三年級第一期實習記事 之 第十一日

第十一日 九五更
仁安醫院 手術室(OT)

今日真係好刺激，今日我地一番到去，個nurse就話今日會俾我地上臺，所謂的上臺，that’s mean我地可以真正gown up，真正去做scrub nurse，真係好興奮，我地個個都想試，我就靠我的念力，成功突圍，哈哈哈，我個case係excision of right loin，我入到去，首先check sets，之後再洗手gown up，之後再數gauze，整stick，幫手舖巾，幫手retract下個wound，幫手遞下d equipment，醫生聯完線之後，我又幫手剪線，好開心，參與度已經比想像中多，不過我諗我的角色係一個surgeon assistance多過scrub nurse。個醫生又好nice，guide我retract的地方，又唔該前，唔該後的，好好的。聞住燃燒脂肪的味道，看著surgeon把脂肪瘤玩弄於手掌中，有一刻個感覺真係好嘔心，一d 都唔似bbq的味道，一d都唔好的感覺，個脂肪瘤仲有成大半個拳頭咁大呢~~~~~個nurse之後仲話我有potential呢，雖然心知這一定係客套的說話，但我都好開心，起碼唔係批評的說話。

食飯後，edith就做scrub nurse，今次係一個四十幾歲的男人割包皮，原來割包皮又係幾核突，個外形，實在不討好..........我相信男同學見到個過程一定會好驚恐，因為連我，都覺得係痛到飛起的procedure.................

之後就教我地唔同種類的forceps & scissors，真係 いろいろですね。

之後睇左兩個gyne的手術，一個係刮宮，一個係切vulva lump，睇完的感覺係，正經的想，沒有歪念，一個gyne的男醫生，會不會有性冷感? 因為我都覺得幾唔討好。

今日仲睇左一個breast lump excision，at least 六粒，oh my god!!!!

下星期再戰，懷著興奮的心情散晒咁離開。

三年級第一期實習記事 之 第十日

第十日 九五更
仁安醫院 手術室(OT)

今日全日睇左零個手術，真係悶到HIHI。
不過學既野我都幾INTERESTED。

朝早介紹了CAESAR SET入面既EQUIPMENT。
下晝介紹了LAP的儀器，一支槍都成幾千蚊，一個手術分分鐘開六七支，真係貴到HIHI，我以後一定唔會串HA，其實人地都算係咁啦，大家又無謂為250元長者醫療券鬧來鬧去，當一個心臟手術的儀器足以同一層樓的價錢battle，真係貴到飛街，如果你係受惠者之一，你真係可以收番埋你自己。HA，每年都唔知送左幾多棟樓俾市民........

之後，學左D SUTURING 既線。

下晝就學gown up，學set台，學點pass d 野俾doctor，都幾interesting。

腳痛，放工番中大，夜晚睇佢地跳STREET DANCE，第一次以觀眾的身份睇DANSO表演，真係另有一番感覺。

三年級第一期實習記事 之 第九日

第九日 九五更
仁安醫院 手術室(OT)

今日由另一個tutor帶我地，佢叫ROWENA，佢問我地琴日教左MUD，之後同我地溫左一次書，其實又聽左一次，好悶，介紹了OT房入面部麻機，之後見到麻師，佢好好人咁回答我地的問題，咁我就終於明白SA、GA、MAC，真係好鬼神奇，另一方面又好牙煙咁。之後仲有SPECIMEN的處理，見到一個仲後生過我的女仔做墮胎，真係有D唔知點咁既感覺。

原來SURGEON的花名叫刀手、麻師叫訓覺人，都幾搞笑，咁我地係咪叫PINK LADY???迷唔迷人就不得而知啦...........

