回家

一首令我感動的詩歌，我不是基督徒，但它卻能使我感到安穩，真的，比任何流行曲還要奏效。
。
。
。
步伐是否感覺疲倦了
現實令你感到無奈
只懂每日每夜忙碌裡
兜兜轉轉 似沒了沒完
但願讓你知道
神是愛
在路上每一秒
同在
可否接受這份純真愛
一生歡欣 快樂精彩
回家 將傷痛放下
看透俗世謊話
迷失漆黑中
祂總把你念掛
回家 即使新世代
全然皆冰冷
在這屋裡 有主的愛別再怕
在這屋裡 有主的愛不要害怕
。
。
如果你地唔嫌load得慢，可以聽下。

實習記事 之 第十二日

第十二日 A更
沙田威爾斯親王醫院
3F Surgical Ward (Female)
外科 (女)
。
返A，05:15起身，又聽到那可惡的雀仔聲，討厭。眼訓到痴晒線，訓得三個鐘，又要出那個可惡的SURGICAL WARD，妖。在火車站，才驚覺原來香港人的步伐真係好快，朝早才六點，人人都行得好快，有D甚至會跑，嘩，真不能相信，尤其是當我還活像一頭喪屍之時。
0730入WARD，我做IC，d staff同昨晚的差不多，唉，灰爆，無野做，又唔使度vital signs，又係睇牌板。
全日做了一個ROM，學了輸血，睇了一個微創的割膽石傷口的DRESSING，真係好無聊，不過D STAFF都唔係咁忙。
是日的STAFF雖然係一樣的，但態度就是180度的改變，又主動教我地輸血，又同我地傾計，真係不可思議。
話說琴晚有個PT死左，就係我琴晚佢嘔，我幫佢換過晒D衫褲，被褥果個PT，真係世事無常，聽說是acute mitral infection，不過佢都已經七十幾歲，有stomach cancer，也許，這樣的死亡對個pt係最好的，起碼痛楚少，不過個nurse話個pt之前有complain過back pain，做過晒checking，聽埋心，都無發現，只係個pt個樣好差，但又唔知個原因，個Dr又話無事ga，俾隻止痛藥先，結果可能係咁，就減低左個sympton，不過呢d好講個DR的經驗，係發現唔到就發現唔到。個NURSE話自己都好內疚，走的時候無俾部機MON住個PT，只少佢差左都有人知。我聽到呢到，開心的是個NURSE咁EXPERIENCED都仍然有CARE的心，另一方面，我諗返自己，可幸的是我有做過D野令個婆婆有一刻的舒適，我都要做一個有經驗，有好SKILL，有CARE的護士。
相反，今日男WARD個邊有一個好不負責任的男護，差點兒搞出人命，其實呢D人，夜晚訓唔訓得著GE LEI?
LUNCH，約了SUSANNA食飯，佢話要聽我地訴苦，幫我地舒緩一下，好疼我們的TUTOR媽媽啊!!!
總之，SUSANNA講得ARM，做護理呢行，做野最緊要憑良心，將心比己，工作自然會做得好。

7B一次唔HAE的聚會

星期日，因為小健要出發去Disneyland掃街了，所以我地去了尖咀巴西燒烤食buffet，好開心，有小健、bellow成員、ada、班長、celia、unicorn、蔡海量、陳家洛。 BELLOW始終也是歡樂的泉源。

