莊聚

星期三去左屯門莊聚，好開心，雖然唔齊人，但都唔錯的，真係十年都唔會入去一次的屯門，車費真係超貴，一程都成廿蚊，對於銀根短缺的我來說，是十分殘酷的。我地去左打保齡，之後去左BBQ，YO，OK好食WOR，又有電視睇，原來林文龍真係好多人欣賞，哈哈，不過我都係鐘意歐陽震華多D，臨走之前，我仲打左幾鋪久違了的麻雀，亞MING就成功成為了出沖王，出左兩次沖俾ASHLEY，連我呢D唔識打GE，佢都出沖左兩次俾我，打五鋪，贏兩鋪，我都算係勁LA，哈哈，真係可........................喜AR，二百蚊AR，亞MING。
傻左既EVA話要買件BIKINI俾我做生日禮物WOR，都好，睇下跳舞用唔用得著，哈哈。
PLAN好左去CAMP既日子，好期待。
來年既日子，大家仲有排見呀!!!!!!

放假大變身

成十日無renew啦，因為放假使我的生活失去了精彩，實在太無聊啦，太頹廢啦。
我最近發緊姣，好留意d skincare products，我諗我真係要保養一下自己塊面，擊退豆豆，話晒都就黎二十歲啦，我真係唔想一世都係咁，見到自己都唔開胃，放假都唔搞搞佢，話咁快又番學，出ward，又爛面啦，really 一個惡性cycle，不得了啦，我要努力發姣。
無聊既時候，我會做好多平時自己唔做既野，例如，整野食。
哈哈，第一次整芒果布甸配罐頭桃，唔知好唔好食呢? 賣相差一點，因為d魚膠粉浮晒上面......下一個目標係蛋糕，yeah~~~

又再被感動

又看了一遍天作之盒，又再次被感動，真的好仰慕那些有勇氣的人，憑著一顆捨身救人的心，一次又一次踏入充滿病菌的病房，以自己的生命換他人的生命，真的好仰慕那些體現真愛的人，也許，只有他們才能把生命的意義真正的呈現，他們過的，才是真正充滿彩色的一生。
不知道將來的自己是否有如此的勇氣，也許我會早早就溜走了，但我現在只希望，在未真正面對死亡的威脅前，盡我所能，縱使我沒有妙手回春的能力，仍能帶給病人一點點的安慰、舒適。雖不能說是大功德，但總能算是一點有意義的事。應該要對自己有一點要求，希望自己能真正體現得到生命中應有的光彩，勇氣也一點點的儲起來。