今朝走馬看花咁睇左D唔完整既手術，有LOC(微創膽管)、TOP(墮胎)、LIVER RECSECTION。都好似好大的OPERATION，不過真係唔知佢做D MUD，淨係見到個肝，同一個黑黑地的肺。
睇左一個完整的CAESAR，好震撼，最震撼呢個，真係都幾恐怖，唔識講。

下午跟另一個TUTOR，佢叫ASTHER，之後成個下晝就睇左一個 RIGHT KNEE ARTHOSCOPY + REMOVE LOOSING THING，完全估唔到一個人點解可以有咁多軟骨碎，又咁大舊........又見到一個老化了的KNEE，入面真係好似一個海底世界，好似D浮游生物 + 珊瑚礁的朋友，真係好好睇咁，好清架。

放工，又散左，TIRED過番PA。

三年級第一期實習記事 之 第八日

第八日 九五更
仁安醫院 手術室(OT)

好興奮呀，因為可以唔再跟tutor，因為可以番九五，因為可以去私家醫院，因為可以唔使去柴灣，因為可以去神秘的地方-----手術室。

今日，我地一去到，就要去一個人力資源部的地方報到，仲要填埋d 員工資料form，真係呆晒，好似簽我地做nurse咁，哈哈，係都幾好幾開心。
之後我地去OT RM換衫，好粉紅的一套衫，真係由頭PINK到尾，CAP帽、衫、褲都係PINK PINK的，外套是紫色的，真係好姣的感覺呢!!不過，呢度D NURSE真係好CARE個外表，勁多後生，勁多有化妝的，而家先知道原來做NURSE都可以好搏盡，唔可以HAE。

今日我地跟雲彩姑娘，佢帶我地ROUND左一次手術室，教我地廢物處理的通識、RECOVERYAREA的SETTING、手術室儀器的介紹、CSSD ROUNDING、五張OPERATION FORM，其實除左俾佢D通識題目拋窒晒之外，今日真係無MUD特別。

今日睇左一個手術，係Caesarian operation(Caesar)，我入去時，BB已經出左黎，我睇個SURGEON要伸隻手入去刮個胎盤的殘餘物出黎，其實都幾嘔心，不過我知道，都係第一步姐。

放工，散左。

三年級第一期實習記事 之 第七日

第七日 A更
聯合醫院 12B

琴晚放工後，番中大跳暉仔，再去DAISY度屈蛇，成兩點半先訓，今日番A，真係連條命都俾埋佢。
今日我都係TAKE番自己的CUBICAL，原本諗住打針，點知打晒，我同亞WING好似醫生巡房咁，怒揭牌板，找來的，都係D屎屎尿尿的工作，FLEET呀，DUCULOX D FRIEND，真係.......
FINALLY，今日的工作，係做GYM，事源今日亞WING洗WOUND，個PATIENT又OBESE，又TOTALLY BED BOUND，TURNING都做唔到，我同EDITH兩個人幫佢側身洗PAT PAT都好似玩拔河咁，真係條腰都俾埋佢，又臭呢，真不夠好受。辛苦亞WING了，一個人頂左四個WOUND。
之後，打左個INSULIN，都係OK的COMMENT，=無COMMENT。
之後EVALUATION，都係對住OBJECTIVE黎講，算啦，我都覺得CLAUDIA無可能好了解我地。
今日又見到ROGER，佢隻死野，次次走過黎都係同我講佢去食飯，我就肚餓到叫救命，真係好過份呢。

之後就食LUNCH，真係好開心呢。
CLAUDIA問我地有無拍拖，知道我地無，佢竟然話:「積極D啦你地，話晒都YEAR3啦，有時讀書以外，都應該積極D。」真係O晒咀，無諗過TUTOR會咁講野，不過，其實佢都有D ARM........向男人積極!!!!哈哈哈

之後CLAUDIA繼續EVALUATE其他人，我地同KAREN傾得勁開心，我地的TOPIC都係12B個靚仔HOUSEMAN，哈哈，KAREN的棟篤笑真係好有水準，再加埋我地天馬行空的想像力同極佳的表達能力，真係成件事有十個GOOD，十個爆裂咁開心。^_______^ 男人永遠都係我地的HOT TOPIC呢，哈哈哈，要積極。