實習記事 之 第十一日

第十一日 P更
沙田威爾斯親王醫院
3F Surgical Ward (Female)
外科 (女)
。
第一日出PW，自此之後，TUTOR不再是SUSANNA，是RITA。
首先係換衫，個度D保安真係好X嚴密，入去換衫要一個PASSWORD，去廁所要另外兩個PASSWORD，真係.....萬一急起上黎，多得佢唔少。
之後，RITA帶我地去SITE VISIT，竟然俾我見到官東WOR，哈哈，好搞笑。所謂的SITE VISIT，我地參觀的竟然是洗衣房，殮房門口等等，九唔搭八。
入WARD，個WARD真係細到嘔爆電，比起4AL，一半LA...............
同個WARD MANAGER打招呼，咁佢都巡例同我地講幾句，大家都會EXPECT佢講D例如努力呀，唔明就問呀....諸如此類，殊不知佢竟然話「UM，你地可能出完呢個WARD之後就會唔讀架啦，唔做呢行，係呀，唔會好似你地EXPECT咁架，你地之前都有人係咁架啦，你地有唔明就問啦。」真係三間，無奈的訓話，一D ENCOURAGEMENT都無。之後，第一個JOB竟然是換片同換床單，PART WITH 一個YEAR2 的師姐，我覺得如果我同CHRISTINE PART，應該會快D，個亞婆真係幾慘，D頭髮不停咁甩，甩到成床都係，個PAT PAT又紅，佢都幾唔開心，NOTICE到自己甩頭髮，之後發覺佢原來係THYROID CACINOMA。
之後，WARD MANAGER教執床，俾佢暗串左幾句，不過佢又ARM，呢D基本功真係要做得好，結果，我成日執左大約四次床，兩次OCCUPIED BED。個度D床真係好舊，床欄都奇怪過人GA，又踩唔高，成日WOO低身真係好累。
睇左幾個牌板，有一個PT幾年前飲CAUSTIC 自殺，成條UPPER GI都已經OUT OF FUNCTION，有條RYLE'S直去小腸，她才49歲，不過，佢都唔想，佢應該有PSYCO PROBLEM，這些，真係無話可說，所謂的自殺也不是由佢地CONTROL。
發現D STAFF的態度真係好差，好似當我地透明咁，同4AL個D有講有笑，真係無得比，好掛住紫髻姐姐呀。
臨近尾聲，有個亞婆要痾尿，諗住收PAN時，發覺佢竟然係嘔緊，即刻俾個嘔兜佢，之後同佢換過晒D衫褲，床單被褥，嘩，累到我呀..........不過，個亞婆真係好辛苦咁，我摸佢又凍，但係佢又出晒汗，要幫佢個頭抹乾D汗，見到佢面青口唇白，好累咁，我唯一可以做的只是捉住佢隻手，希望佢可以好D，幫佢換好晒D野，之後佢都有唔該我地。
RITA教我地睇牌板，其實，有D野真係可以自己睇LAW，我比較PREFERD野係自己發現多過人地咩都話晒俾我聽。
出WARD，好唔開心，好掛住4AL，好掛住SUSANNA。