實習記事 之 第十九日

第十九日 A更
沙田威爾斯親王醫院
3F Surgical Ward (Male)
外科 (男)
。
這是最後一天的實習，也是好多野睇的一天。 時序，我都不記得了。 今日一早，我便跟了琴日ca bladder個pt去左手術室，意外驚喜的是我們去埋血庫，血庫是一個比我想像中簡單，舊，一d都唔先進的地方，真係有d失望。
返上ward，都係量下obs咁。
發現了一個new case，床邊放了一架BB車，初初遠望，我以為係一個BB，近望，係一個小朋友，佢全身肌肉CONTRACT晒，一睇就知道佢係一個唔正常的小朋友，再睇佢PROFILE，真係一個天生不幸的小朋友，佢中度弱智，cerebral paralysis，intestinal obstruction，bilateral的testis都未落到scrotum，佢d四肢又contract晒，我諗佢行唔到ga la，原來佢16歲，但睇佢個樣，頂多得12歲，可想像到佢既生長程度幾差，除了可憐，我真係無野好講.................有一次我同karen扶佢坐返好，隔離個病人話「無用ga，佢一陣又跣返落去，果然，不消一分鐘................但我心諗，總好過跣到床尾都無人知...............
有個亞伯，一入黎，都未做晒D ADMISSION， 就企左係度.....................痾屎.........................你無睇錯，真係見住個d watery stool跌落地下，全場呆晒，也許，你會覺得好驚，諗都唔諗即刻彈開十丈遠，也許，你會鬧佢一大餐，不過，個度d staff都唔錯，佢地即刻安頓好個client，又幫佢清理現場，又幫佢換衫，一d罵佢既說話都無，雖然係因為profectional behaviour/鬧patient會俾人告，但試問面對此等情景，要按捺得住實是難事。之後，我心諗當眾賴左屎，對於亞伯來說，impact一定好大，所以我走到亞伯的床邊跟他說「無事的，你想再痾就同我講la」「我可以係邊度搵你呀?」，哈哈，那個亞伯真係再搵我黎遞pan，所以話呢，d亞伯真係好醒架，唔好諗住騙佢地呀，好醒目，好可愛的亞伯。
之後，又睇左一次插foley。
同左個盲腸炎後生仔傾計，知道了盲腸炎的痛，treatment，感覺，唉，真係好痛呀~~~
睇左一個人換喉，佢有一條喉係佢個肚度肚臍低dd，連接住佢個urinary bladder，即尿道造口，佢要換個條管，但係條喉痴住左佢個造口周圍的肉，所以拔極都拔唔到，個pt勁痛，其實，佢已經忍得好厲害架la，見佢堂堂一個大男人，痛到面容扭曲，可想而知係幾咁痛呢................不過，佢都係一個好搞笑既patient，表情又豐富，真係好搞笑。
中途，縣掛了黑雨，我地個個都好驚補鐘，所以死都唔肯走，哈哈，真係好齊心，好彩最後都捱到最後。
臨出ward之前，見到姐仔準備推走一張有「大炮」(氧氣樽)的床，一問之下，原來去ICU接CASE，嘩，興奮一百呀，我地一大班人，一齊跟去ICU接CASE，一入到去，ICU明顯比病房凍，之後ICU個WARD MANAGER發現左我地，佢好NICE呀，「你地係U的同學仔?你地鍾唔鍾意護理?我地呢度係ICU，四年之後畢業，如果有興趣就入黎做LA。」真係超NICE呀，之後，見到周圍的PT都真係博住晒天地線，一格只有四張床，每個PT都有一部獨立的儀器MON住D BP，PULSE，ECG，D PT的情況都好似無我想像中咁恐怖，我以為會係好多血，好喘呀咁，點知唔係，雖然係比病房既病人差D，又要多D喉，但有D都算係CONSCIOUS既，D STAFF真係零舍SMART架WOR，D 深藍色的surgical uniform真係超級無敵咁型law，胸口有「護士」兩個字，真係型到震呀，痴線，而家除左A&E，我都好想入ICU做野呀!!!!!!!!!!!!!!!
EVALUATION WITH RITA，佢又話我好ENERGETIC，學野快，EQ高，哈哈，佢果然係一個只會讚既TUTOR。
之後，正式出WARD了，有D唔捨得。

RITA帶我地行了威院一ROUND，睇到好出名既8A，仲有兒科，我知道我唔會鐘意兒科，真係唔想見到不幸既小朋友..........威院，其實都真係一間唔錯的醫院，除左舊之外，仲要加埋個WARD MAN係好人呢個附加條件。

