燃燒的七月

今年的生日，都如以往一樣，食飯食飯同食飯。

家庭聚，西餐@home，是我最喜歡吃的。媽媽說，覺得我成長了，變得孝順了，真的嗎，哈哈哈。

正日當晚，和MST DANSO的人食飯飯，有好久不見的朋友，相隔何久，大家都可以暢談甚歡，這就是我們的友誼。大家真的好傻，明明有好多人唔LIKE食栗子蛋糕，知道我喜歡吃，又去買了，^^，都是令人感到幸福的傻瓜，只可惜大家明天番工的番工，剛出CAMP的又累得要命，就沒有下場了。

BELLOW久違了半年的唱K + 夾BAND日，亞馬的唱功真是大進步呢，<一加一減你>已經成為了他的首本名曲。夾BAND其間，DEANS竟然又玩起秘密停電活動，送起蛋糕來，而最令人感動的是蛋糕上的名牌，這是我專屬的蛋糕呢!!!不過，DEANS的朋友們，一條橋，是不能番抄之後再番抄的，嘻嘻~~~

7B GATHERING，小健竟然忘記了我的生日，原本我一心諗住會有SURPRISE的GATHERING，真係大失所望，不過，我原諒你啦，因為我已經是一個廿一歲的大朋友了，我有的是廣闊的胸襟。食飯時，發生了一段插曲，令人驚訝的是班長的勇敢、堅持、改變，令人期待的是飲食界代表小健的一席話，7B的男人，都有好MAN的一面，^^。

和SUNNY、韓煦懿、PANCHING、朱大師兄、朱朱去唱K，識左佢地成九年，第一次唱起K上黎，好SURPRISE呢，SUNNY的唱腔，真不錯呢，朱大師兄的點歌，真白痴呢，哈哈哈，之後去了朱大師兄的家耍樂，真是久違了呢~~~~~~~

最近呢，我接了一份PART TIME，好好好好PAID架，係教幼稚園小朋友仔跳舞，D BB真係好得意，我的BB-PHOBIA開始有少少改變。遠觀BB，都有好可愛的一面 ; 近觀BB，好似雪糕 ; 接觸BB，好柔軟啊，臉蛋兒胖得快要跑出來了 ; 抱起BB，不想放手了................如果BB可以永遠都是BB的模樣，該多好!!!!!!!!似D俾D相大家睇。

決定了，我的暑假旅遊之旅，一個九曲十三彎的專案，日本之旅、絲路之旅、新彊之旅，雲南之旅全都去不成了。結果，由小健跑出了，我們會去台灣九日，去台北加台中，算係我地下年歐遊的實驗之旅啦，睇下大家夾唔夾啦，現時都一切好好的說。

26/7，和WINKY慶祝生日，是正日呢，我同朱朱同貓貓，兩個星期前預定了呢，好開心，真係好白痴的言談，好白痴的CANDLES............約了八月一起吃BUFFET呢。

這幾個星期，和亞YO東去西去的，逛街之後都係逛街，太開心了，滿眼都是衫衫衫，鞋鞋鞋，袋袋袋，女人女人女人，哈哈，要把來年的見面時間一次過見盡了。我都有不少的戰利品，我要轉形。我們去了食好好吃的義信雙皮奶和奇趣燒餅，好吃~~~~~~~~~~

八月十二至十四，大家族上番禺長隆水上樂園玩，又會住係爺爺度，太好了，又有好野食了~~~肥死了，肥死了。去水上樂園，又係BIKINI出動的時候了，為BIKINI加油!!!!!!!!!

多的亞yo的介紹，我看了生平的第一套台劇，放羊的星星，好睇?它不算好睇，劇情都有一點婆媽，有一點夾硬黎，不過男女主角都是一絕的，有林志穎同韓國人劉荷娜，那一個我小時候的小旋風，那時還唱著<野菊花>，在閃電傳真機見到的小旋風，有一種熟悉又陌生的感覺，我好像又再次著迷了，我小時候真有眼光呢!!!!!!!!

