工作壓力?!

其實我一直都唔覺得自己有工作壓力，最大的CONCERN通常都係怕俾錯藥/俾錯DOSE/簽漏名/做漏野，SO唔會因為咁而訓得唔好。不過自從番工以黎，我的睡眠質素又真係差左好多。

• 要等好耐先訓得著
• 訓著4個鐘又醒一醒
• 發下惡夢
• 番P的時候，十點半自動彈起
• 番完個NIGHT，要死典爛典先逼自己訓到4個鐘

我見住自己個黑眼圈由之前放假淡左好多，變到而家又番番黎，真係好唔開心呀!!!最怕的係，以後的日子點算呢?
我決定每日臨訓之前睇一集黃子華的絕世商驕，同埋搵人心靈綠洲一下。希望有用啦!!!
做我呢行，節奏太快喇，個腦8個鐘KEEP住RUN，個精神真係好容易HYPERACTIVATED。


趣事一則：
話說琴日戴極都戴唔到一條手鏈，個一刻真係好想結婚，可以伸隻手出黎，叫自己喜歡的男人幫我戴上，點知係呢個發緊花癲的時候，冷靜的腦袋竟然想出了用膠紙幫手，結果５秒後成功咁戴到條手鏈.................又唔使結婚ＬＵ.....................天啊，俾我做多幾分鐘少女好無???
有時做下女仔，發下姣都幾得意　^______^（我而家唔係女仔咩?!）