歸於平淡

隨著AP的完結，我真真正正可以放我2007年以來的假期。
2007 : STREET DANCE ---> COMPET ---> 出WARD ---> AP
真係每一日都過住想死的生活，有時就算唔使練舞，都唔知點解個SCHEDULE都可以好Q FULL，要搵一日空晒既真係好難.......
曾經同DAISY講過，跳完AP，我會放自己一個好長好長的假，唔會跳藝墟，但係事實証明姣婆......始終係守唔到寡，完左AP唔夠三日，我就好想郁下個身，WAVE下，唉..........藝墟，再會吧。

四月四號，好多謝MST友黎睇我跳舞，尤其是係兩年都有黎既YENNIS，SUNNY，PANCHING，雞雞，當然仲有我的爹娘。
不過，真係好違憾LAW，有幾條友友仔竟然唔等我出黎影相，自己閃左，有無搞錯呀? 我已經九秒九D FRIEND咁衝上去拿袋再衝落黎，你地都走左，真係O晒咀，加少興......>.< 無得影相，對於我黎講，好似無左個紀念。

完左SHOW，去食宵，食到凌晨四點，番到屋企四點半，沖埋涼，四點九飛落床，不過係朝早六點三起身LAW，多謝~~~~~~~
番大陸啊!!!朝早的感覺，好似剛剛訓完個晏覺咁，零個靈魂，不過又零眼訓喧，好奇怪。
係羅湖過關，BIG到嘔晒電，但OK 啦，我都無發脾氣，可能太累了，MUD Q 火都點唔著啦。
成十二點先番到鄉下，食完個好飽的午飯，就去拜太爺太麻，鄉下的親戚好勁啊!!!還記得的名字，我的讀書背景..........話實都係兩年先見一次JA WOR，佢地好NICE架。
之後落番禺，全程都靠爺爺和他的公司車的關照，有私家車坐，我才不致死亡。之後去了吃一個香蕉船做下午茶，再去爺爺家吃了個飽到快要爆肚的晚飯。
去睇長隆大馬戲，真係唔好睇佢個名老老土土，佢真係一個大製作，好睇過莫斯科，因為我真係睇過莫斯科，我發覺呢個真係好睇好多，今次我地遲入場，個位置唔好，我地一家決定下次帶麻麻上黎再睇過。

第二朝，爺爺帶我地去飲茶，好多好多野食，我食左三個飽呀，加埋無限量的點心，八個人食到滯晒都係 $108，平到痴線，D SERVICE又好WOR。之後去行街，我地行左一個SHOPPING MALL都無收穫，之後去一間賣小食手信的舖頭，我地就買左一大袋野食，有棋子餅、榴槤糕、老公餅、盲公餅、姜汁叮叮糖、糖漿柚皮，好開心呀~~~~~~~~~~~~~~我真係一隻豬黎架。
之後，早餐都未落格，就去食雞宴，真係咁大個女第一次食RUNNING CHICKEN，零脂肪，連D皮都真係彈牙架，真係好食到痴晒線，我地食左八碟大大碟既送，包括兩隻雞，再另外加多隻外賣雞，都係 $19X JA。
再去食糖水， $3一碗糖水，$4一碗雙皮奶，你食唔食呀? 爆肚都食啦，我同媽咪講笑，叫到成台都係再每樣食一啖都抵。

之後，番HK LU。
今次呢個辛苦的兩日一夜的拜山吃喝玩樂團，我用了一個宇宙胃來令自己好過一點，太開心了。
回到屋企過後的三日假，都係瘋狂的食食食，好似爸爸所講，好似雞仔口咁食唔停。

最愛，還是爸爸的愛心糖水 --- 紅豆沙。