上水半日遊

話說今日一朝早就陪媽媽番北區做一個SIMPLE TEST，之後仲好早，SO我地玩上水懷舊之旅，我地去左我幼稚園時期仲住緊的彩珠樓樓下，見到以前我睇開的西醫，見到以前的燕子巢、報紙檔、晒相舖........之後我地行左去石湖墟，我地為左搵一間「美國農家意粉」的東東，佢前身就係名噪一時的「農場餐廳」，我地十一點半去到，人地都仲執緊野，不過都叫我地坐低，之後我地叫左兩個羅宋湯，好味，因為夠料，不過我覺得濃D好D，媽媽說足夠了。兩個蒜蓉包，係用方包的，可能因為咁，SO我覺不夠脆，不夠熱。一個芥末汁牛利意粉，芥末汁我真的吃不出芥末味，牛利很夠淋，意粉才是好味之極，好彈牙，^________^。一個鮮茄焗豬排飯，D豬排真係好好食呀，鮮嫩又唔鞋，好好味，如果一個人食，真係要食 鮮茄焗豬排意。之後杯COFFEE，好滑又唔苦。食到好鬼飽，服務都不俗。之後我地係附近行下，見到以前我地成日去的茶餐廳、酒樓、電器舖.........太好了。好開心，我FEEL到媽媽都好開心。決定清明帶爸爸來懷緬一番。