二年級二期實習記事 之 第五日

第五日 A更
沙田威爾斯親王醫院 9C

今日都未入到WARD，SUSANNA就話今日要考三個同學既AOM，一心諗住唔使考，打死唔考的我，真係頓時一額冷汗，不過我見SUSANNA好堅決，只好頂硬上，好彩都PREPARE左D野........
一入WARD就CHECK下有D咩CASE，發現只有兩個POTENTIAL CASE，變左我唔使考，我真係舒一大口氣，開心到呢........成個人好似飄起左咁，而且我同KAREN都係聽日番A更考試，即係話我地已經知道邊兩個係EXAM CASE，SO......我地真係好關心呢兩個CASE架!!!

今日全日我做左一個IV MED，係CIPROXIN，個PT原本落緊一支K水，個STAFF話支CIPROXIN同支K水一齊落，即係要用「三通」，哈哈，不過個「三通」唔同LAB DAY個D。結果都OK啦，順利咁落左支MED加FLUSH埋個「三通彤」。睇到自己有進步既，落IV唔再驚，不過，幾時先可以自己一對手搞掂成個PROCEDURE呢?

今日有一個PT要插FOLEY + RYLE'S，結果我選擇左插FOLEY，因為係LAB DAY，我又覺得插FOLEY唔算太難，係大家都唔想做既情況下就頂左黎做，如果要我自己俾分，我會俾自己70分，要改善的地方:
- 留意拿起D布時，隻手唔好掂到D窗簾
- 留意SWAP個SIT既時候，必定要一直向下，次序係最外、最內、中間，不可CIRCULAR MOTION
- 記住要CLAMP條喉，AFTER見到有尿出其實仲有好多MINOR POINT，不過第一次做都算係咁啦。

今日，SPEND左好多時間去搵牌板，去ENSURE無其他POTENTIAL考試CASE，YO，我真係一個好奸的人。

論食

今個暴食明天就要結束了。

呢幾日，同其他人一樣，我食盡天下美食，鮑參翅肚，淨係得參無食，不過我先發覺原來我地一家豬對呢d貴野都真係不太喜好，其實我地真係好市井，哈。

鏞記潤腸真係好好好好食，真不槐係香港首屈一指既酒家，我平時唔食潤腸都一食難停，油潤、鬆化、充滿香味，真係好好食，齒甲留香咪呢d law，我係舅父屋企食完，我諗我食左成孖，即係兩條既份量之後，因為我猛咁話好食好食，第二朝爹爹就又蒸鏞記潤腸俾我食，哈哈，雖然知道啖啖脂肪、啖啖膽固醇，不過我唔理喇，好好食，唔好俾佢停，only呢兩日我諗我食左兩孖既份量呀。yeah!!!!!我諗我以後除左鏞記潤腸，我唔會食其他的了。


今年我整既年榚好合爹娘既口味，佢地好鐘意，不過其他親戚就話唔夠彈牙，咁我下年再鑽研下先，哈哈，佢地知道我識整榚好似好unbelievable咁，個個都鑽我叻叻，哈哈，一洗頹風。爹爹整既馬蹄榚當然係無失場啦!!!

媽媽知道我like食樂家杏仁糖就買俾我食喇，之但係佢自己又唔like食架wor，真係好感覺呀~~~世上只有媽媽好，有媽的孩子像個寶~~~~~

呢d係我先發覺原來不論係暴食抑或節食都係唔好既，唔應該做，對身體都係一種傷害。我暴食，食左勁多古古力、年榚、油角、糖果，初時係好開心既，不過只係頭一日law，之後的日子，為左兌現自己對自己的承諾，我就逼自己去怒食......結果搞到自己消化不良，又胃痛........

不過，我決定，等我而家煎d榚食下做宵夜先，哈哈哈.........呢d就真係unbelievable喇!!!正，從來未試過零晨時分煎榚食，好癲呀!!!!!!!

大年初一，豬天下。

年三十晚，爹爹同娘親去左拍拖拖行年宵，我就留係屋企整豆腐芝士蛋糕，今次終於打發忌廉成功，希望ok la。
之後，同爹爹一起整湯圓，連芝麻餡都係自製的，真係好勁勁、好warm，好有團圓的氣氛。

豬家出品，必屬佳品。

團團圓、團團轉、磋湯圓。

一共整左廿二粒，大大粒，我食左八大粒，哈哈， 真係連自己都唔敢相信，好滿足 ^______^ 話左俾自己勁食架ma!!!!!