但是............我是絕對不會像kai進般的迷戀。絕對，哈哈哈。

二年級第二期實習記事 之 第十八日

第十八日 N更
北區醫院 1B

今日番NIGHT，我地一個星期前已經PLAN好今晚食MUD，好緊張呀。

亞RUTH同我地講左兩個鐘的PRE CON，真係風花說月，無話不說，好多GAG，好多令人反思的說話，講下佢個女，講下藥，講下亞RUTH的鬼馬整人事件，講下勉勵歌仔，逗下JOEY玩，好開心。
原來DOLOGESIC = 墮落至食，
原來「斜陽裡，無晒拍檔，斜陽落下，最驚COOL頸黨。」
原來成功需苦幹。

入到WARD，ROBERT SIR真係留晒D野俾我地做咁，兩個鐘入面，我TAKE左三個OBS，一個H'STIX，四支IV，兩支水，真係不得了，不過有個PATIENT話我打得佢好痛，問我係咪打錯藥，我就話我已經CHECK左四次，一定唔會出錯，其實佢打得CLOXA，一定痛，不過我如果再開得DILUTE D 可能好D，好彩有 CHECK晒 3 CHECKS姐，否則我都嚇一嚇。

之後NIGHT FOOD，好似癲左咁，我地有一個半pizza、魚生、一個西瓜、一大袋提子、車厘子、荔枝、哈密瓜、香蕉、雪糕、砵仔糕、串燒、燒賣、小籠包、勁SPICY暑片、白朱古力百力滋、熊仔餅、韓式密瓜餅、朱古力消化餅，好食，好飽，再加上RUTH的故事，真係好滿足。

之後落番WARD，打埋另外兩支IV，三個OBS，聽RUTH講點CHECK IV同打IV。
再打埋五支IV，收工。

不過今日有D唔開心，因為27號床話得打得佢好痛，要換個個SITE先打 ; 26號的又話
好痛，打完要OFF DRIP ; 25號的DRIP SITE俾我發現BLOCK左，雖然佢地全部都打CLOXA，佢地D血管之前都知特別幼，但恍惚有一種，全個CUBICAL的DRIP都俾我打殘晒的感覺。

ROBERT SIR話我下年再黎1C時，教我打DRIP同抽血呀，好期待呢~~~~~~~~

我愛GROUP C，
我係亞RUTH既粉絲，
我要努力讀書，
我七月十日就開始加油架啦。


成功需苦幹

莫再因辛酸心創傷
不必費心力去找真相
世態縱未如意
亦必須直往 成功需苦幹

願抱穩宗旨咪謀望 不必怕失敗引起不安
縱有困惑迷惘 亦必須自信 能找到方向

願你去決定你自己既事
你有你的寄望
願你碰到理想找到希望
風總有日停 亦會變方向

望遠方 安心奔往
只要盡努力 盡清去路障
成功需苦幹

二年級第二期實習記事 之 第十七日

第十七日 P更
北區醫院 1B

今日亞RUTH話我地大學TRAIN出黎既RN唔再係獨市，因為有OU、HOSPITAL TRAIN出黎既、大陸落黎既，係一個開放市場，我地唔再馨香，唉，最後的結論都係，要裝備自己，要溫書，要練LAB。

今日我打左一支IV俾亞RUTH睇，好開心呀，有十一個point JA。

今日23號醒過來了，好開心，我同佢講「太好了，你今日精神左好多呀，姑娘見到你咁樣我好開心呀。」佢就微笑咁點下頭，太好了，好感動。之後，明知佢係NAPKIN既，佢話想痾尿，我都俾左個鴨仔佢。

同亞七換左條片，發現左換片新發明，屎噴霧，勁呢，噴落d屎到會無臭味同易抹d ga，係咪好得呢!!!!

今日華仔個cubical有個patient識睇相，佢話我聰明，有修養，不過佢話我要小心搵老公，要搵d對我父母好，有仁德，唔會搵大陸女人的人做老公，仲話而家得好少呢d人，咁，係咪即係我唔使嫁?????????

