二年級第二期實習記事 之 第四日

第四日 A更
北區醫院 2B

今日RUTH的教誨題目是「護士VS病人」，佢話一日廿四小時，八小時用黎睡覺，八小時番工對住病人，剩下來的，用來見自己老公的時間最多只有兩小時，佢話以前一個千挑萬算的人，到最後每天只能見兩小時，我地姑且會如斯緊張，一個PT，要對足八個鐘，我地無得揀，佢地都無得揀，所以我地應該將心比己，用個心對D PATEINT，尤其是而家日日對住的，個個都五十幾歲，佢地個個都經歷過好多，所以邊個對佢地好，佢地會知，會APPRECIATE，所以我地唔可以蝦亞伯，我地對佢地好，唔係病人的福祉，而係我地自己的，因為我地換來的，將會是一個雙贏的局面，使自己的八小時工作時間變得更有意思。

今日搵亞RUTH傾左正確的CSU TAKING方法，原來真係有更好的方法WOR。
繼續做FEEDING，仲幫佢抹埋D口水痕，佢同我講多謝，望住佢的眼神，佢真係真心架，有一絲的感動。
做一個失敗的H'STIX，好尷尬，好FRUSTRATED。
終於做左一個RYLE'S TUBE INSERTION，THE PROCEDURE IS DONE SMOOTHLY AND PATIENT TOLERATED WELL。
做左MRSA SCREENING TEST，順利。
見到一個CA PANCREAS的PATIENT，佢瘦得好可憐，佢同我講，問我可唔可以食野，話佢兩日無食野，我答佢唔得的時候，佢個失望的表情實在令人心傷。
究竟，我地係咪真係幫緊佢? 連佢最基本的要求都幫佢唔到。

今日終於完成DRESSING的LECTURE，亞RUTH話我地YEAR1係一條毛毛蟲，YEAR2的我地要食葉 (知識) 而變得肥大，YEAR3我地會見到好多THEORY同現實的CONFLICT而FRUSTRATED，SO作繭自縛，YEAR4，諗好了，就會化成蝴蝶。我係一條蟲???