痴晒線 - Butterfly Lovers

一定要睇到最尾，一定要!!!!!!!!

希望事情可以告一段落..........

我做左一個由謝慶華同學寄黎的周星星movie quiz，我點會得70%架，睇黎我要好好地惡補一下，哈哈

仲有兩個星期就有三個exam等緊我，一d都未溫過，我知道自己一步步咁行緊去死，怎麼辦???

託amy的福，遲d有份part time教人整甜品，好開心的樣子........

上星期三，利用我一把長髮換來了五百蚊，嘻嘻，大家都話這是什麼世界，我真幸運，雖然我不是太喜歡新髮型，但都唔算太差，又可以換一換形象，好像不錯呢~~~仲可以HIGH LIGHT埋，真係抵到HIGH HIGH~~~

今個星期除了是TVB生日，仲有三個MST DANSO同學仔生日，好開心呢，大家都要幸幸福福呢!!!

我蠢我認

下不為例。

我好討厭自己...........

開心

vn好耐無update 啦，之前的生活都是埋藏在跳舞當中，不過我覺得自己退步緊，不要說feeling，連好好鑽研動作的心，或是自信心都好像離開了一點。曾經，多次因為自己的懶惰，有好幾次都唔想去練習，但我的責任心最後都打敗了懶惰，但我從前是一點異心都沒有的.......

其他U的SHOW唔講啦，ONLY主場，唔係好好，我覺得自己可以ACHIEVE得好D，不過有好多人都話感受到我地呢班DANCERS的FRIENDSHIP、歡欣、ENJOY，已經好開心，因為証明大家都係好開心咁跳，由YEAR 1 到今日 YEAR 3，由FRESHMAN 到 PRE-老鬼，有D人中間去過EXCHANGE再番黎，都仍然可以跳得咁HAPPY，我覺得真係好難得。相約左一起跳COMPET，哈哈哈，跳死佢啦，出WARD夾COMPET，仲激過上年，行屍走肉的日子，將會是2008年的開始，真係不得了。

跳完主場MADAN，我同亞趣、LUCY、MINNA一齊食TEA，好開心，之後MINNA走左，我地三個就坐係POOL SIDE傾計，真係無所不談，由感情野、責任感、投資、人地的感情野、旅遊..........傾左五個鐘，真係不得了。入左大學之後從來未試過咁吹水過，好ENJOY，因為覺得同大家的友誼又行左一大步。KEEP ON IT~~~~~

星期六去城大同亞醒影GRAD相，星期日去港大同朱大師兄影GRAD相，原來大家都畢業啦，時間真係過得好快。港大真係靚，呢個地方是我由小三開始想讀的學府，結果我因為NURSING放棄左呢個夢想，我諗我都唔會後悔的，雖然我覺得我的U-LIFE真係輕輕的來，亦都會輕輕的走，好像沒甚麼好留戀的，我真的沒有好似班長/朱大師兄的SPIRIT，這其實都係我曾經所以為的U-LIFE，曾經想擁有的。

俾PANCHING踩爛左我對好鐘意的鸚鵡拖鞋，唔開心，我真係好鐘意架。之後全日都著住對技巧鞋行街路，真係SHIT，不過，都係一個好鬼難得的EXPERIENCE，試問再喜歡跳舞的人都未試過著住技巧鞋行街啦。真係，蘇淑都不能同我BATTLE。幾勁。

好多謝你的招待，好靚的地方，好開心。

琴日，連爸爸都問我有幾多寸腰，睇黎我再肥落去，我是會死的。我要過一個開心的2008。身邊的好友們要好好提醒我啊!!!!!!!

今日的下午堂，一講到青少年懷孕的問題，我地五個人又勁興奮咁高談闊論起來，「你接受到婚前性行為嗎?」「你會唔會同居?」「如果而家你有左咁會點?」「你想幾多歲結婚?」哈哈，足足傾左成個幾鐘，一個好SERIOUS、好CLC的討論，我諗我都真係外表OPEN、內裡真係村姑到震D FRIEND.............不過，呢個村姑都係唔會出城架啦，哈哈哈。如果我想廿六歲結婚，咁我仲有五年，我要積極D啦!!!!!

2007 MADAN @ CUHK

聽日就係啦~~~~~~~

2005 B.O.W. W.O.W.
2006 CLOCKWORK
2007 拍拍手大叫「好爆呀~~~」

呢一刻，唔再求齊，唔再求爆，
希望大家都ENJOY
大家都HAPPY!!!!!!!!!!!!!