^_____________^ 出完WARD LU，以後都唔使再跟TUTOR，無MUD特別感覺，下個星期開始出手術室兩個星期。

三年級第一期實習記事 之 第六日

第六日 P更
聯合醫院 12B

今日又開始番百無聊賴的生活，尤其是今日三個考試的同學都係12A。今日我的目標係做少少CARE PLAN同溫日文，無錯，係溫日文，橫豎都係怒睇野，不如睇D真係好逼切的東西吧，星期六又要默書了。

係個WARD，我地一入去，完全唔使留野做，因為都預左過自修生的生活。

今日我想跟番琴日個姑娘，雖然佢講野串串地，不過個人真係好爽又有時會教下我野。
今日半邊ward洗地，D消毒藥水定唔知D蠟水真係臭到媽媽也不認得了，感覺到個LUNGS被野侵蝕緊。

正所謂番工等食TEA，TEA完等收工的情況又出現了。
正準備去TOILET 避世時，俾亞WING叫住左，話WARD MAN要見我地，汗...........不過我又唔驚，車，又唔係你出糧俾我，怕你有牙麼? 佢又唔係話我地，佢只不過問我地黎呢個WARD的OBJECTIVE，又話見我地成日睇PROTOCAL同牌板，話要介紹我地睇D值得睇既，其實，只不過係兜一大個靚圈話我地HAE，話我地頹?!算.......係呢個WARD，我都承認自己的FUNCTION等於零。

之後，繼續我的自修生活。

CLAUDIA過黎，話我地做咩唔度BP，唔做D BEDSIDE野，救命呀，呢個WARD又唔俾我地CHECK H'STIX，之前個NURSE又叫我唔使TAKE，之前又EMPHASIZE我地要爭取睇牌板的機會，上星期我地呢個WARD又考試，根本成個ATMOSPHERE就係叫我地咩都唔使做，算，我地係講唔出原因唔做，今次係我地死蠢，俾人地FAKE晒，不過，我覺得唔係純粹我地既錯。
俾人連續插左兩次，真係灰鬼晒，食TEA都無精神，同隔離組EMILY傾計，超，人地都係咁啦，不過都係算啦都係，都係自己衰GA LA

之後上番WARD，我同亞WING勁積極，勁積極咁舖床，好神奇的被單啊~~~D姐姐勁開心我地咁幫手，由頭到未，不斷地同我地講唔該........其實我地都好無奈...........
之後搶下黎幫手take下BP，CHART下 IO，同PT傾下計，時間就變得過得好快，咁都係既，而家先似出緊WARD。

POST CON，CLAUDIA要我PRESENT，好尷尬呢~~~~~~~~~~

三年級第一期實習記事 之 第五日

第五日 A更
聯合醫院 12B

今日考試，唔緊張，因為太SIMPLE 啦個CASE。
我同亞WING落CAN食早餐，因為上星期我地兩個一齊食親野，一定拖到好慢，死都唔上WARD D FRIEND，餐餐都食成九個字，我地呢D真係........今日，我地就好EFFICIENCY喇，食完即走，真係好勁，考試的威力。

上番去，做了COMPREHENSIVE ASSESSMENT，CLAUDIA就問我可以做FOCUS ASS.未，我答佢話要多15MINS，就係咁，呢個世界就唔同晒喇................................................

