哩度我話事，我打骰﹗: 10月 2010

星期五, 10月 22, 2010

我唔夠LEVEL

前晚番NIGHT，同資深護師NIGHT啊，心諗一定悶死人...............其實我地呢D食物鏈最底層既，真係對D SENIOR有D怕，其實佢地都好NICE，不過正所謂伴君如伴虎，我地呢D番NIGHT又一定懶，人又燥，成日係番NIGHT爆粗GE，真係有D怕同APN一齊NIGHT。

佢突然好主動咁打開話題，講佢要催谷個女，佢一定要佢個女成功，佢好努力咁培育佢，連佢身邊的朋友亦然，又反問我「人應該有要求」「如果有能力，點解唔俾最好既野佢?」，OMG，我真係唔識GA，我成日都覺得小朋友開心就得，佢有自己既路，佢地總有一日會識諗，會自己走自己的路，THEN APN就話我未夠LEVEL，佢話我既LEVEL只係去到拍拖既階段 (其實我覺得我連拍拖的LEVEL都未到.........) 佢問我「咁點解你要揀個大學生?」我話「我都唔識D唔係大學生既」APN「嘩!!!!!!!! MUD你咁串既?!!!呢個世界總之就無錢唔得!!!!!不過算啦，你未去到呢個LEVEL，你唔會明我既諗法。」

其實佢講既野，我真係好唔明白，句句都講得好狠，好現實，不過可能我而家真係好天真，如果身邊的人都唔係新界北區，而係HK ISLAND，可能我16歲就同我亞媽講「我要 Hermès 」，人以群分........

唔知點解，日日都有人同我呻佢D仔女，慢慢地我覺得自己好似對將來有D恐懼，佢地甚至鐘意番工多過係屋企，佢地係屋企好似好多時間都係忟 & 勞氣，作為家中的公主，我覺得現在一切也好好，AT LEAST我有自己的空間 ( 雖然好小)，我有自由，我唔開心既時候，總有爸媽作最後強大的後盾，有時，灰D講句，如果長大了，這一切都要被拿走，那麼我不要長大......... 我係被保護的80後。

插曲: 最近我個WARD黎左個靚仔又GENTLEMAN又講英文好好聽的MO，琴日臨收工7AM，佢黎巡房呀，仲要做PROCEDURE，平時一夠鐘即刻走既我，都專登留低幫埋佢手，我覺得個一刻有D心如鹿撞的感覺呀，哈哈哈!!!!! 好似中學的小師妹見到大師兄的感覺!!!!! ^^青春，真可愛青春~~~ 11月尾就要離開E5，就見唔到佢LU...........
而我最開心的是，我可以把呢件事好誠實咁同REX MA講，因為..........
我地之間，有D咩唔可以講呢?

咁人地係靚仔過佢MA，哈哈哈 ^^

星期三, 10月 20, 2010

空間

今日忽發奇想，突然好渴望有一間屬於自己一個人的房間。

有張中SIZE的床，布兩個枕頭同厚厚的被

有HIFI，我可以晚上邊聽歌，邊看雜誌

房間要有可較光暗的燈，睡前調暗一點，FULL 下MASK，點起香薰，聽一聽WONDERFUL TONIGHT才入睡，一定睡得好~~~

有個大大的衣櫃，一邊放冬天衫，一邊放夏天衫，唔使成日執來執去。

而這一刻，最渴望有一張屬於自己的梳妝台，
我可以把一支支的CREAM放得好好的，鼓勵自己唔好懶搽CREAM，
把香水放得好好的，噴一噴先番工，心情也好一些，
把耳環放好，可以成日換來換去。

天花有星星/水晶燈，多浪漫!!!!

房間不擺放書本，只有雜誌。
房間不擺放鞋，因為臭!!!!!
房間不擺放男人，因為唔捨得一半的衣櫃!!!!!!!!!!!!!!

星期一, 10月 18, 2010

我不成熟

最近，因為工作的事，令自己好唔開心，面臨ROTATION，老細好似將我逼埋牆角，D DUTY出得真係好差，星期日番P，NIGHT完無O，OAPAOANOAPOA的DUTY，真係爛到HIHI。

D CASE又唔生性，呼之則來，揮之則去，頂佢。

跳舞，一個字，困身。

我都知D野係自己選擇的，跳舞是，工作亦然。但係，當D 野CRASH埋一齊，就會令人受不了。

我是一個好MOODY的人，我開心的時候可以笑足一日都唔會攰，唔開心就會黑面，我黑面的時候係真係好黑，LUCY同DAISY一定見識過。我係一個情緒好波動的人，可能會令人好討厭，不過任性D講句，呢個就係我。

無得去玩 + 感覺身邊有好多制爪，心情跌落谷底，跟DAISY 同PANCHING講，好一點，因為大家都感到跳舞的困身。個人不斷咁埋怨，不斷鑽牛角尖，其實都知道同你講係無用，就係要講，諗住可以找一點安慰，原來係唔得GE.........根本無人可以開解，爸爸都不能，一齊都係靠自己....... 諗過S.L.，但係我真係做唔出扮S.L.，真係好無用，結果唯有轉下耳環，專登著件紅色衫，CHEER ME UP，逼自己笑多D，一係想自己提醒自己要開心D，二係唔想頹頹的自己惹人討厭，其實個心仍然係唔開心...........