最幸福的出ward實習

實習記事 之 第十日

第十日 P更
大埔醫院
Medicine & Geriatrics Ward (Female)
內科及老人科 (女)
。
今日係最後一日係大埔醫院4AL，今日的TUTOR是一個叫亞WING既人，今日的STAFF包括了死肥婆，這一切，都是令人沮喪的事。
一點半入WARD，換片，換16號，本身有滿滿的信心，點知WING入黎睇我地，佢死都要企係個BED SIDE TABLE到，提左佢話阻住，都唔識醒水彈開，下面有部十幾萬的PUMP機升緊上黎呀，大姐。之後，諗住用之前個方法換片啦，點知佢又左挑右剔，佢講既野唔係無道理，但係D語氣真係超唔得LAW，句句都超串咁隊埋黎，真係無面俾，一D都唔GENTLE，咁我當然唔妥佢啦，話晒曾經成功幫到16號換片令我的自信都返晒黎，今時今日佢條MOOK咀黎踩我台，仲要咁既態度，真係..............佢仲話WOR「RUBY，我希望你諗下我點解放條新片係塊舊片的底LAW，因為我覺得你好似好唔服氣咁，頭先我話你，你一直都無同我EYE CONTACT LAW。」嘩，我真係O咀LAW，呢個世界邊有d咁Q無聊既人架，大佬............你語氣咁差，叫我點服呀，我冷笑左一聲，點知俾佢聽到，哈哈，我成條氣真係唔上唔落，成個換片的過程，佢都叉足我咁耐。要POSITION好個病人時，佢仲一個身係咁"得"埋黎，我差D向後跌law，有無腦架?!之後，搞掂換片聽交更，佢又拉我埋一邊話「我希望你知道我係對事唔對人，我帶得你一日，希望大家都開開心心，你唔信我既，可以睇下d staff點做.........」廢話，連呢一段說話的語氣都唔覺得有好轉law，可能我遮眼la，講真，我抆緊屎呀大佬，我唔望住個屎忽，唔通望住你塊面呀，就算你講緊野都係咁話啦。你要教人，都要人心悅誠服先至係真正的教曉，d態度咁差點得架，好坦白講，我真係唔妥你，咁點呀，係唔鐘意用你個套，咁點呀，我係對人唔對事ge，咁又點呀?妖妖妖，不過我自己又係衰，衰在唔衰得，我就係唔鐘意人challenge我自己有信心的事，每個人都有佢自己做野既一套，點解要挑釁我?如果佢用一d好既語氣，我會buy，正如susanna教我的每一個skill，我都心服地接受教導。妖，真係愈諗愈興..........佢教我兩個skill，一)攝條新片係塊舊片的底，二)將隻手攝係pt背脊，不好利用膝蓋個joint逗起個pt，因為背脊係最受力既。回想番，我兩個skill都唔會再用，因為都唔arm既，第一，攝條新片係塊舊片的底，個pt轉身時，萬一d屎必出黎，咪contaminate條片既內部law，相反，if攝係面，就無呢個問題了，咁pt都唔會infected。第二，隻手攝係pt背脊，根本無可能，d patient重到死，你都識講係最受力啦，即係最重la，痴孖根ga，點會教用手托起最重的部位架，你當我起重機呀，我整親點算呀，我同christine根本逗唔起個pt，仲要係瘦弱個隻ar。第三)我真係無見過d staff咁做law，而且利用膝蓋個joint逗起個pt係老心院既做法。最後個輪片，佢又話我地換得慢WOR，妖，識飛呀我地!我真係好嬲呀...........................................