15分鐘之後，個PT就要放FLEET ENAMA，之後個PT就怒去TOILET，之後好唔容易等到佢出黎，諗住10:00做，我開始了第一句 :「呀婆.........，我地..........」「呀婆，唔得呀你D屎，要同你洗腸。」好無情呀，個NURSE一野就搶左我個PT，我當時同CLAUDIA你眼望我眼，我對眼差D碌出黎，我淨係識得問「咁點呀」，CLAUDIA就叫我搵定另一個CASE，今日或者考唔到................我唔信，而家十點，佢一點先落去，仲有三個鐘，我唔信考唔到。

之後，我去幫手個亞婆洗腸，洗左1PILE SOAP ENAMA，加十枝NS，個亞婆真係POOR，不斷俾人通櫃，我又幫佢唔到。不斷地好似助產士咁安慰佢，真係.............不過我覺得如果之前的EDU好就唔使令PT受呢個苦。

好辛苦咁幫佢洗完腸，我就不斷係TOILET門口等佢，猶如一隻熱窩上的螞蟻，好辛苦咁等佢出黎，個NURSE又出手，CALL ENDO個DEPT上黎收症，CLAUDIA就話呢個PT真係唔考得，我成個人真係崩潰，D眼淚又不自覺地湧出黎，個心不斷諗點解又係我，CLAUDIA講MUD都聽0入耳。

連CLAUDIA都知我係考試剋星。
「先　殉了情不對　未反擊過已後退
寧憑著　耐性與骨氣　維持自尊撐過去
誰強韌　誰長壽　誰便算勝利擊不碎
仍然共你企在這裡　挨著當身邊指控死去」

成個人勁燥底，死死地氣咁去應D屎尿屁鐘，點知今次個亞婆又不斷咁話我好人，條氣即刻順晒。

一點，個PT上番黎，我FINALLY都係好鬼RUSH的情況下完成左個EXAM，INTERVENTION內容有D變。CLAUDIA話我的能力可以ACHIEVE得好D，想當年，同一句說話，出自MARIA口中，都係考CARE PLAN..............

12B，我地的職責係怒睇牌板同PROTOCAL，成個自修室咁，點呀?

三年級第一期實習記事 之 第四日

第四日 P更
聯合醫院 12B

今日我同亞WING都怒搵CASE FOR CARE PLAN考試，我地上個星期雙依為命地HAE足咁多日，我地今日就雙依為命地搵CASE。
今個星期，D 病人好多都已經唔同晒面口，好ACUTE呀呢間醫院。不過入黎既CASE，好多一係就SOB，一係就腦有事，一係就健康到無野寫， 好彩我好八卦咁拿了一個EMERGENCY的CASE黎睇，原來佢入黎做COLONOSCOPY，問過佢兩句，佢的DIAGNOSIS真係出到媽媽都不認得了(哈哈，好似好斯文的說法)，POOR DM CONTROL + KNOWLEDGE DEFICIT OF COLONOSCOPY，又超級NICE，個牌板又少野抄到爆，我係TEA之前已經READY好，其實真係隨時考得。

今日都無做過其他野。

HAE到放工，同EDITH吃了柴魚花生粥 + 炸兩，食食食，我要ENERGY FOR TMR EXAM。

行埋另一半的APM，就番UCH，訓PA房。

PREP到2330，根本無野PREP.，太順利了，有點不安。

我老了

條腰梗左

成個大肚婆咁

好彩有黃立光在身邊

Dancing

星期五，番八半，不似人形，睡死了。
學BASS，有點擔心的模樣。喜歡同KAI進的無聊對話，在中同面前說話，確實可以不留有餘地，U KNOW ME & I KNOW U。
上日文堂，意外地潘老師有回來呢，還教了我們唱kiroro的向著未來，好好聽。
之後番CU跳暉仔，好開心，因為全部DANCERS都係FRIEND底的，有GRAD左的，有D EXCHANGE完番黎的，不過D STEPS好似好快，自己成半年無跳過MODERN，個BODY唔係FUNCTION得好好，又記得唔好，要再努力一點才行呢。
跳完都成一點，老了，頂不住，太眼訓了，在黛詩的宿舍屈了蛇，可以確保安全。

