wedding

上星期六日好癲喪呀，連番十二日工，最後一更AN，之後SLEEPING DAY用左黎做姊妹，星期日又去左馬哥仔大同的WEDDING，之後又番工LU，4日入面我諗我ONLY訓左10個鐘.......不過我都過得好開心，我真係好重視MENTALLY HEALTH，我要玩，我愛玩，我要喪玩!!!!!!!!!!!

先講星期六呀，好爆呀，7AM收工，0715番到HOME，沖涼洗頭，THEN 吹頭，紮頭，化妝，換衫，食埋個早餐，0815衝落樓，飛的去小娜HOME，去到翠和樓，打俾美琪叫佢開門，佢話「好，開左啦，你入黎啦~~~」...........................「你個度係咩樓?」「麗和樓」「..............我去錯左，我而家黎緊」搞GAG!!!!!!!!去到，又係接新娘啦，我先發覺原來我的殺傷力咁低，完全唔夠黎，素欣姐真係不得了，好一個大妗姐，玩到D兄弟傻左，好野!!!!!之後就做妹仔，負責奉茶 ^^ 下晝係STEPHEN & 小娜行禮，馬哥仔都有黎睇，佢地咁就成為了對方的另一半，係一生一世既，係未來個60年都會對住的枕邊人，真係幾感動!!! 夜晚去飲，我又要做MC，雖然只不過係講2頁紙的稿，BUT我真係好緊張，唔想自己做得唔好，依D回憶一世GA MA，好彩都OK JA，stephen仲感動得落淚，^^ 最後成12點先番home，搞le搞lo成2點幾先訓。我頭痛得想死。stephen 送俾小娜的:



so sweet~~~~~~

星期日，8點起身，oh my god!!!!!!!!!! 起身洗面化妝整頭換衫，樣樣野都做得好慢，真係無mud衝勁，好眼訓呀..........finally 都係遲左出門口，好彩finally 早到左，因為架bus行得好快，去到景輝堂，好靚呀!!!!!!!!!!!!!!!!!!!!!!!!!好大好大的地方，有好靚的大樹同草地!!!!!!!見到大能一班兄弟今日個個都好靚仔bor，不過馬哥仔顯然一副眼訓樣，都係平時靚仔d，平時套老西條VW tie都靚仔d ^^ 又係行禮，同一段經文，什麼骨中的骨，肉中的肉，其實都幾悶，好彩有elfee陪我傾計，其實大家有無諗過你才是父母的骨中的骨，肉中的肉?! 我地對父母也尚且如此..........anyway，希望priscilla & timmy 白頭到老，幸福甜蜜!!!!



之後同大能一齊去草地食下野，傾下計，hoyin變下magic，周圍影下相，好開心，好like同佢地一齊玩，好白痴既人就arm晒我channel ^^ 自由自在，唔使扮野~

such a happy day!!! 其實我呢日好緊張GA，好怕自己條裙娘左，怕自己個妝濃左，怕自己食野跌野，怕自己講錯野，點解呢?2/3係.............唔想影衰馬哥仔，so做女朋友的一定要靚，最低限度都唔可以殘/醜，1/3係因為...................e小姐係度..............女人心中的battle，男人係唔明ga la!!!!!!!!!!!!!唔知自己pass 唔pass 呢?

星期一facebook，先發現一個大學danso friend原來已經靜悄悄地結左婚，大同annie姐又engage左，中學師姐又結婚，加埋我表哥&表姐，而家係咪咁多人結婚呀?! 2011年可能真係一個好年........ 其實結婚.........如果你問我恨唔恨，我恨ga，有人要wor，唔使做剩女，幾正，but每去一個婚禮，就好似被淋一野冷水咁，重新再remind我一次何謂婚姻，是一生一世的，要犧牲的，是一個無得縮沙的承諾，個責任真係大到喊..........照顧自己其實已經好mung水，仲要照顧埋老公，奶奶老爺............一個家庭，當女人的，就應該做家務，煮下飯仔，其實現今一個家庭，好多工作都已經係share，but想像一下兩個星期要拖一次地已經想死，仲有番工之後無得訓晏覺，要去街市同其他師奶搏鬥，又要洗，又要切，又要煮(我諗我結左婚都會堅持煮下飯仔，要cool住個佬ma)，又要食，又要洗碗，仲要洗衫，幫老公熨衫，閒時又要諗下新意，搏下老公歡心，心理同生理輔導一下老公，第二日又要番工服待d 日日俾$68以為自己係大爺的死人頭...........如果有埋小朋友仲弊.............我都唔敢想像。有人問，我去完wedding party，有無想結婚的衝動? 其實真係無，相反，愈諗愈衰.........我係咪有病..........其實原本係一件好美好的事，我真係愈諗愈衰，結婚需要勇氣，生仔需要勇氣，做女人心口真係需要掛住個勇字，你有無? 也許結婚生仔係人生中的個必經階段，正所謂船到橋頭自然直，飯煮到埋黎就食，可能係我諗多左，可能係因為我而家太依賴屋企人，我唔習慣為一個家庭付出，可能到時又唔係真係咁難受...........其實我個腦成日都諗埋晒呢d 9野嚇自己，唔好睇我平時笑呵呵，其實我都好有深度ga，哈哈哈，不過有時我又覺得自己都幾容易有抑鬱...............
conclusion: 我想得太多.............



哥哥，走了7年，願安息，同時，願當年死於SARS的人安息。