咁就出完WARD，不知是好還是壞..................其實，如果要我隔日咁繼續，我都願意。

實習記事 之 第十八日

第十八日 P更
沙田威爾斯親王醫院
3F Surgical Ward (Male)
外科 (男)
。
今日先是度了BP，VITAL SIGNS度得愈來愈快了，CHARTING都快左好多，比起第一日出WARD，驚死自己CHART錯，CHECK完又CHECK，真係..................H'STIX又做得勁順手，YEAH!!!
今日，有好多新面孔，新CASE。
第一次睇男人插FOLEY，第一次睇到個GENITAL ORGANS，其實心諗，都係身體的一部份JE，都不是太尷尬，亞七佢地話一定好痛，哈哈，我真係體會唔到。
幫手過床，第一次真係落手去幫，好有滿足感，終於唔再有阻住的感覺。
由於有個PT個老婆話要幫PT漱口，但我又驚個PT會CHOKING，所以把心一橫，做一次ORAL CARE，雞手鴨腳咁，好彩有大衛同學指導，順利完成了，個PT話好舒服，仲話VERY GD TIM，哈哈，又一個識講英文的可愛伯伯。
睇到姑娘上奶博RYLE'S TUBE，看到了真正的GASTRIC JUICE，嘩，原來真係咁黃架，好奇怪的感覺。
有一個四十幾歲的PT，CA BLADDER，入黎切晒成個BLADDER，再做一個造口，對於後生的佢一定係好大MPACT，但佢仍然好POSITIVE，好積極，不錯。
最後，有一個對UROLOGY好有認識的姑娘同我地開左一個MINI-CONFERENCE，教我地關於HEMATURIA，其實UROLOGY都幾INTERESTING呀，得閒STUDY多D先得。
SELINA話佢地去左ICU接CASE，見到D ICU 既STAFF個個都好SMART，好型，呀......................我都好想睇呀。

實習記事 之 第十七日

第十七日 A更
沙田威爾斯親王醫院
3F Surgical Ward (Male)
外科 (男)
。
今日無琴日咁無聊啦，感覺好像全日都有野做，零零碎碎的，感覺真好。
今早好特別，跟了一個pt去手術室做admission，經過了曲折的路徑，手術室的那一層，感覺很神聖的，因為腦外科，深切治療部，手術室都是在同一層的，經過這些ward，我覺得有種無形的興奮。手術室d staff的打扮，令我覺得佢地好pro，都好想成為佢地既一份子。走的時候，跟師姐的談話中，發覺自己以前也曾經走過這條曲折的路，只因做過小腸氣手術，手術室的staff是很喜歡小朋友的 ^_____^
之後，做了一個ADMISSION，只是度了vital signs，height，weight，charting，幫他戴了病人手鐲，已足夠了，很滿足的感覺。
睇了dressing，一個在pat pat的dressing，看了duodem的應用，有一種原來係咁ge的感覺，因為係大埔醫院聽就聽得多，見就真係一次都無見過。見了真的scrotum，原來是這樣大的，我的心立即諗，這是不是有infection.........
有一個pt得24歲，割盲腸，高燒到40.5度，不知何解，見到同年齡層的病人，總有多一點同情，只能幫佢換冰袋，大家，請珍惜你的盲腸。
selina同kelly入過ICU接PT，佢地話D STAFF好型，好SMART，啊............................我要看。
3F的STAFF好肯教野，好開心。今日，佢仲俾我幫一個PT拆黃豆，即手背的那個入IVF的針，好開心呀。
其實，我好想嘗試做一個DRESSING，不過，這是一個任性的要求。
開始倒數了，好像有一點唔捨得............................
見得愈多，想做的更多，要努力，要前進。

得到勇氣

等了又等，始終凶聆都沒有找上我，舒一口氣，再倒抽一口氣，看了遲來了的academic report，大通、書通、PE全是CCDD的，真頹，跟我個人一樣，哈哈，在零出席、零付出的情況下，已算是高GRADE了，ALL PASSED便是了。上個SEM的CLINICAL PRACTISE有A-，FUNDAMENTAL OF NRS有B，PHYSIO有C，MICBIO有B+，ANATOMY有B+，五科NRS科平均都有3.06，哈哈哈，我真諗都無諗過我自己可以成績過三，不過，我覺得仲有進步空間的，下一年開始計HONS了，要努力，當一個NRS，除左SKILL，THEORY都好緊要GA。不過，呢一切都唔係重點，重點係這一次的成績，又再一次証明我個人真係好嚮往目標式STUDY，一係就唔讀，CCDD，一讀就不得了，AABB，哈哈，痴孖根，我知我既成績不是標青，但對於頹廢的我是一個意外，需知道我是考試前半個月還跳緊AP呢。