一睇就知皮薄餡多，又唔穿，正。

大年初一，同大家拜個早年。

祝大家健健康康。

今次個豆腐芝士蛋糕好似有d唔係咁好，鞋口左，可能係d布包豆腐的問題，又或者係d魚膠，下一次試下用百福豆腐，再用娘親新買的麵糊過濾篩，我唔信你唔滑，另外，有人覺得唔夠甜，有人覺得唔夠cheese味，唔.............有進步空間。

不過，肯定今次個cake個樣靚過上次好多。

今日，又係勁食的一天，我諗only今日的食量，已經係我減肥期間的四倍，哈哈，我真係拚左條命出去ga!!!!!!!!!

pre - 過年

琴日，係中心教人整年榚，七個鏗，non-stop咁整左五底椰汁年榚，三底咖啡年榚，太開心啦。即場煎左一底黎食，人人都話好味呀，好多謝亞基既大大力搞手，KELLY同亞燕既支持，其實，呢一個係我第一個HELD的活動呢 !!

晚上，去麻麻度食團年飯，留左底椰汁年榚俾佢。

今日，八點半起身，整左兩底年榚俾自己彭豬欄，之後洗雪櫃，執書櫃........都無停過。

今日真係勁食，我宣佈，新年勁食計劃開始。

今晚，為左消耗剩下的CHEESE & CREAM，
豆腐芝士蛋糕，
ENCORE!!!

今日，中西榚點大作戰!!!!!!!!!!

二年級二期實習記事 之 第四日

第四日 P更
沙田威爾斯親王醫院 9C

今日，EDITH考試，MANDY SICK LEAVE，忙碌既女WARD變得更忙碌，而且今日既IC係亞飄..........

今日想做16號既RYLE'S TUBE FEEDING，不過佢要走番老人院，無得餵。
今日想做21號既DRESSING，SUSANNA話唔想成日都係我做，又無得做。

今日，做左個 IV MED - TAZOCIN， 又係俾D PRESSURE玩死，無他，唯手熟爾。
之後，專登見一個RN點預備針藥，佢真係好快好狠，雖然佢都係必到周圍都係，不過人地PREPARE三個PT，成七支藥，都快過你一支呢，你真係無野講，O 晒咀，無他，唯手熟爾。

今日，有兩個PT死左，一個係第一日黎睇爛腳WOUND DRESSING那一個，我見到佢好多好多家人黎左，佢個仔仲吻別佢媽媽，唉，雖然係人之常情，不過，旁人見到都幾...........
另一個係一個POST CARDIAC ARREST的，佢心臟停止過，一上黎，佢真係零反應，感覺真係特別肅殺冷清，結果，佢上左黎唔夠三十分鐘就BYE BYE左 LU~~~

做十九號RYLE'S TUBE FEEDING，抽唔到胃液， 要STAFF負責了。

今日既VITAL SIGN，真係賴野，兩個Q4H，一個POST OP既，Q1H TIM，真係...........不過，D STAFF幫我做左大部份。

今日做左個AOM，同KAREN SHARE 一個PT，我地一齊REPORT完個野真係好齊，好型。

今日自己睇左個DRAINAGE SUCTION MACHINE。

二年級二期實習記事 之 第三日

第三日 A更
沙田威爾斯親王醫院 9C

今日又係番A，我真係唔明D校巴點解要咁早開又咁早到，晨早六點二開、六點七就到，但係我地七點半先GATHER LAW，真係勁開心。

今日，做左RYLE'S TUBE FEEDING，都係咁啦，無MUD特別，已經OK啦，其實可以唔使MON住都得。

今個又係CANTEEN見到陳家賢，仲要係我坐得好無儀態又狼吞虎嚥之時，汗，同佢打招呼，竟然俾KAREN話我做MUD對住HOUSEMAN拋生藕............其實，係PWH見到朋友既感覺真係好得意，好期待係醫院同大家一齊工作，ELAINE、ROGER、PANCHING、YENNIS、KAI KAI........ 不過，班長就無份啦，鬼叫佢係HKU咩，唯有佢做HOUSEMAN的時候再見啦!!!

做番琴日個DRESSING，今日八個字就搞掂琴日一個鐘零三個字的DRESSING，YEAH，仲洗埋佢手肘個WOUND，真係太好了，開始有進步了，今日個PT主動要求我用力去擦走佢個WOUND D SLOUGH，SUSANNA見到佢有咁既要求，就用COTTON STICK幫佢刮走D SLOUGH，我就幫手同佢再洗多一次個WOUND，成個PROCEDURE都OK既，無琴日咁LEI HAE，不過D ASPETIC TECHNIQUE真係可以再有待改進。