對於一個成日都話要死的病人，你幫到佢幾多?

二年級第二期實習記事 之 第十六日

第十六日 A更
北區醫院 1B

今日亞RUTH的講題係佢因為TRAFFIC JAM，遲到了廿分鐘，點樣由太和火車站冒死番工，咁佢又可以聯想到我地要溫書，隨時做好準備去番工，，真係無得頂，無得俾你頂。

今日跟NO做左個PIN TRACT DRESSING，呢個係我的OBJECTIVE之一，我終於都試過喇，其實都真係幾多CLOG。

打左支IV，不過唔係亞RUTH睇。

臨收工，有個亞SIR教我地咩係HALO TRACTION，點APPLY，仲有PIC睇，真係好開心。

其實一直以黎，我地都好似本末倒置左，MUD我地唔係應該溫左書先出WARD GA咩，點解會係入WARD上堂，睇到CASE先溫書既，真奇怪。

今日POST CON，題目竟然係我們對亞RUTH的睇法，我地逐個講，我地好雀躍咁，有時又插咀，有時又搞下爛GAG咁，真係好好笑。亞RUTH真係感動左我地成組人，佢已經將我地呢幾粒HAE精帶番入正途，睇下亞七POST CON無訓覺就知啦，亞RUTH成功幾將我地呢幾座冰山劈開。

午夜期待　　你未存在
灼熱難耐　　又冷漠無奈
冰結在外　　火卻在內
我難忍耐　　再沉苦海

想把冰山變改
(無謂再抑壓心底愛)
冰山有災 請把冰山劈開
(能讓你舒發心底愛)
冰山鑽開 劈開救災
(不應將愛心掩蓋)
火速救災 請把冰山劈開
(你午夜莫期待)

我在牆內　　你在牆外
心雖割宰　　但信念仍在
無謂再抑壓心底愛...

二年級第二期實習記事 之 第十五日

第十五日 P更
北區醫院 1B

今日我真係唔想番工，因為今日就會話我地pass唔pass個dressing。講真，我發覺我自己真係好care，一連三日的假期，只要一提及呢件事，我心情真係跌到落谷底，心想 :「It is not fair!」真係有點怨恨，但另一方面又俾ruth串到一樁都無咁解姐。今日出門口，媽咪話 :「無論點，都send個msg俾我啦~~~」一個微笑，我就踏上我的苦路。

見到亞ruth，佢第一句問 :「邊個覺得自己有good或者以上的?」大家都唔敢舉手。「邊個覺得自己合格既?」有九個人舉手。「邊個覺得合格都偷笑既?」我一心諗住自己唔合格，有點會舉呀，連偷笑既機會都無，之後karen解釋話即係唔合格，咁我同karen就唯有舉手。「ok，好，咁呢d人就要約我練lab啦，我聽日就無case俾你地retake。」咁我就問karen「咁即係點呀?」「咁即係無人要retake law!!!!!!!」我開心到跳起，係真係跳起左，因為真係諗唔到，點解我做到咁差都pass到，亞ruth話我地有進步，對於clean同dirty的concept，由開始諗都唔使諗就contam，contam左都唔知，到現在，每一步都停一停諗一諗，佢話已經見到我地有concept，係識既，其實洗一個abrasion wound同洗一個溝渠的分別，只係在於用幾多cotton wool ball，佢話我地得兩個星期的成長，仲想點呀，有個pass已經偷笑。華仔真係得呀，開口中，我地一個group都可以一take pass，尤其是係六個wound + MRSA的關口，過去了，終於過去了。

今日一入WARD，我見到23號床的PATEINT又O2，又CARDIAC MON，又勁多人圍住佢，下? 上次見佢仲好地地架，我問ROBERT SIR，佢話係因為有D好邪的同事連續P更A更咁番工邪親WOR，聽到真係呆晒。不過見到佢不穩定的SAO2，真係部機一響一驚心。

