豬流感

首先，welcome back betty，我地個會隨時welcome再加入。

呢幾日黎，晚晚都係豬流感的新聞，坦白講，我真係驚到賴屎，死wor，會死人架!!!早兩日，一宣佈有第一單堅野係HK，我個心真係離一離，心諗「咁Q快打到黎?! 仆街喇，我對自己的INFECTION CONTROL真係無100%信心，我可唔可以全身而退架.......」

踏入5月，我差唔多日日都安排左自己番工，番工第一日已經頭痛+MILD FEVER，真係唔好唔信邪，誰知道5月1日就宣佈有一單堅野，咁我真係唔想番工，我老細竟然仲ENCOURAGE我番，我無保險GA老細，坦白講，我真係唔在乎個一兩個月的人工，始終都係命仔緊要，遲D STAFF左就話無得退姐，而家? 爆起上黎的話，作為PART TIME既我，一定會CHOOSE做逃兵。

朋友仔連日來係FACEBOOK的 STASUS都寫要做一個好護士，對我來說，當一個好護士的定義，係做所有的PROCEDURE都要PROPER，ENSURE PATIENT'S UNDERSTANDING BE4所有PROCEDURE，ENSURE PRIVACY，一定要應鐘，得閒要餵飯、換片，任何時候都唔可以唔理PATIENT的要求...........最重要係有一顆無私的心，即係係人人都退的時候，你要站起來..............再簡單D講，即係在豬流感/SARS的時候，如果你老細問邊個主動去ISOLATION WARD幫手，你會本著一顆無私的心主動去做天使。以上的POINTS，邊個有信心FULFILL得到? 我唔得，我肯定，因為我都係一個人，問心無愧就得。

今日，我完成了4年的大學課程，有一個學士學位，坦白說，得來不易，我雖然自問經常都笑笑口咁係醫院CANTEEN談笑風生，感覺好開心，但其實我地個個都好累好辛苦。當護士難，其實當一個護士學生，尤其係LAST YEAR的，都有一定的難處。番A的話，要5點起身，仲要無LUNCH時間，有時聽埋姑娘的教訓，再回到家，都已經係3點半，咁我應該訓覺定係食LUNCH呢? 咁既日子足足頂左3個月，呢D其實都係微不足道。係個WARD度，第一，D STAFF一方面又以為你mud都識，因為LAST YEAR LA MA，所以係PLACEMENT以外的時間要好好溫習，黎惡補一下3年黎因風流快活遺下來的孽債 ; 第二，因為你要考試，為求同STAFF打好關係，當你眼尾見到佢做D BASIC CARE，例如換片，度BP咁，就一定要以保特的速度去接手，仲要笑笑口咁講「等我黎啦，等我黎啦」，當係見到佢做一D你唔識既PROCEDURE時，又要好謙虛咁詢問佢可唔可以教你，而且，係往後的日子，仲要牛咁眼留意有無實踐的機會，又要好謙虛咁詢問佢可唔可以俾你試下，另外，係TEA/DINNER時，如果你CHOOSE同D STAFF坐，又要陪下笑，懶好奇咁搭下訕，第三，AS A STUDENT，你又要表現得你好有HEART，經常要懶好學咁拗D野黎問，注意，提問要有深度，亦要表現出「我有搵答案GA，而且有BASIC KNOWLEDGE，我求你教我啦」的一面，以上的就是每日係個WARD度要交的功課，一顆頗為虛假的心，一塊厚到死的面皮，一個好清晰的腦袋，一雙好精靈的眼睛，一個長期有笑容的咀，一條三吋不爛的舌頭，一對磨打手，一對強而有力的臂彎，一對保特的腳，仲有最重要的，自己的態度，一個強勢。這就是我的生存之道，說應該要說的，做多過應該要做的。但係，最最最最重點的是，我背後還跟一眾大學生一樣，都係交緊四萬二千一百蚊GA !!!!!!!!!!!!!

返回正題，經歷咁多，我本來係一個頗為有光明前途的小伙子，我仲有我的青春，我仲有我將來無限個的可能，在呢一刻，我仲未想死AR，尤其係呢隻豬，專食D 廿幾歲的小朋友，中招率極高，想當年的謝醫生都結過婚呀，我? 連糧都未出過呀!!!!!!!!!護士唔係社會的公僕!!!!!!!!!!護士只不過係社會的一份子，我唔明白，點解D家屬有權指住我個鼻黎鬧!!!!!!!!!!!我唔明白，點解的士司機唔使自動獻身，但係護士就要自動獻身!!!!!!!!!!!我唔係公僕!!!!!!!!!!!如果著得起套制服就係自己人，咁我要求有一份保險!!!!!!!!!!!當一個護士，確實需要愛心，但我好想好想好想好想講，大家唔可以將自己的諗法套係每一個護士身上，護士都係人，都係怕死，都有情緒，都有尊嚴，唔好以為個個護士都係藍丁格爾，唔肯去isolation ward係正常，自願去isolation ward係bonus。醫護人員肯照顧病人，不論係真心/被迫，都值得RESPECT，唔係ONLY死左既人先值得RESPECT。

我之所以選擇做逃兵，因為我同大家一樣，我怕死。
我之所以選擇做護士，因為我同大家一樣，我要一份工。