今日既重頭戲係一個 IV MEDICATION INJECTION，係 GENTAMICIN + AUGMENTIN，我搵關於 GENTAMICIN的資料，搵極都搵唔到，又唔知係打落個荳度定開水用DRIP落，係個WARD度左騰右騰，最後都係要問STAFF，唔知係咪我地真係太煩，個STAFF「好似」講左一句「真係煩」.......不過其實打IV都唔係佢地講得咁驚，係要控制個BOTTLE入面D PRESSURE真係好鬼煩，成日都噴射式咁必晒D藥出黎，用D針筒又好鬼慢，驚死會拮親自己咁，但其實又真係慢到無可能會拮親，不過最最最驚都唔係打既過程，而係打完IV MED之後，打既過程中，最驚都係整痛個PT，或者唔記得用ALCOHOL SWAP個DRIP SITE，但係打完之後，當你冷靜一下，你就會開始諗番頭先個PROCEDURE，究竟頭先有無OVERDOSE ? 有無DILUTE得ARM ? 有無打錯藥 ? 好驚好驚..........之後又要睇住支DRIP幾時落完，又要FLUSH番支DRIP。

之後派左個AOM，SUSANNA一貫地無問我問題，不過就真係有少少俾個PT吹漲，個PT佢有兩支PUFF，佢就instruct埋得佢平時點食點食，佢話佢一次過兩支都噴，咁我見佢咁醒就信佢啦，不過我CHECK藥時我又覺得奇怪，明明支PUFF係100 VENTOLIN，點解張藥紙又寫250 ? 問過SUSANNA先知俾個亞婆跣左一野，差D就賴野，原來淨係噴一支，仲要俾我CHECK到佢支VENTOLIN係過期既............又係差D賴野既一穫，之後問佢使唔使食PRN DOLOGESIC，佢話要食，但係近呢幾日佢SCHEDULE又係中午唔使食既，同佢講，勸佢唔好食，佢又話OK，結果等我臨出WARD時，佢又話要食，真係吹漲........

見到同學們插RYLE'S，好似好難咁，要插幾野先得，就算SUSANNA OR 其他 TUTOR (八掛聽番黎) 都好似唔係咁得心應手，但明明上年睇D STAFF一野就搞掂，其實，如果唔係CUHK既PROCEDURE，可能唔使咁煩，HURT左個PT咁多野，有時有D 野真係講EXPERIENCE。

二年級二期實習記事 之 第二日

第二日 P更
沙田威爾斯親王醫院 9C

今日入到WARD，有得睇抽BONE MARROW，真係一步一驚心，見到個醫生打LA時，支針係咁撩，將D LA 好平均咁打係唔同的MUSCLE LAYER至骨，真係眼都凸埋，不過個PT真係唔痛GA WOR。睇到一半，SUSANNA竟然叫我地出黎聽交更，SHIT，人地想睇抽BONE MARROW呀，哼，我遲D上網睇。

之後，做RYLE'S FEEDING，抽GASTRIC JUICE真係幾難，完全明白甚麼是真空吸管，要好Q大力，仲要抽到D 好似BLOOD CLOT既野，真係有幾嘔心得幾嘔心，照餵WOR。

去TEA，見到陳家賢呢。

之後，做左個由PREPARATION開始至完成，全程洗左成一個鐘頭零三個字既WOUND DRESSING，嘩，真係抵洗到呢，個DRESSING真係好煩，佢又唔係好樣衰，又唔臭，係衰好煩之MA，佢N咁多個細WOUND，淨係諗邊個洗左邊個未洗都有排睇，真係辛苦，總共開左一套BASIC DRESSING SET、5包EXTRA GAUZE、3包EXTRA 棉花球、一對SERGICAL手套、CREPE BANDAGE、P50 GAUZE ROLL，2塊MELOLIN、一大PAT 藥膏，佢個傷口仲要係BD，嘩，如果係私家，D收費真係和味!!!不過，自己D SKILL真係要多D 練習，有MUD理由慢得咁緊要.........我決定明天再戰，我要快過今日，又唔要人幫手。

之後，做多一次RYLE'S FEEDING。

之後，AOM，值70分啦，始終都係唔夠快，講英文唔夠流暢啦，考試會唔會唔夠時間呢? 不過俾個PT有少少 吹漲，明明話唔使去TOILET，結果去拿藥俾佢時就唔見人，去左TOILET，真係吹佢唔漲，係有D無面LAW..........好似無好好PREPARE咁。

琴日對腳爛晒個PT琴晚上左支DKI，DESTROSE POTASSIUM INSULIN，得閒要查下先。

好鐘意用PROGRESS SHEET寫野的感覺。

二年級二期實習記事 之 第一日

第一日 A更
沙田威爾斯親王醫院 9C

我今日要0610出現係NA 巴士站，經過琴晚COMPET的洗禮，我已經忍住唔食宵，琴晚執野執到兩點半，訓左三個HRS，SO GD~~~一起身，感覺好似訓左個晏覺，好精神，飲埋COFFEE，眼仔碌碌咁出發。

YO，一入WARD，D NURSE都好似好NICE，第一個JOB就係睇DRESSING，一個糖尿爛腳，爛到入骨，個UNCONCIOUS的PT都痛到震晒，我都唔明，點解D家人唔同意切左佢，唉，我都唔知........其實真係唔可以咁易放棄既。