今日做左亞七個邊CUBICAL的一個手指傷DRESSING，我自己又係衰既，包到佢隻手好大舊，不過最衰就係隔離條33號白粉友，係度講三講四，真係想打爆佢，搞到個PATIENT好似好唔信我地咁，好唔LIKE咁。不過亞RUTH竟然話我做得比之前企理好多，真係諷刺。

今日都唔知做MUD，好似好有被性騷擾的感覺。話說，34做完OT番上黎，我幫佢度VITAL SIGN，隔離條口臭精就同34講「你就好啦，一番上黎就有個姑娘仔幫你，唉，我出一出去喇，你睇下你個樣，成隻狼咁。」SHIT，有無諗過我感受，我知道34本身係無野既，係33口臭，真係好賤精。又話說，我度1900個輪BP，我拿去起一個牌板，有個男人突然係我身後講「點呀靚女」我真係嚇左一跳。SHIT，我真係好有唔忿氣的感覺。這就是點解我唔鐘意做男WARD。

今日EDITH同MANDY的AOM RETAKE都一TAKE PASS，太好了。
EDITH考VIVA考到成九點，我地一GROUP人唔食飯住，係WARD門口等佢，呢種感覺真係好令人感動，第一次覺得，大家原來係咁共同進退架。

之後我地一大班人一齊食飯，一齊食糖水，一齊番NDH訓PA 房，好開心呀，我地係第一次咩都一齊做JA，我、KAREN、EDITH、JOEY、MANDY，五個人一間房，我地傾計傾到兩點，哈哈，當然係八婆野啦，好開心，好似同中同傾計喧 CLOSE既感覺，太好了。

不過第二朝就知死..........

P.S. 問「一粒CONTAM左既藥感該係邊度DISCARD?」
HINTS「唔係垃圾桶，係一個PT拿不到的地方。」









答「係廁所，沖左佢。或者抵諗D，自己食左佢。」

成年禮

還有三個小時，我就廿一歲啦，其實都唔多想承認呢個數目。
早兩日媽媽說 :「廿一歲是真正的成年歲數了，結婚可以自己簽字，犯錯要自己承擔，你大個女啦。」

係，由今日開始，我就要為好多野負責，為自己的身體負責、為學業負責、為未來負責、為感情負責、為病人負責........

如果唔努力，我的將來，我怕我狽唔起。

希望自己堅持有益的事，
希望自己和屋企人身體健康，便夠了。

下年出ward時間表

<2007>
01/10 - 11/10 UCH MED
15/10 - 25/10 UCH OT

<2008>
14/01 - 17/01 SH MENTAL
21/01 - 31/01 PYNEH MENTAL
24/03 - 03/04 NDH SURG 1C
07/04 - 17/04 NDH A&E

四月中就出完WARD，我的歐遊 &amp;amp; 日本之旅就無問題啦，仲可以去到睇荷蘭鬱金香，都唔錯 ; 又再去NDH1C，太好了，一個比天堂還要天堂的地方。

二年級第二期實習記事 之 第十四日

第十四日 P更
北區醫院 1B

繼續替更的日子。
ruth是日講題 : 教育風雲，堅持理念。帶出的MSG係中大教職員對學生的愛。
真係多謝晒呀。

今日插左條FOLEY，又係女人的，成功了。
RYLE"S TUBE FEEDING。

今日女WARD有個PATIENT又係MRSA加爛腳，亞RUTH又想用佢做考試CASE，好彩我同KAREN極力勸阻，我同KAREN都異口同聲對住亞RUTH講，我地考得唔好，都唔想其他同學唔好，哈哈，呢D說話真係真正跌過的人先有資格講。

今日知道下年出WARD的安排，希望有幸順利渡過，YEAR3 。

二年級第二期實習記事 之 第十三日

第十三日 A更
北區醫院 1B

今日我過左女WARD替更。
琴晚的事，猶有餘悸，今天我，好似一個小丑。

同學仔今日考試，一隻手，五個WOUND，真係不惶多讓，見到佢DOWN晒，唯有互勉之。

發現了一個POTENTIAL的SUICIDAL CASE，希望婆婆係真的DISORIENTATED，總好過係真的DEPRESSION CASE。

今日餵一個PATIENT食早餐，有個MO走過黎，竟然同我講，「唔該晒你呀姑娘」，之後佢又提醒我不如校高張床令自己唔使咁辛苦，真係好NICE呢，好少有MO咁NICE，之後仲聽到其他PATIENT話佢做野好有愛心，好企理，能夠獲得如此高的評價，絕對唔係一朝一夕的事，呢個MO真係一個好人，有仁心的人。