今日個死肥婆，又話唔好搞佢條街wor，妖，我都想唔搞，至弊佢個麻煩六號又搵著我黎搞呢，佢叫我扶佢上番床，好，佢叫我幫佢逗褲頭，好，但係我咁逗又唔得，咁逗又話唔得，頂，仲要話「?，你唔識架，你未做過架?!」周圍好多其他家屬睇住law，我唯有死死地氣咁答「好」，之後又懶醒咁逐個step「教」我law，好似佢係主人，我係妹仔gum，好無自尊law，連上床欄都講LAW，鬼唔知ar，佢個人都未訓直就話要坐起身，都發癲既，我咪叫karen幫我手law，又係個句，我整親點算呀?這是我的權利。真係好叉煩，成日都話要痾屎痾尿，人人都有，都唔知點解佢零舍多。
總之我今日條氣全日都未順過。
講完d超級激氣野，講d好野，今日首屆會考生24號discharge了。原來好nice既26號係名校mary knoll學生黎ga，識得講好多英文。最令人鼓舞的是22號今日燒退了，終於醒過下，聽聞話仲要求要食糊仔，哈哈，keep it on la，要健健康康。做了一個完整的admission case的vital signs，yeah!
最後一個TASK係收PAN，是萬嬌的。
好唔捨得susanna，karen講得arm，佢真係好似我地亞媽，教得有heart，除左教skill，仲有教我地要將心比己，本身對patients又好，又有愛心，雖然會有煩的時候，但真係一個好tutor，一d都唔頹。
好唔捨得4AL的某D STAFF，包括紫髻姐姐，短髮姐姐，無眉姐姐，大肚大眼姐姐，好搞野既護士長，學護，D姐仔，好多好多，除左爆裙死肥婆。點知今日俾THANK YOU CARD時只得死肥婆係WARD，唯有俾佢LA，真諷刺。
唔捨得D好得意的PATIENTS。
。
BYE BYE，4AL。
。
。
。
。
。
。
P.S. YEAH，我來年有宿住呀，仲要係紫霞呀，興奮到痴孖根。

實習記事 之 第九日

第九日 A更
大埔醫院
Medicine & Geriatrics Ward (Female)
內科及老人科 (女)
。
好眼訓呀，今日，唔知點解，真係好眼訓。
入WARD，度BD，無ABNORMAL。
22號，還健在，但學護姑娘話佢可能都係擺唔耐，唉，也許真係天意，我真的不想成為最後一個餵佢食糊的人，好希望佢可以起番身.......
睇了姑娘幫34號插FOLI，姑娘發現了佢塞屎，那個學護竟然用手指伸入起個RECTUM，撩D 屎出黎，嘩，多麼震撼的一系列動作，SHIT，又超臭WOR，我淨係睇左幾秒，已經頂唔順，走出房門，真係超爆臭，真係一山還有一山高.........插FOLI，無MUD特別，不過要我做就真係要俾多D時間我準備.............
開了一個超長既POST CONFERENCE。
全日都無MUD野，在4AL愈實習得耐愈熟手了，VERY GD。
明天是最後一天在4AL，SUSANNA因私事，明天的TUTOR將會是WING，所以SUSANNA今日係最後一日做我的TUTOR，真係好多謝佢，我會記得佢的教導，不管係SKILL上或是心理上。至於4AL，又掛住D STAFF，尤其是紫髻姐姐，又掛住D PATIENT，尤其是好可愛，好NICE個D，哈哈.....佢地真係好得意。
有D唔捨得。