工照番，但我做左一樣好仆街既事。當晚我主動要求同人調DUTY，我要去蒲，我要去玩，我聽日要番P!!!!!!!!!!!! 其實老細一早編晒TEAM，我知道咁樣好唔負責任，連累老細又要調TEAM，但我一定要去玩......... 表面上我好似只係因為貪玩，其實唔只係咁.......... 當晚我番完P，我去左太子打羽毛球，MUD野活動唔係一個問題，我需要既係一個「突破制爪」的感覺，我係都要調DUTY，我係都要搞亂個SCHEDULE，我係任性，但我個心起碼係舒服好多。

也許大學的時候玩得太多，晚晚跳舞，幾夜番屋企又無人管我，第二日起到身就上堂，起唔到就走堂，一向都唔鐘意人地管我，而家第二日番早又要早訓，已經成日無得去玩，紅日人人去玩，我就番PA，我要自由呀!!!!!!!!!!!我既心理確實要平衡一下，我既SCHEDULE，我都有權話事!!!!

我都知自己做野任性，唔諗人地，唔諗後果，我認，我不成熟，我唔可以好乖咁長期言聽計從，久唔久就發病一次。我需要時間成長。不過只少我唔會假S.L.。

一小時的羽毛球，我笑得很開懷，是真心的，GER晒。

衝上雲霄 + 讀心神探是我最近的每日活動。

好想番去羅馬呀!!!!!!!!

星期三, 10月 13, 2010

沖繩約定の旅 - DAY 3 (PART 1)

第三日喇，呢日我地要轉酒店，我地一早0600起身，為左最後衝刺，浸溫泉，叫醒我每一吋的肌膚~~~~WOWOWO~~~~以為會無人 / 得番D亞毛，點知原來D日本KAWAII超早起身........ 我今次真係唔執輸，浸多陣，享受下先~~~~之後食個早餐，THEN就上房執野CHECK OUT。

第一站 - 萬座毛，突出在東中國海的萬座毛，因海浪長年侵蝕，石灰岩的懸涯峭壁形成了遠看猶如象鼻般的獨特造型。

ANA 酒店 - 哥哥個套<<戀戰沖繩>>的場景

白雪公主趴左係地下睇書?

玻璃水 ^^ 見唔見到紅圈內有個陰影? 係魔鬼魚呀，我地係廿幾米高都見到，一定係好大大大大大條，好想同佢一齊游水水~~~仲要其實係有兩隻GA!!!!!!!
第二站去熱帶果園，因為沖繩盛產菠蘿，呢D得旅行團先去的地方，隨便行下啦.......

呢個咁核突的是...............火龍果樹.........

沖繩特產 - 苦瓜.....其實都唔係咁特別JE，比大陸個D爽脆LAW

星期四, 10月 07, 2010

沖繩約定の旅 - DAY 2

第一晚我講漏左一個行程，就係浸溫泉，因為我地住的是溫泉酒店，話時話，上年去北海道已經浸過了，其實我一直都對一D咁靜態的活動有D 抗拒，好悶GA MA，坐係度，又無人同你傾計講下D KAWAII的身形，上次就話有LILIAN陪我，而且人地有10個池唔同溫度、唔同味道俾我浸，今次呢個得一個風呂，真係.......SO我都係浸左5分鐘就上番房，因為怕馬哥仔悶MA....之前又係佢自己話唔鐘意一大班男人赤條條的感覺，都係浸一浸就上黎，點知...........上到房得我一個，佢話好舒服WOR，其間我一個人係房等佢，我聽到有救護車聲，我心諗「馬哥仔唔係咁渣呀???」結果原來係個亞婆。

第二日，一早食個早餐，我地因為搞得太耐喇 (男的又GEL 頭，女的又要遮醜又要襯衫)，結果我地得番10MINS衝個早餐落肚..........

沖繩的陽光，令人人都充滿元氣!!!!!!!>3<

上到車，導遊就俾左呢張紙俾我地訂北海道海鮮 & 和牛食，嘩，大佬，而家兌9.1呀，海膽700HKD，A5神戶牛 = 一張金牛，牡丹蝦同帶子差唔多成百蚊一隻呀，點食呀???? 雖然我已經擺出一副自認極度可憐的樣子，但結果都係無食，BUT 同團好多人都有BOOK 呀，真係有錢...........BUT 之後問番團友，佢地話唔好食WOR，嘻嘻，再去北海道先再食啦，我要食十隻帶子，ROAR!!!!!!!!!!