今日RUTH的講題係紅寶石的故事，佢話紅寶石之所以能成為一粒閃爍的瑰寶，是要經過辛苦艱苦的啄磨，才能光望四射。
夠了，佢一路講，真係句句入心入肺，我知喇，我亦都真係知你對我好，但係我真係接受唔到，無辦法，無辦法去接受呢個矛盾的失敗，一方面，有好多失誤係真係我的錯，係我抵死，唔關6個WOUND事，但另一方面，六個WOUND的打擊，CONTACT PRECAUTION等的錯誤，如果唔係呢個CASE，根本就唔會係呢個EXAM入面呈現出來。

琴日個EXAM PATIENT今日出院了，我唔會去怪佢，因為亞伯都唔想，我發誓，我唔會容許我自己的父母落得LIMBS CONTRACTION、MRSA、FOOT GANGRENE、SORES的下場，只會成為學生的考試對象，考完仲或者會受學生詛咒........

今日同KAREN傾左好耐，我地山盟海誓了，如果有幸順利升上大三，我地一定唔再HAE，努力讀書。

多謝亞RUTH，教曉我們 --- 化。

二年級第二期實習記事 之 第十二日

第十二日 P更
北區醫院 1C

今日因為有三個同學要考試，RUTH今日無LECTURE。
今日我同華仔同亞七抽籤，一抽，我知道我要死了。

一個MRSA，一隻GANGRENE FOOT，六個傷口。
多謝。

FINALLY，我用了一個鐘。
我諗我要唔合格了。
一直以來，努力地出WARD，努力地練LAB，為MUD? 練到好好咁又點? 好有心咁學又點?
一張抽籤紙就可以玩死你。
我永遠都會記得個隻黑晒的爛腳，一個CONTACT PRECAUTION的PATIENT，六個WOUND，BANDAGING，廿五分鐘的要求.........
一個咁既CASE，係一個YEAR2 學生的考試項目，真的是SUITABLE嗎?

我不知，
我只知，
我的失敗，
是先天的不幸，
再加上後天的KNOWLEDGE DEFICIT + 唔變通。

回到家，我就缺堤了，
好諷刺，當我和媽媽說，我唔合格了，
佢竟然話我騙她，
無錯，連我自己都接受唔到。

跌到損晒，唔想起身，唔想再跌過。

二年級第二期實習記事 之 第十一日

第十一日 A更
北區醫院 1C

今日，RUTH的講題是我們呢一組，有POTENTIAL做一班似大學生的大學生，再講NURSE VS PATIENT的關係，不是CUSTOMER SERVICE，而是FRIENDSHIP，佢話PATIENT，只不過係一個病左的人，除此之外，佢地同一個普通人無分別，我地應該以愛相待。

今日EDITH係我個CUBICAL考試，好似一切順利。

今日N.O.的講題是SKIN TRACTION。

明天便輪到我考試了，一切會好嗎?

二年級第二期實習記事 之 第十日

第十日 P更
北區醫院 1C

由今日開始，我地又要重返亞RUTH的懷抱，唉，雖然已經習慣，亦都知佢的說話能使我地獲益良多，但係.......真係可免則免。

今日的講題無疑是近期的話題 : 醫療失誤，總之就係3CHECKS 6RIGHTS的重要啦。

今日都係在WARD飄移的日子，OBS.......

WARD 的N.O.真係好好，好主動咁教我地野，明明知道自己五點放工，都同我地講書講到OVERRUN左三個字，我地做呢一行既，三個字 = 三年GA LA。佢教左CUFF SOFT的意義、INTERNAL FIXATION、DR.對WOUND的TREATMENT。