實習記事 之 第八日

第八日 P更
大埔醫院
Medicine & Geriatrics Ward (Female)
內科及老人科 (女)
。
一點，開PRE-CONFERENCE。
一點半，入WARD聽交更，仍然逃不過換片的命運，可幸的是，只換了一個PATIENT。
今日，我係IC，MARK好了一天要做的事，整天都能順利完成。
都係一天空閒的P更，有多D家屬黎，糊又唔使餵，ROM又唔使做，整天都行來行去........
22號床的兒子終於來了，我幫22號度QID，DESAT，得八十三%，要CALL DR，升到4L O2，支持住呀彩潔。
全日最開心，最開心，最開心，最開心，最開心，最開心，最開心，最開心，最開心都算係我終於能夠順利而成功地幫到16號「山洪瀑發」換片，我真係好開心，我早兩日已經構思左一個METHOD，今日嘗試了，一切STEPS都好順利，同CHRISTINE都好有默契，唔需要SUSANNA，唔需要STAFF，唔再嘩嘩聲，唔再雞手鴨腳，好開心，我已經OVERCOME左呢個難題啦，原來我都有咁既能力。
最後，SUSANNA給了一個INDIVIDUAL EVALUATION，好似幾滿意我既表現，好開心，好多謝佢既教導，雖然佢真係好重視換片，令我地都略有微言，但係好明顯，我地最熟的SKILL可能真係換片，可能仲熟過YEAR2師姐，起碼，而家唔再驚換片，對住一般的大便，已無MUD野，今日仲可以一路講笑，一路換片，哈哈，真係離晒譜，這，可算是SUSANNA的功勞。
今天，真係好開心。

實習記事 之 第七日

第七日 A更
大埔醫院
Medicine & Geriatrics Ward (Female)
內科及老人科 (女)
。
今日，一切如常。
七點半入WARD，度VITAL SIGNS，D婆婆都好合作，好有禮貌。
餵琴日先入黎的22號床食糊，佢ill左好多，個口不停震，unconcious，我叫極佢都唔醒，初時佢都可以吞到幾啖，最後，佢連吞都吞唔到了，我極其量只能餵了佢食藥，佢個口愈來愈震，開始吞唔到，就唔餵了，report俾nurse，nurse叫我地度RR，成50下law，係50下一分鐘law，個nurse即刻過黎access佢，要禁食了，她太ill了，聽到個nurse話「佢個樣真係好差........醫生......我今晚返night wor，唔係呀。」....唔係呀，我同佢做admission，餵糊仔，琴日仲好醒架..............希望佢無事la，我唯一可以做的只是扶佢坐好，希望佢呼吸得好d la。
之後，見無野做，教29號家人同佢做ROM，SUSANNA OBSERVE，好多PROCEDURES，PRECAUTIONS，ACCESSMENT都要講清清楚楚，睇黎都要PREPARE得好D，之後，個PATIENT要嘗試吞嚥，因為情況好轉，期望可甩左條胃喉，見到susanna出馬，有時當一個nurse也需要剛柔並重，當搞掂好晒一切，我走開了，「多謝你呀姑娘。」，個家屬大聲同我講，我望住佢，那一刻真係好感動，有d想喊，也許這些便是當護理的精神食糧。
之後，又幫26號床做了些ROM，好有笑容ga個亞婆，好得意，鐘意食朱古力，佢個女同佢做運動太心急，整痛佢，佢即刻打佢個女隻手「嘩，你想一野整瓜我呀」，哈哈哈，我地都忍唔住笑，佢d女都無佢咁好氣，個亞婆都依然咁好笑容，好nice呀~~~~~~~~
一輪片都唔使round， super good~~~
過了一個好長post conference。
。
。
哩兩日我個blog都colourful左，我的心情也colourful左。