過去了的星期日，返了MST跟波仔SIR學苗族舞，好緊張，唔敢唔專心，唔敢唔博盡，唔敢頹跳，唔敢頹跳，真係好緊張，一跳便跳了四個鐘，嘩，雖然不是太累，但精神上太累了。第二日，起身就知賴野，頸痛，老鼠仔痛，大脾痛，小腿又痛，最痛係PAT PAT個兩舊肉，痛到行路，行樓梯都成問題，MOU低更唔得，痴晒線，完來PAT PAT真係咁重要。

和YOYO傾了電話，我們一大伙兒的友誼是能直到永遠的，一直都是盲目的支持。

昨日問及朋友哥哥的身體情況，有點擔心，又不能直說，真無奈。

和史提芬談了一會兒，他說我出WARD之後成熟了，我都覺得係，自從出WARD之後，我真係諗多左好多野，有關於自己的，生命的，工作的，未來的，可幸的是，我似乎從中也找到了目標。

一公升的眼淚看完了，只是覺我籐木直人的醫生LOOK太好了，他也未免俊得太過份了，是不可能在現實生活中看到的。

腦外科，是一遙不可及的地方，好似很嚴肅，很神聖的，我都好希望有機會能去見識一下。脊椎小腦變性症是一個殘酷的病，我相信劇當中對於病者的描述只是冰山中的一角，看了真人的相，全身肌肉都委縮了，面容都變了.........我不知道該怎麼說，只是......時也命也，最緊要是珍惜眼前的時間，去體現生命，去証明自己還是活著的。

。

。

。

。

。

「我們能在病人身上得到勇氣，病人還沒有放棄，我們又怎麼能放棄?」

籐木直人

命運這樣的字眼，是無法讓人接受的，摔倒了又有甚麼呢? 再站起來就行了， 摔倒的同時仰望天空， 藍藍的天空今天也是廣闊無邊地微笑著。

摘自《一公升的眼淚》

實習記事 之 第十六日

第十六日 A更
沙田威爾斯親王醫院
3F Surgical Ward (Male)
外科 (男)
。
今日，我同CHRISTINE成功調到，向沒有男人的實習期正式說BYE BYE。
男PT平均比女PT後生，亦無咁ILL。
FIRST JOB IS ORAL FEEDING。
半個鐘之內看了三個DRESSING，真不得了。一個是手術後肚皮的大傷口爆了，有很深的洞穴，都唔係好核突JE。
我睇D PT，好多都只不過係四十頭，便要插FOLEY，有D仲要插埋PCN，真是可憐，大家，男生的，請留意自己的PROSTATE，完全出於善意。
D STAFF的氣氛好好，自己心情也變得更好。
看到了一個頗懂得打扮的醫生，唉，不過，都是被籐木直人狠狠的打敗了。
十二點半，因為亞七病了，我凍了，KELLY又作病了，所以便早放了去食野，嘩，好HAPPY呀。
POST CON之後，就是我考ORAL的時候了，考了三條不難的題目，YEAH，除了英文不中用的表達問題外，大致都是大OK的。
EVALUATION，RITA話睇得出我有HEART，學野快，EQ高，哈哈，考試都不錯，我真係好開心，最開心是因為佢話我有HEART，好，就讓我帶著這顆心一直走下去吧，是的，前面的路是不容易走的，但我真的想自己的生命中能添上一份使命，不只是為了糊口，而且加上一點意義，縱使前路又長又難行，充滿不需要受的奚落、辛酸，我希望能真的在病人的身上得到勇氣，一直走下去。