之後PART RN執床 + 換片，我覺得執床呢個活動真係有D無謂，明明個PT都話唔使，又要扮晒CARING咁係都要執，有個PT明明訓緊覺，都要整醒人，揚起人地D被....真係........換左一塊片，YO，唔係我抹。

之後，我落CSSD SITE VISIT 三個鐘，太開心啦，我的精神狀態咁Q差，真係不宜長期好似鬼咁係SUSANNA面前HAE來HAE去........我中眼訓中到呢...........個CSSD 亞SIR俾我地三十MINS BREAK，我地就除左個名牌，匿左係個病人等侯區訓覺，勁樣衰，不過無計........

上番WARD，我地HAE左唔使30MINS，就閃，太好了，勞動力 = 零，上天對我真係不薄。

POST CON，MISSION = 眼皮上升，MISSION COMPLETED。

完。

堅持

我一定要寫低近期練 compet 的時間，我知道相比係其他人，這真是小巫見大巫，但我真係好想藉此話俾自己聽，我曾經這樣堅持過。

星期六
1430 - 1700 MST
2000 - 2330 MARK COMPET

星期日
1000 - 1240 元朗
1030 - 0200 COMPET

星期一
1915 - 2100 SIS WORKSHOP
2200 - 0145 COMPET

星期二
2130 - 0045 COMPET

星期三
2230 - 0130 COMPET

星期四
2100 - 1230 COMPET

星期五
2200 - 0400 COMPET

星期六
2140 - 2220 COMPET REHERSAL

星期日
0930 COMPET ON SHOW

過了二月十一日，一切都過去，包括COMPET，瘋狂排舞SCHEDULE，還有我的生命.........
因為二月十二日，要開始出WARD了，十二日，我番A，清晨六時十分我要出現係NA PARKING，咁我究竟有無得訓 ??!!

HOME MADE 幸福蛋糕

以下都係我近期整過的cakes，原來整cakes真係幾好玩，好鐘意睇d人encore食多件的模樣，sunny哥哥確實是忠實fans之人，哈哈，或者佢又肚餓又唔怕肥啦，哈哈。

我決定自製一本蛋糕畫冊，加埋自己的note，咁下次整一定有進步啦，yo~~~

HOME MADE 幸福蛋糕 (三) 之 豆腐芝士蛋糕

水松墊

呢個蛋糕，我真係好辛苦先必到d時間去整，因為第一次整CHEESE CAKE，原本諗住DEM一次先再整，不過都無時間LU，好彩都算成功，太好了。

因為daisy話唔鐘意食濃味蛋糕，但係ronald又鐘意食古古力，諗過之後，都係整呢一個健康低卡之算，我一拿個蛋糕出黎，斌青竟然話個餅底勁似「水松墊」，汗!!!!係好似真係厚左d，不過食落又ok wor~~~

我選擇左用布包豆腐，好重豆腐味，佢地話似豆腐雪糕wor~~~佢地話食飽飯食呢個咁清的蛋糕係好好既，不過我就唔太好咁淡味的蛋糕，不過，佢地好鐘意就得啦，^______^ 佢地仲俾錢話當係整蛋糕基金wor~~哈哈，之前睇人地d blog，係一d好勁既高手先有蛋糕基金，估唔到我都有，好開心，好開心大家都俾足面我食晒個蛋糕，爹爹仲話叫我快d番屋企整一個俾佢地食，話得一件，得丁士咁多wor，好好，yeah~~~~~~~

佢地好似真係鐘意食cheeses cake多d。

不過，係我眼中，呢個蛋糕，有不少缺點，
樣唔夠靚，面唔平，
d cream唔記得打起，搞到個餅太薄，顯得個「水松墊」睇落太厚，
下一次可以加椰果肉增加口感。

HOME MADE 幸福蛋糕 (二) 之 合桃蛋糕

合桃真係好似腦的橫切面

因為爹爹鐘意食合桃蛋糕，我決定整俾佢食，不過，呢個確實係一個失敗之作，一切就散的蛋糕，確實令人唔開心。
不過，佢好脆脆的蛋糕面，加上超重的合桃味，令人好似好受落，才不致於無人吼的狀態...........
只可惜，這蛋糕太重卡路里，都係少食為妙。 >3<
我下一次一定會整得更加好架!!!!!!

HOME MADE 幸福蛋糕 (一) 之 心太軟

因為夢夢十九日生日，我諗住整蛋糕俾佢食，佢鐘意食古古力，我就整呢個又簡單又好有意思的小小CAKE俾佢食，YUMMY~~~
好CUTE的裝飾，我好喜歡 M&M COLOURFUL 的感覺。
識整之後，我以後唔會再買心太軟食 ^_______^