實習記事 之 第六日

第六日 P更
大埔醫院
Medicine & Geriatrics Ward (Female)
內科及老人科 (女)
。
經過左一日半的HOLIDAY，個人的心景都真係唔同D，好輕鬆似的，非常好。
今日都係無咩特別，都係做個D野，一入ward，聽交更，之後換片，無咩特別，除左12號床個亞嬸，同佢換片，佢突然必k，shit，雖然唔係流質，但都幾嘔心，但總比火山爆發16號好，唉，佢又無啦啦要痾pan，好心啦，要痾就痾落片啦，又要同佢換片，又要收pan，又要complain呢度d staff唔俾佢痾pan，又要無咁既能力.......真係........有d煩，有k的pan原來幾嘔心，不過，算啦，佢都唔想既，可能痾pan會令佢心理上舒服一些。
模擬了考試vital signs，好緊張呀，仲撞到個頭，痛到呢~~~其實會唔會係我隻耳仔sensitive呢，次次聽BP，一係上壓比susanna高兩度，一係下壓比她聽到的低兩度，點解.............ok啦，其實野都幾準，yeah!
同16號做了oral care，好吃力，要edith幫手撬開佢個口才能勉強完成。
同20號床做了ROM。
22號床是新收的，見D姐姐用PATSLIDE過床，嘩，好似過山車咁.........其實唔使咁急呀.........幫佢搞ADMISSION既野，一捲起佢衫袖，諗住同佢度BP，點知發覺佢隻手好多一點點紅色既野.........不妙，SHIT，同護士長REPORT左，佢話應該唔係INFECTION野，嘩，我啋你呀，即刻戴番隻手套先，之後餵佢食糊，不俗的成果。
第二輪片是我同EMILY合作的，無咩特別，聽聞舊拍檔CHRISTINE換片遇到BLOODY STOOL的衝擊，難道一直以來的運氣係來自我乎???
今日的特別之處反而係人事上，第一，今日護士長來了，好後生的，會問我地幾歲，又話我地好搞野，又成日講開波，哈哈，如果將來身邊的同事都係咁就好了。
今日個WARD MANAGER成日係4AL出現，加埋護士長，真係幾大壓力。
有個姑娘七點幾時問我地「食左飯未?」我地話未，返工先食，佢話「嘩，你地一點幾返到依家呀?都幾慘架wor.......」真o咀。
今日十九號床對我笑呀......真係一生有幸.......真係?????
29號床個富貴婆個女成鬼日問，「有無同佢沖涼?」，「幾耐沖一次?」，「點解未換片，唔係六點咩?」，「你而家同佢換片?」，「幾耐同佢做一次運動?」好X煩呀..........都唔明，有能力聘請private neurolist，連被褥都係DKNY的，何必要在HA，浪費了床位，屈就了PATIENT，其實住私加真係對PATIENT好D，咁又何必係度諸多要求呢........
。
可能習慣了，返到屋企無咁累。

買野發洩law，唔係咩呀~~~~

今日使左成七百蚊，一定係換得片多，谷片上腦。
約左winky去沙田行街街，去了2%買了一條之前已看中了的牛仔裙，一件白綠的tee，之後係西田一間叫twist既野買左對London Underground既boot，$350，原價$700，淨返最後一對，又竟然意外地fit我個size，幾super難得，真係有緣，回想返個過程都幾gag。
原本係windows見到對鞋，覺得幾特別，於是行入去睇下啦，點之就咁賴野，眼前所見盡是名牌，有vivianne，有gucci，連adidas都係Y-3條line，我就知道it is not my cup of tea，不過都諗住睇埋對鞋先，一睇個brand---underground???咩黎ga，聽都未聽過，只知對鞋好靚，d花全部繡上去ga，好special，見到佢$700減到$350，真係有一刻的心動，但最後都無買到，因為覺得三百幾蚊買對布鞋，太過份了，結果走了。之後諗住帶winky去幫下眼，點知要排隊限人次入去，傻了眼。之後，再去多次，問個sales，先知淨返一對，仲要係4號，it's impossible for me，so 放棄，試了另一隻色的六號，發覺鬆到甩咁擠，把心一橫，試下黑色四號，OMG，點解要咁ARM，我會因為覺得有緣而買GA.......之後，WINKY話對鞋幾特別，幾抵，我就勁心郁啦，到最後，我逼winky講了句「好抵」，我就買了，返到屋企，媽咪對我的戰利品都幾欣賞，真難得，哈。
今晚無聊時search下咩係underground，先知原來係英國old school大牌子，平時一對boot都千幾蚊，係屬於punk同rock的style野，嘩，睇黎我今次真係買中野啦，又arm style，又arm價。yeah~~~~~~~~
其實，以上都係廢話，只需用「今天買了一件衫，一條裙，一對鞋，好開心」便行了........可能我真是太無聊了。
。
P.S.1. winky，你唔好唔開心啦。(又係廢話)
2.medi同學仔，你唔好咁大壓力啦。(又係廢話)

