上週

上星期日，去了聽<讚美之泉>concert，好聽，好舒服，不過，在一個充滿宗教氣氛的環境下，對於一個沒有宗教背景，只為聽歌晚的黎講，始終有一點尷尬難為。
星期一，上sis workshop，暉仔教，勁期待，一系列好wave既warm up，把我的身體打開了，哈哈，之後，佢教jazz funk，又係好講feel個d，我最鐘意ga la，雖然有微甩的現象，但真係唔錯既感覺，可以自己一個人deeply addicted，feel so good~
星期三，去了書展，買了好易通，無錯，我在大二時買好易通，只期望能充分理用這電腦辭典，唉，arm arm先供完我老公，又要揹多二千一蚊數，dame 。仲買左<五體不滿足>，講一個一出世無四肢既日本人，我睇佢既文筆都幾有趣，在不幸中有一點點綴。<愛之手扎>，講一個有絕症既年輕日本doctor臨死前寫俾老婆，大女同一個未出世既女的信，我諗超煽情。<加護病房>，成一百蚊ga，係一個外籍ICU NURSE寫既書，希望有d啟發。行到好累了。見到班長同roger，亞馬話企左咁耐一定好累，唔知點解聽到呢句，我想起了出ward的時候............
星期五，超黑仔，諗住出香港dancing，點知架271去到隧道，先打電話黎話cancel，shit，咁就無厘頭地無左$18.2既車錢，天啊!!!!你可知道我有多窮???因不服氣的逛左陣旺角，都無野想買，又超累，行mud野je???????天啊!!!!你可知道我有多累???撞到我的honey斌青，哈哈，我們未免相見太頻密了。
星期六，跳紫荊盃，苗族，<篝...女>，係波仔sir既作品。記得一開始call人跳既時候，我一開始就應承了，因為係波仔sor，又係我最愛既苗族，五百蚊我也願意俾。每星期四個鐘，太harsh了，想死，猶記得跳完第一次，我足足一個星期走不好路，還要出ward呢!!!練習的時候，也許是因為少時不用功，沒有基訓的根基，枉枉不能到達要求，多次被點名批評，自己也因此而唔開心過，心諗，有無咁差呀?到後來，亞sir也許是叫我的名字叫上癮了，有時唔關我事的，也會叫上我的名字，我也習慣了，開始找到令自己舒服的生存方法。要跳了，要比賽了，一切好似好突然，是一個期待已久的日子，不過，我已不習慣舞台，甚至有一點兒怯場。
站在後台，作了多次的深呼吸，踏出台板上，赤腳踏在地膠上的感覺，既熟悉又帶點陌生，擠出了一個最拿手的燦爛笑容，隨著聽得煩悶的音樂，作了個苗族的篝女，這時，每做一個動作，腦入面就浮現了波仔的要求，盡力地把每一個動作誇大拉長，壓低身體，腳踢高..............完了，dim燈，就好似發了一場夢，一場好激烈的夢。奇怪的是，在燈光驅使下，身體的力量好像用不完似的，不覺辛苦，不覺累。
這次的表現，是我由學習到現時最好，最盡力，最認真的一次，我已對得住自己，沒有任何遺憾，以往在舞台上的感覺都返黎啦。雖然到最後一個獎也沒拿到，但我已很滿足，不再是以前的我，以前總會為獎而有所牽動，現在，只求盡力，無悔無憾。

呢d咪神"經"俠侶law

玉女劍法

篝...女