IVDC 08'

見到朋友仔們的xanga，尤其係lucy的感想同chie的相，真係萬千感受都湧上心頭，確實係好多好多野想記下來，因為我肯定，這是freshman 舞以外，另一個我在CU的深刻回憶 - IVDC 08'

MASS DANCE慶功宴
暉仔團同FAIJAI & JONG員一齊傾COMPET搵邊個排好，大家都諗緊暉仔PART KARGO好定PART小彥好。

十二月三十一日
COUNTDOWN SHOW，知道係小彥有份排，見到小彥，好似唔知點咁，因為知道未來的兩個月都會見到佢，但係又唔識佢的感覺，奇怪。

一月中
第一次排舞，小彥一出現，大家由嘻嘻哈哈的拉筋樣，變到唔講野的專心樣，小彥咩都唔講，拍拍手的就開始了LITTLE SUSIE的第一個動作。

一月尾
排了兩個星期，大家都已經頂唔順，怨無得休息，怨無得回家食飯，怨無得搭尾班車，怨人地的態度唔好，怨人地的要求無理，怨........怨...........怨................當時自己又要出PSY WARD，不只一次，只睡得一兩個鐘就出WARD，對住PATIENT眼訓到反白眼，係RELAXATION EXERCISE中訓著左...........情緒變得好唔穩定，考試又要不順利，個人真係好X大壓力、好唔開心，但係根本無人無時間搵人傾訴 ........記得有一次，約了LUVY係CC CAN食飯，竟然無啦啦失控喊左出黎，我諗我真係好唔開心。

二月十日
新年假後的第一次練習，心情好似再一次跳到谷底，晚上，同UDC的人上演了一場鬧劇，哭笑不得。

仲有兩個星期......
大家日日見。
個樓梯台終於到左，大家都好開心，因為終於有D實質的野存在。

仲有一個星期 .......
整PROS的時間仲多過跳舞，女工們一起做縫寶寶，把發泡膠縫在一起.........最深刻係同DAISY一齊釘台，又落雨又大風，真係好辛苦，但係又要好仔細，因為整得唔好又會整親DANCERS的腳。不過，真係好有成功感。
同鼻涕、GE、LUCY、暉仔、三秒整PROS整通頂，之後一齊去太和明星飲茶，好飽，好八卦，一句「我覺得我地淨一頂TEAM帽」，連覺都唔訓，一齊出深水步買料整帽，FINALLY，我同GE一齊係宿舍度MASS PRODUCTION，廿六頂帽，即日完成，好開心，好滿足，因為見到有D TEAMMATES好鐘意頂帽，有D好感動，雖然知道不能討好所有人，但係有一部份人鐘意，已經很足夠。四十多小時無訓。再怒訓十三個鐘。
又通頂，又飲茶，無八卦，無是非。

REHERSAL

ON STAGE日
臨出SHOW前，彥爺九唔搭八咁講「最後一次LA..........之後大家都唔會再見..........真係最後一次..........俾D FEEL.........練左兩個月啦.........」，其實睇得出佢有D樣想講又好似唔識表達咁，應該係彥爺最後一次的說教了.........好真，TOUCHED，好想 IN MOOD
臨STANDBY，大家圍在一團，搭住膊頭，一齊嗌「CU GOOD SHOW!!!!!!!」，好感動，見到朋友仔都哭了，好肯定，此刻，甚麼辛苦、甚麼恩仇都過去了，一心一意的想跳好，想 IN MOOD，想跳出自己的框框，想用盡身上的每一點力，唔想後悔，唔想留一點力，唔係為左自己，而係為左個TEAM，為左大家的努力，唔想拖累大家。最真心的 GOOD SHOW，最大聲的 GOOD SHOW，最團結的............一世都唔會忘記......................

ON STAGE
五光十色的LIGHTING令我忘記了自己，面具令我忘記了自己，體會、感受到最慘、最開心、最恐怖..........兩個月的努力，發泄晒出黎。

要多謝暉仔，一直係我留係DANSO的原動力。
要多謝彥爺，因為佢看似無理的要求、看似無謂的堅持，初時真係好憎佢，但係之後見到D傢俬整得咁靚，見到佢對件事仲緊張過我地，就覺得佢真係用心良苦，佢真係無放棄我地，雖然佢到最後都無得到全部人的明白。
要多謝DAISY，因為佢容許我成日屈蛇。
要多謝GE，因為佢陪我整TEAM帽。
要多謝LUCY，因為見到佢努力整PROS，推動左我都去幫手。
要多謝現莊，因為佢地一定係繼排舞師之後，最辛苦最辛苦最辛苦的一群。
要多謝下莊，因為佢地幫左我地DESIGN左好多PROS，仲幫我地做左好多野。

最後compet語錄:
正所謂 登登 登登登 登登登 AU!!
不如 登登登登登 登登登登登
好搞笑呀............GE GE GE GE
得唔得呀? 唔得...... 做丫!/練丫!/跳丫!
葉情果特忍
釣條Bra落黎
無掂
最後一次!! 登登登 登登登 登登登 登登登 唔得!! 番埋位!! 最後一次!! 登登登 登登登......... (最後做左成個鐘最後一次)
孫耀威
艷爺
熄dom
縫寶寶
縫金寶
曼聯
somebody kill little RUBY(請自行加上dancer的名字) the girl with the tune......
慘唔夠慘, 開心唔夠開心, 恐怖唔夠恐怖law
dancers:..........(無言)
李克勤&盧淑儀
所有粗口

最最後，由SINGLE IS THE BEST顧問暉去"SCREAM OUT"男朋友的方法:
1. 要忍耐女朋友夜晚三更半夜先聽電話，同兩個月唔見面
2. 要坐大過五噸半的車黎接女朋友
3. 要同ELAINE的老豆BATTLE，鬥快搵到路上鏡房
4. 要夠膽係彥爺面前話要帶女朋友走
5. 要在眾多小丑中點中自己的女朋友

好多謝大家的努力和為呢件事所犧牲的。