實習記事 之 第五日

第五日 N更 21:00 - 07:00
大埔醫院
Medicine & Geriatrics Ward (Female)
內科及老人科 (女)

ARM ARM訓醒，琴晚當了第一次NIGHT SHIFT，感覺很寫意。可能大家琴日好像放了一日假的緣故，大家個MOOD都好好，有傾有笑咁入WARD。
全晚要做的只是ROUND左兩次片，共七個PATIENTS，好正常的OUTPUT，AND TAKE 左一條半街的OBS，成晚流流長，唯有成晚坐係度怒睇牌板，尤其是而家識睇，真係當故事咁睇，之後同EMILY、KAREN討論劇情，邊個係WET妹，邊個D情況突然由隨時出得院變左昏迷、邊個係有錢婆.............都幾好。中間有兩個鐘頭的TEA BREAK，吃加怒吹水，有D人開始眼訓，最嘈的都係我地幾個，哈哈。
個姑娘同個HCA都好好人。
。
。
成晚無咩特別，慶幸無咩特別。

唔好帶工作回家

媽咪叫我唔好帶工作回家，叫我唔好鑽牛角尖，唉，呢句說話真係平時睇電視聽得多，估唔到自己都要學習此名言，不過，如果我控制到就話JE.........
。
現在..........
。
今天我.........霧裡分不清影蹤.........
多少次　迎著冷眼與嘲笑.................

。

一剎那恍惚　若有所失的感覺

不知不覺已變淡　心裡愛　(誰明白我)

。
希望.........
。
從沒有放棄過心中的理想..........
。
背棄了理想　誰人都可以　
那會怕有一天只你共我

實習記事 之 第四日

第四日 A更
大埔醫院
Medicine & Geriatrics Ward (Female)
內科及老人科 (女)

痴孖根，琴晚返完P，返到屋企趕得切與家人共晉晚餐，食完飯一直昏迷，昏迷，接住訓覺。
仍然不滿足。
一
六時起床，
入WARD，TAKE OBS，奇蹟般的TAKE到潮州怒漢19號的TEMP，其實都係因為有NURSE在場。聽BP，上壓平均次次都高過別人聽的四度，點解，我明明聽到第一聲，要再PRACTICE多幾次了。
今次輪到男WARD有LAST OFFICE睇，真係..............會唔會太多，不過我地都唔使睇。
幫第一街TAKE QID，第一街個肥爆RN真係超級乞人憎，EMILY度完OBS，離開唔夠30秒，肥爆RN話「唉，又要執手尾」；佢係個NRS STATION，我無啦啦同佢四目交投，佢就話「同學仔呀，你地用完D字典，唔該有手尾D擺返埋佢，無咁多人同你執手尾架.........」，我同KAREN賴晒野LAW，但我地都無用過LAW；佢叫我地做小朋友LAW，係，我地MUD都唔識，咁點呀；佢又同D同事講WOR「我唔知，仲知唔好搞我D PATIENT。」大聲到俾我同EMILY聽到，我地真係O咀LAW，唔該，EMILY即刻話「你話呀，我地仲有無尊嚴?!」係無，但係呢個肥爆RN面前無尊嚴就真係唔"踞"；仲有，我同佢D CLIENT TAKE完QID，發現有ABNORMAL，佢情願同同事講八卦野，都唔情願聽，同我講WOR「得架啦!你同D姐仔講啦，唔使同我講架。」真係離晒大譜，正PK黎GA，唔使你做AR，請你返黎傾計GA，八婆，自己D PATIENT都唔理，你見有D STUDENT係度，做下樣都好呀，我都唔期望你會教我野，但係都唔好咁離譜呀。
幫34號TAKE H'STIX，用返REBACCA個PROCEDURE，初時SUSANNA都點晒頭，點知一督完，SUSANNA的提點反而令我手足無措，妖，我又再一次手快快將支針掉落垃圾袋，唉，真係衰收尾。
LUNCH時，17號床的大叫亞婆的女兒來了，真難得，唉，原來個亞婆聽日出院，唔係因為佢好返，而係因為佢個女知道佢唔鐘意住醫院，而且見佢已接近黃昏，所以諗住接佢返屋企住，其實，這是好偉大的決定，講真，邊有人想屋企有人死呀。見姐仔派餐，我即刻搶閘去FEEDING，去到17號床邊，用果蓉加落D藥粉度，再教佢個女餵佢，之後，再FEED佢食糊，好有滿足感，雖然呢個亞婆成日係度叫，好X嘈，但個一刻我真係覺得佢好慘。見到PT幫佢做ROM，做佢果D已經屈埋晒的腳，郁佢膝頭哥，佢嘈到嘔，超勁痛咁，真係好可憐。
之後，同18號婆婆傾計，佢話我眉清目秀，好靚女，TUM到你識飛天之時，點知佢話我多暗蒼WOR，嘩，我真係呆左LAW，我話「亞婆你都幾好眼GA WOR」，真係............一啖砂糖一啖K......
之後換片，幫13號，有STOOL，但經過16號一役，我真係覺得超小事，好快搞掂，我地三個加入KAREN同EDITH的行列，幫16號換片，STOOL仍舊是那麼嘔心，我覺得佢地PERFORM得淡定過我同CHISTINE，結果我地五個就咁搞掂左，YEAH。
出WARD。