好多謝大家呢兩年
開心、跳舞。

ENJOY~~~

三年級第一期實習記事 之 第十五日

第十五日 九五更
仁安醫院 手術室(OT)

今日一番工都係睇CAESAR，一個22歲既女人，第一次有husband陪同，好幸福啊，幸福到我都好感動，原來一個男人的影響力咁大，仲要睇得出佢好愛佢老婆，唔會淨係掛住個BB，見到佢地一家三口，真係FEEL SO WARM，不過我地個個都諗22歲生仔，咁我而家咪要開始大肚?????????OH MY GOD!!!!!!!!!

之後睇一個用LASER打碎D尿管石。

之後睇左一個19歲女仔做肺的手術，佢其實之前已經有OVARIES CANCER，今次係驚佢擴散，見到佢真係好心酸，19歲的時侯，我仲考緊AL，對於佢黎講，佢既生命連呢D都感受唔到，我唔可以接受自己細細個已經無左個副「計」，仲要咁大條疤痕貫穿成個BODY……開胸真係好震撼，尤其係個好似好有主見、好有要求、好有架子的醫生落刀超快，佢好似勁有自信咁，佢又用個電鋸鋸開個胸骨，之後見到個心同個肺，原來個心咁大，原來陷左的肺係好似一片野咁，原全唔同樣。

之後，睇左個COLOTECTOMY，係一個老婆婆大腸有個大TUMOR，要OPEN開肚咁切，見個SURGEON拿晒D腸落張OT BED，D腸都仲係度蠕動，真係好嘔心，個鼻仲好似聞到D味，又唔係血腥味，都唔知咩黎，之後CUT開切左出黎個條腸，個TUMOR大到好似個拳頭咁大，仲係黑色，好恐怖，唔怪得之七十歲都要OPEN咁做呢個手術………呢個真係大手術，可以同開胸BATTLE。

睇左一個NESBIT OPERATION，其實即係不舉，主因係NATERIOR的MUSCLE過長，做完手術，個SURGEON要BUMP漲佢去TEST個RESULT，真係好好笑，因為仲要固定佢影相，哈哈，我同我個FRIEND講，我覺得，我地而家好無童真，因為咩SIZE，咩CONDITION我地都睇過………….唔知點咁。

FINALLY，NO仲帶我地去參觀DAY SURGERY CENTRE，又見到剛剛搞完抽腸的包皮醫生，真係想問，有D咩係唔關你事??????????

開開心心放工去，我好鐘意仁安OT。^______________^ 新目標!!!!!!!!!!

三年級第一期實習記事 之 第十四日

第十四日 九五更
仁安醫院 手術室(OT)

今日一番工都係睇CAESAR，每日晨咁早都係有一個BB出世，好似好有人生希望咁，哈哈哈。

之後到今日的超級重頭戲，CRANIOTOMY，開腦呀~~~~~~~~~~~
琴日知道已經興奮左一日，首先有兩TECHNICIAN入OT SET野，因為而家有個衛星導航系統，可以guide住個SURGEON，等佢可以好順利咁開條路直達個TUMOR，真係，科技的偉大啊~~~之後佢地GA左個PT，落個頭COOL釘住佢個頭，再剃頭，原來而家唔使剃好多頭髮，淨係落刀個兩行線仔，之後佢地要整番醒個PT先開腦，不過當然係打晒LA啦，先揭開個頭皮，原來我地塊頭皮係咁厚既，都有成1CM咁厚，再用個小電鋸整開塊頭蓋骨，大約2CM X 2CM，再CUT開塊腦膜，就見到好似豆腐花的腦，沖沖佢就真係白色GA WOR。我係度諗，如果我係個pt，我真係會驚到失禁，自己知道個腦俾人開，仲要聽埋D刀刀义义的聲，OH SO POOR~~~

之後睇左個隆胸，無錯，這是私家醫院OT的專利，嘩，入到去，已經入左一邊胸，另一邊，我睇佢本身仲大過的，真係……….，入左個胸之後，我地幾個人都停晒手，大家討論下兩邊BALANCE唔BALANCE，見到D女人STAFF不時耳語，我地幾個又不斷係咁嘩嘩聲，真係好搞笑，做完真係好大，重要係好挺，不過我覺得手感應該真係好差同好假，雖然我係無MUD，但係咁假既野，真係唔使預我。

之後就係LAPOSUCTION，即係抽脂，哈哈哈，今日真係好似去左KOREA咁，個PT抽大脾脂，嘩，我都好需要呀醫生，不過見個醫生拿住支SUCTION係咁出出入入，隊來隊去，都幾辛苦，不過，比起隆胸，我覺得呢個ACCPETABLE D。

之後睇一個LAP割膽，入到去個膽已經出左，原來個膽都有一隻手指尾咁長，D膽汁係墨綠色的，傑TA TA既，好似D HALLOWEEN 既道具。

最後睇左一個COLPOSCOPY + LEEP，就係子宮頸檢驗，原來VIRGINA可以撐到咁大………女人真係多病痛。

三年級第一期實習記事 之 第十三日

第十三日 九五更
仁安醫院 手術室(OT)