實習記事 之 第十五日

第十五日 P更
沙田威爾斯親王醫院
3E Surgical Ward (Female)
外科 (女)
。
今日真係得閒到痴晒線，同學仔要考試了，終於能體會到我曾經的緊張吧。
跟6號床的PT傾計，她是POST OPERTAION的，割了膽石，膽石猶如加應子般大粒。
我拿起她的膽石瓶，跟她說:「婆婆，你知道這是甚麼嗎?」
她說:「唔知道呀。」
我說:「是膽石。」
她瞪大雙眼:「膽石????咁大粒???????」
我說:「係呀，係你個肚裡面架之前。」
她好像受驚了的小朋友:「?，咁大粒???唔怪得之咁痛啦~~~」
我說:「係呀，好痛架，之前你唔知係膽石，你以前係咩?」
她說:「.............我以為係唔知咩梅JA...........」
我同CHRISTINE一起爆笑，說:「嘩，好彩你無開黎食JA。」
她說:「嘩，你俾我都唔敢食..........」
她的樣子真係猶有餘悸咁，好似小朋友，好得意，笑死我了，而得正是嚇老人家的大魔頭~~~
和一個印尼華僑傾計，她18歲開始生仔，生了5個仔，個個都教得好乖，有大成就，眼見她只是五十出頭的青春樣子，真不由得寫個服字，佢仲要係以托兒維生的，最高峰同時湊11個，嘩，真係人都癲。
學了一些MEDICATION的小知識。
今天是COMMUNICATION DAY。

實習記事 之 第十四日

第十四日 A更
沙田威爾斯親王醫院
3F Surgical Ward (Female)
外科 (女)
。
今日考SKILL，咁ARM抽正我之前ACCESS的一個PT，佢只有33歲，卻有一副猶如廿幾歲的臉孔，真羨慕，佢係HEART FAILURE & REGUGITATION，一切都好好咁。太緊張了，太緊張了，吃早餐時，D緊張的感覺真係搞到我食唔落，VITAL SIGNS是每個人都一定識的，一定無問題，怕甚麼，我不知道，總之緊張，我同SELINA都覺得呢種緊張是旁人不能明白的，之後，上番WARD，同個PT 夾下口供，等左好耐之後，到我LA，PREPARE緊部SAO2機時，我同SELINA貪玩CHECK下自己，嘩嘩嘩，我只係見到我自己個PULSE一開始已經九十幾，之後仲望住佢起勢咁升到百二LAW，痴孖根的，我平時得六十幾bpm ga ja，一個doub law。之後，全程都叫順利的，只是因為pt的bp有d abnormal finding，佢的下壓落到zero都仲有law，度左兩次都係，仲要係好清楚的，rita都話好奇怪，結果佢advice我take轉聲個下，好彩我都聽到。不過，太緊張了，唔記得左問pt 需唔需要拉簾，仲有呀，rita話我個cuff包得唔夠緊，但係我之前真係聽過係留兩隻手指位ga，其他人都係咁講，算la，真係唔同tutor唔同。好搞笑的是我access個pt時，問了超級多的無聊question，我同個pt都同時忍唔住笑，哈。我知道自己一定會合格的，但我真係想achieve得高d，因為佢係nursing skill.........下星期二要考埋oral呀。
之後，一身鬆晒，個好麻煩的11號亞婆，諸多要求，好x煩，聽聞佢試過叫個醫生幫佢執起地上的毛巾，拿去洗乾淨，再幫佢抹面，哈哈，是一個不懂人情世故，唔識死的婆婆。話說佢做完手術要坐起身to promote lung functions，佢同我講要行去廁所痾尿，但佢又有serious fall risk，又要tum佢痾pan，又要逗起佢攝pan，佢痾濕褲，又要換褲，佢又大份，又軟懶懶，整完呢d野，我成個人都已經散晒，個mask都已經濕了。之後，又要tum佢坐，唔準訓，對佢又tum又命令，tum左好耐，佢complain low back pain，我即刻話「痛?攝個枕頭就唔痛啦，好舒服ga，好似張床咁舒服ga，你試下，你信我 啦，你信得啦..........」結果，亞婆就俾我成功欺騙左，真的，老人家要tum，要係適當的時候「大」番佢ga^_________^不過，我都好enjoy呢D咁GAG既COMMUNICATION，哈哈，臨走時，佢無啦啦踢我wor，又要我幫佢著鞋，又要我幫佢抬高對腳，好似亞四咁，做完累到嘔電，真係俾佢玩死，猶如帝皇式的享受。唉，算啦，tum得掂佢就得啦，不過，tum的過程都真係幾gag，尤其是俾我欺騙的那一幕，連隔離床同對面床都笑左出黎，哈哈，從工作中找樂趣啦。
今日仲有餵一個少聾的婆婆食飯，佢帶假牙，食得好慢，其實我覺得無mud野，佢突然間講「你咁好心機既姑娘」，又是那些懶感動位，講真，我都想亞婆你食得好，你食得好，我又餵得開心，之後，我仲幫佢meet埋橙，餵埋佢食tim。
d staff都仍然ok，只有N.O.，WARD MANAGER係唔NICE的，唯有硬食那些無聊的單打說話和斜啤。
之後，聽交更，聽到中途，我開返部電話，發覺有VOICE MAIL，嚇到我三魂唔見左七魄，之後的交更我都完全聽唔入耳，拗底一千，好彩之後FOUND OUT係我亞媽，今天，總算逃過大難，不要凶聆。
今晚，去了睇醫生，醫生也不知道我隻腳奇怪的局部麻痺的原因，只給了我一些VITAMIN B6，有用嗎?

