN，而係我地每晚好開心咁係PUB STREET飲野的畫面，好RELAX，好開心，好ENJOY飲住野咁講下家人、小扁擔、愛情、旅行、自己的夢想、跳舞的態度等等，好慶幸自己係CU DANSO會識到知心的朋友，係好開心的，係相逢恨晚的，一切都因為POOL-SIDE CHATTING開始，I LOVE YOU，LUCY!!!!!!!!!做SIT-UP，真係好X辛苦，自己都頂唔順，做TECHNIQUE野，太累了，上午才鍛鍊了三個小時的肌肉再也控制不到了!!!

APOLOGIZE的STEPS，係一貫好暉仔的STEPS，不過我都跳得唔好，投入的感情係零，係呢件事上面，我發現左一個問題，我覺得其實自己或者係一個好怕羞的人，唔係搞GAG架，我有時自己係有FEEL架，不過唔知點解係跳唔到出黎，可能係對自己無信心，可能係唔敢係人地面前跳一D自己認為唔係自己強項既野，我知道自己係CU DANSO中的強項係D MUD，弱項係D MUD，所以要我自己FREESTYLE一個八，我一定會企左係到，又或者會做埋晒D好唔ARM FEEL既野。尤其自己開始跳番中國舞，做D TECHNIQUE的動作，好自然會PULL UP左，或者蘭花手就會跑左出黎，又或者將D動作做得唔ARM FEEL既 "靚靚"左，其實我覺得自己暗地裡係有點唔想改變的，要不斷咁將自己的STYLE TUNE來TUNE去係辛苦的，有時自己都唔為意的，有時係自己專登唔改的，因為唔想將自己教會的一套抹掉，中國舞同JAZZ的要求都唔同，有時仲有D相違背，點先可以係中間得到平衡? 再加上自己的腰傷，我覺得自己暗地係無以前咁搏了，有D動作自己唔會做得咁盡。暉仔今日話，有D動作唔好做得咁"靚"，要有FEEL D，嘗試抹掉自己一直所學的STYLE，反而感覺會好D，唔好因為要抹掉自己所學的就覺得唔好，或者我應該再投入D，但係有時，我又會覺得，兩者究竟有無可以融合之處呢? 跳舞心理上，有點不平衡了。堅持自己的STYLE? 順應大家的FEEL / 要求? 我不是一個好學生，但我好希望自己跳得舒服，又好希望跳到感覺出黎，又好希望同大家跳出黎的感覺貼近D，怎麼辦? 自己廢噏左一大段野，我諗大家都係會好唔明白，但其實..........總之自己好矛盾，好似有D反叛的野係度打緊扙。

琴晚，排COMPET的第一晚，跳小彥既野，雖然未算係HANDICAPPED，但係真係有D難度，因為我的記憶力不夠好.........小彥說了一段肺腑之言，CHEER UP我地，唔知點解，感覺上自己好似唔敢PROMISE D MUD野，可能我真係慢熱，但係我一定要PROMISE我自己一定要做到最好，最起碼唔可以無責任感，遲D出WARD都要番去練習，盡力每一次練習幾辛苦都好，都要有一次係盡全力的，最緊要最緊要係投入............................要以以前投入MST DANSO的心情去投入CU DANSO COMPET，畢竟，當我還可以有機會站在文化中心既STAGE的時候，我一定要珍惜 ; 當我還可以跳同朋友仔一齊跳舞，我一定要珍惜。

2008年的第一篇ENTRY，我要MAKE PROMISE FOR 2008:

(咁大個女先第一次SET YEAR PLAN，哈哈哈，因為我今年將會告別廿一歲，係踏入人生一個幾特別的階段，一個比十八歲更「成年」的歲數)

1. 最逼切的事: 減肥，要減到105磅。 (哈哈，不可帶著燒腩仔上台啊!!!)

2. 要投入跳舞的事宜，要認真D，唔可以再HAE住咁交貨，要做到最好。一係唔做，一係要做到最好。

3. 要堅持而家的興趣，包括BASS、日文、義工、中國舞、MST & CU DANSO。

4. 要堅持對住病人有愛心，唔好因為要做而做。

5. 要堅持唔可以走堂。

6. 要堅持對家人好D，唔可以成日串亞媽，老爹叫我做既事要盡快做好。

7. 對愛情的事，要自己好好的把握，因為幸福係要靠自己好好看管的，也許多一點衝動係一件好事。

8. 要堅持有責任感。

2008有八大目標，請向著標桿直跑。