二年級第二期實習記事 之 第六日

第六日 D更
沙田威爾斯親王醫院 CNS

今日第一日跟社康姑娘做野，七點鐘就要出門口，痴線架!!!

我同KAREＮ一齊跟蕭姑娘做野，一個上午我地就VISIT左十三個CASE，有幾個好CUTE的CASE。

一) 有一個亞伯做噘唇呼吸，做得好鬼搞GAG，佢又怕羞，又俾蕭姑娘逼住做，真係好搞笑。個樣，真係好似欲仙欲死咁。

二) 有一個後生時做綠葉演員的伯伯，好靚仔GA，佢D輪廓仲好鮮明，講野又風趣，蕭姑娘同佢老婆傾計，佢竟然突然講 :「你顧住我隻腳仲好啦。」哈哈，亞伯都玩呷醋?! 蕭姑娘話介紹我地呢D後生女俾佢識，佢竟然話「我以前行到你又唔介紹，我而家行唔到你先介紹又鬼用咩?」真係好得架，呢個亞伯。

三) 有個婆婆好嬌滴滴咁REFUSE我地再VISIT，佢個樣真係好似D十幾歲的女兒家咁，真係人老心不老。

四) 有一個亞伯間屋企好污穢，有COCKROACH架痴線，食指咁大隻呀，成個垃圾站咁，不過佢背後有一個悲涼的故事。

十三個人都有十三個故事，都值得好地去了解，去支持。

做CNS，其實都幾開心，係一個小小的DEPARTMENT，個個NURSE都有一顆熱心，一雙純熟的手，一個乖乖的胃，一雙摩打腳，一架無敵戰車，真係不得了。

蕭姑娘一句名言 :

「NIGHT 一 NIGHT，虧一虧。」

贊成~~~~