今日我地專登早半個鐘番工，為左一對twins出世，^^，好興奮啊!!!不過就累到ROWENA都要早半個鐘番工。
今次個大肚婆，個BELLY真係大好多，個大肚婆仲話個肚頂到佢有D透唔到氣。CAESAR出黎，兩個都係男仔，佢地SHARE同一個胎盤，應該會係同樣的，好幸福，好得意咁，之後ROWENA同我地講解下個胎盤，仲俾我地戴手套掂下佢，其實都唔係好想掂，因為好核突，又係暖暖地咁，我都你用手指戳左幾下，真係唔明點解D人會食紫河車醫哮喘。

之後再睇兩個CAESAR，真係睇到嘔，有一個BB喊到勁大聲，好有中氣，好可愛。^_____^

之後睇左一個3歲男仔做CYTOSCOPY + CIRCUMCISION，真係估唔到，一個BB出世時咁細個，三年就可以咁大個。

之後睇左一個女人做MARSUPIALIZATION，又係切CYST，中年女人真係好似好興呢味野。

之後睇左一個女人要切子宮腺肌瘤，個瘤真係好鬼大，個好nice既PROFESSOR級醫生話佢個瘤介乎係個子宮外膜與內膜中間，所以佢每次黎M都痛到要入急症室打止痛針，切出黎個瘤都真係幾大，仲要有兩舊，絕對不能用兩粒黎形容。見到都覺得佢痛。

琴日MENTOR先講，佢見過最核突的TUMOR係FIBROID子宮瘤，因為個瘤可以係有外膜，切開佢入面可以有頭髮，有牙，聽到真係眼都突埋，佢話無得解釋，總之可以係咁，嘔心到好似外國D驚憟異形片咁。

最後睇左一個宮外孕pt割番個死胎出黎，都好大下WOR，都有成隻手指尾咁長，ROWENA仲教番我地ANATOMY，汗，YEAR 3 萬歲!!!!!

三年級第一期實習記事 之 第十二日

第十二日 九五更
仁安醫院 手術室(OT)

今日番到去，又係睇caesar，真係多d黎密d手d friend。今次個BB都唔係好喊，個助產士單手倒吊佢，佢都唔係喊得好大聲，至係偶然喊幾聲敷衍下我地咁，哈哈，佢又係細細粒的。

之後睇今日的重頭戲，一個PAROTID TUMOR的CASE，個病人面頜的口水腺有個TUMOR，醫生要由佢的耳仔邊落刀，再好仔細咁分番面頜的5條NERVES出黎，之後再CUT個TUMOR出黎，其實一切係塊面落刀的手術，都好似好大件事咁。醫生用D線釣起佢隻耳仔，落刀，愈切愈深，又止下血，又商量下，又落刀，我地都係好無所事事咁企係度。好搞笑，今次個SURGEON有兩個，其中一個係上次割包皮的醫生，原來佢係GENERAL的外科SURGEON，所有專科醫生唔理既佢都要理。話說佢負責用DIATHERMY止血，佢唔想用直角頭DIATHERMY，佢REQUEST要直腳的，另一個醫生問MUD有直腳GA MEI，佢話「有，我用黎割包皮用的。」.................................

見佢地切到我地食飯都未到個TUMOR位，我地就去食飯先啦~~~

食完番黎，佢地仲切緊，不過個TUMOR已經見到，之後個SURGEON SHOW個5條NERVES俾我地睇，原來NERVES係白色咁粗架，以前以為係好FINE既野。之後個TUMOR切左出黎，一邊好滑，另一邊係好爆既，我地全世界都以為個TUMOR一定係好爆個邊，點知..................相反，個PAROTID本身就好爆...............ANATOMY BYE BYE~~~~~~~~
個TUMOR都有3CM乘3CM架。

之後又睇一個SEPTOPLASTY，又係一D個醫生睇到，我地零個睇到的手術，不過見佢用個刀，又用D刮勁整個鼻骨，我個鼻都好似好痕好痛咁。之後個手術做完，個PT甦醒的時候，唔知點解佢好似痙攣咁，好驚呀，因為之前個麻師講過，做手術同坐飛機一樣，起飛同落機係最CRITICAL的，不過我又見D STAFF無MUD野咁，之後個PT都順利醒左，不過就叫左好耐。

之後無CASE睇LU，個MENTOR帶我地去睇下心臟科手術的EQUIPMENT。因為聽日仁安第一次做心臟換心瓣手術，全個OT的大粒野聽日都會入晒去幫手，嚴陣以待呢。