實習記事 之 第十三日

第十三日 P更
沙田威爾斯親王醫院
3F Surgical Ward (Female)
外科 (女)
。
今日，開了一個好長的PRE-CONFERENCE，兩點幾先上WARD，聽交更，又遇上了照X-RAY，想起了紫髻姐姐，好搞笑的提醒，但一切已成過去。
之後，ACCESS一下邊個PT可成為考試對象，我地發覺全部COMMUNICATE到的PT都係只適合VITAL SIGNS，哈哈，其實咁咪仲好，可以把考試範圍大大收窄。
同一個婆婆傾計，佢有好多野同我講，不停的講佢FAMILY，起初我都有點不耐煩，之後聽下聽下，開始投入，俾D鼓勵佢，俾D RESPONSE佢，佢又講下講下，講到自己三十幾歲守寡，佢即刻眼圈一紅，我即刻遞紙巾俾佢，即刻讚佢叻，可一手帶大D仔女，咁先無事JA，唉，點解我成日同人傾計都會撩喊人GA，我唔想GA，都唔知係好事定唔好事?好的是一個人願意在我面前哭，証明佢信得過我，而我能夠俾到COMFORT佢，另一方面，又好似我撩喊佢咁........不過，睇返佢牌板，又係CA，BLADDER CA。
看到了一粒膽石，嘩，原來咁大粒ga，成粒加應子咁大粒，又咁硬，唔怪得咁痛啦。
學了怎樣上IVF，聽了兩個人的BP，連超瘦4號床都聽到，YEAH。
三號床的病人是腳的血管閉塞，Symptom，我的右腳都中晒，看來我要認真treat下兩個月來腳痺的問題了，沒事吧?!
RITA話覺得我唔係一個考SKILL會緊張既人，唔知咩意思呢?
明天考SKILL了，十成十是VITAL SIGNS，祝我好運吧。
之前考試不合格的，明天會開始收到電話，SHIT，我不要收到那凶聆，請祝我大好運，好鬼緊張呀，我要同DAISY仔一齊GRAD架。
明天又返A，諗起都覺得眼訓。
還剩下一個星期，時間呀，你行快D得唔得呀???????