星期六，倒塔咁早去補習，之後買了郭天王的演唱會飛，^^，期待。又係學日文。
番義工，好高興見到成八個壯丁新血，有為青年呢，不過我諗最開心一定係AMY。

今日番元朗，本身駕車都OK順暢的，點知最後因為我MISS左兩個元朗劇院的入口，搞到我連續犯了兩個規，係雙白度CUT線，又衝紅燈，真係食佢屎。
今日真係超級FRUSTRATED，成日個主力腳又伸唔直，個誇又側，D平衡力又屎波，又亂用力，真係………..無地自容，如果可以的話，請時光倒流十年，好讓我早一點認識韓老師和周老師。
之後番中大跳暉仔，今日的STEP好女人，慢D，都可以話係容易D，扭來扭去都係我的強項，哈哈哈，不過記STEP的能力真係好差。

過兩日就考CARE PLAN，GOD BLESS ME。

三年級第一期實習記事 之 第三日

第三日 A更
聯合醫院 12B

今日一聽到個電話響，就熄左佢，等EDITH的電話響，FINALLY原來EDITH的電話一早響左，佢又係等緊我電話響，真懶惰的人。之後我地意外地反鎖了間房，真係好落難，好趕，趕到賴A的一朝。

今日出WARD又係行行企企，FINALLY 做了一個DRESSING，做了一個AOM，兩個TASKS，CLAUDIA都話OK做得好，不過個DRESSING真係令我有D汗顏，我知道一定過唔到亞RUTH個關。

睇了一個BONE MARROW ASPIRATION + BIOPSY，原來真係可以痛到彈起，好可憐。而且個DR又做到個PROCEDURE好恐怖，我諗我唔敢想像我被人做BM EXAM...........我未必會簽張CONSENT。

今日我係度見到一個人，^^，係ROGER呢，好得意的感覺，見到同學仔份外親切。下個星期應該會再見呢!!!

三年級第一期實習記事 之 第二日

第二日 P更
聯合醫院 12B

今日EDITH同亞飄要考試，ANNIE又要PREPARE明天的考試，成個WARD得我同亞WING，但係我地，但我地全日就都係飄浮，比琴日仲更無建樹，睇完CASE，睇E TROLLEY，睇PROTOCAL，傾計，全日就係做埋晒呢D咁既野.........連一個YEAR 1都不如。

今日終於遇到連OBS都唔想我TAKE的情況出現，不過無MUD FEELING，唔TAKE咪唔TAKE LAW。

見到一個PT，佢竟然話俾我聽，佢由十九歲開始生仔，生左十七個仔女，養左十一個，佢真係三年抱兩，真係不得了，佢全靠擔鹽生活，兩蚊一擔WOR，真係天生天養。

訓PA房，去左APM散步，同EDITH講下個HOUSEMAN，又講下其他男人，哈哈，原來大家都係咁。^_____^ 好舒服的一個晚上。

三年級第一期實習記事 之 第一日

第一日 A更
聯合醫院 12B

今日第一日出WARD，番中大搭SCHOOL BUS，痴線架，要四點十起身，搭第一班的71A，第一班的KCR，痴晒線。今朝勁大風，大風到我幾驚會俾D垃圾桶一野車爆頭.........如果可以唔使出WARD就好了。
去到UCH，換衫，上WARD，真係好似一個迷宮.....D LIFT又爆慢..........入到12B，CLAUDIA幫我地ORIENTATION一下，又講個牌版SETTING俾我地聽，之後就去食早餐。再上番個WARD，我個CUBICAL就有個PT DYING，D NURSE CALL佢屋企人又CALL唔到，唔知點解，個人而家見到呢D唔會再驚。
成朝係零個建樹，連TAKE OBS都唔多做，真係好似度得兩個，成個WARD都無DRESSING，真係開心，不停企係度睇CASE。
今日唯一覺得INTERESTING的係睇左RENAL BIOPSY，係OK既，感覺上好似唔係太恐怖。
之後十二點幾就出WARD，對於我地呢D跟開RUTH的人來講，好似天賜甘露咁，POST CON埋換埋衫都係三點JA，真係好。

又出ward了

好早呢，
好眼訓，
接二連三的頭班車，
一點都不興奮............
RAINING