我覺得我要俾社工councel一下

講真，我開始覺得自己有d問題，自從睇完last office，自己真係有d唔妥，自己個腦不停咁諗返d野，不停咁轉牛角尖，好唔開心，成日諗起，連琴日朝早一睜開眼都係諗起呢件事..........琴晚，我喊左，我無諗過自己會咁，原因係我諗起我婆婆，我好驚，以後點算，我好驚，真係好驚..........
加上琴日俾16號床換片單野嚇一嚇，我琴晚成個人depress左，個腦不停咁俾呢d衝擊困住左，個感覺，我唔識講，只係知道，我點都唔想再見到.......其實，莫講話依家出ward一個月，之後呢，如果我真係做nurse咁點算?
我動搖了，護士，真係我既理想嗎???我呢一刻只知道我是害怕的，我不要再遇到呢d咁既衝擊，可否俾d時間我overcome???我完全睇唔到當一個nurse的意義、好處，再可以支持幾耐.......
有人可以幫到我嗎?

實習記事 之 第三日

第三日 P更
大埔醫院
Medicine & Geriatrics Ward (Female)
內科及老人科 (女)

今日返P更，13:00入ward，susanna病了，由rebacca代她來做tutor，今日，我做IC。
一入ward，一切看上去好正常，交代了我們要留的工作，便開始換片了，第二街，共四個PATIENTS，我、christin、emily一組，9號床的病人，開始膀胱訓練，所以佢都有能力痾落bedpan，不過，其實佢都會賴尿，賴濕條褲，都要幫佢換片同褲，勝在可以自己撐起，唔使咁辛苦。
16號床係一個ill patient，要吊奶喉，右手超contact，超stiff，好weak，好彩rebacca係度，如果唔係，真係掂都唔敢掂佢，不過，打開條片，發覺佢mud都無痾，gd，very gd~
之後，無野做，睇CASE，REBACCA解釋CASE俾我地聽之際，我見到有數個家屬係33、34號床間房入面，33號床又拉埋簾，我心諗 : 「咩事呀? 唔係呀嘛? 」
之後，聽交更，幾好聽，可以知道d patient的最新情況同我地平時見唔到的一面，聽到.....「33號病人，arm arm cert左，要等埋佢兩個仔黎......」點解???點解要俾我諗中???????又死多個，又要俾我地meet到，OMG。講真，我真係仲未衝破呢個心理障礙，猶有餘悸時，我真係唔想再睇多次，況且對面WARD的同學唔睇過，詢問過其他同學的意見，便安排了對面ward的同學睇last office。兩日死兩個，我依家真係勁驚見到醫生，有超強大的陰影，唔好俾我見到佢呀~~~~~~~~~~~
我地繼續睇case，今日我concern係一個好後生的24歲client度，睇過佢牌板，發覺佢係bacteria endocarditis，佢做過手術，都幾慘，不過相比其他郁都唔郁得既patient，經已好好。
大肚姑娘教我地做bladder scan，我地未學既skill，試過做一次，唔錯。
幫34號床take haemstix，我想話我好x交叉驚law，33號同34號一間房，33號cert左，條野都未搬落去，我同個unconcious的patient同一條野屈係同一間房，以我性格，我未入去，我經已自我驚慌一百度，所以我即刻捉埋rebacca入去，rebacca教的 procedure detail好多，我學多左野，gd。不過，正因為rebacca教得detail，so我地stay左係間房好耐，其實我原來諗住快d搞掂快d走，點知rebacca話因為個病人右手吊緊水，所以要用左手，即係話我的背後便是那條鹹魚，oh god，驚到我腳震，rebacca仲要教我仔細，真係................................救命呀..............................好拗底呀..............................痴孖根.................................
返P真係無mud野做，所以唯有不停睇case。
食tea。
黃昏時，睇姑娘feeding，是那個會鬧退了我同emily的病人，真係超神奇，知道了如何test temp，知多了details，趁個patient mood 到，try左feeding，well。
rebacca係一個幾好的tutor，會同我地discuss牌板，解釋一d我地唔識的術語，不過，佢會問書，OMG，對於我呢D唔讀書的人黎講，真係..........汗。佢問EMILY 關於KETONE既野，嘩，PHYSIOLOGY呀，真係O晒咀，變態架!!!!!輪到我時，佢問我ROM的好處，PLANNING........呢D野，雖然係吹到出黎，但係未必ARM佢心意，真係話難唔難，話易唔易，好彩FUNDAMENTAL OF NRS有溫書，都吹到兩野。
<以下的內容，怕核突的不要看>
好，臨走之前，又ROUND多一次片，HOLY SHIT，真是一個超級無敵GD的adj.。幫16號ill的patient換片，係一切心理準備都無既情況下，一開，「嘩!!!!!」我同christin，emily真係本能地大叫，我相信絕對唔會細聲，因為驚嚇情度真係800，shit!!!!!!!!!!!d野係墨綠色ga，深色到好似黑色gum，我同christin直情覺得係黑色；仲有，簡直係山洪暴發，超流質，連前面都係law，真係連隔夜飯都想嘔埋出黎shit，仲要一路抹一路痾，話實，我地換片的經驗都唔再係生手，我當時真係唔覺意講出黎︰「點算?我應該點做呀?」我地三個真係O晒咀，謄晒雞，之後，亞CHRISTIN一轉佢個PAT過黎，嘔，D肉爛晒，救命呀~~~~~~~~~~~~~~~~~~~~~~~~我真係靈魂出竅，只知要不停抹，不停抹，不停抹，不停抹，不停抹，不停抹，不停抹，不停抹，不停抹，不停抹，不停抹，不停抹，不停抹，不停抹，不停抹，不停抹，不停抹，不停抹.............用左超X多既棉花都唔夠，因為超流質，仲一路抹一路痾，SHIT，隔左好耐，個大肚姑娘一定係聽到我地不停咁嘩，不停咁講點算，又搞左好耐，所以佢都入黎諗住指導下，到最後都頂我地唔順，直情dominate左，烈快手law，又妥當，仲可以一邊做，一邊講︰「呢d野，你做得慢就辛苦自己ga je...........呢d就係zinc cream，唔慳得ga呢d野.........」嘩，我真係.................超佩服，又內疚，要一個大肚婆幫手......唉..............
就因為臨走之前遇到咁大大大大大的衝擊，我走時真係depress左超耐。
我唔想再留係度呀~~~~~~~~~~~~~~~~~~~~~~

一點感覺

原來睇過一次LAST OFFICE，佢俾我既IMPACT原來係咁大，我覺得.......

原來人死左之後，係再無「自己」呢個概念，因為已成為了一件任人擺布的物件，自己再不是自己。

原來死亡係咁孤獨、咁寂寞的，縱使你所有家人都來看你最後一面，在打包時，又是一個人要面對的，打包是最慘的一幕，但卻要一個人面對........

我想起早兩年死的婆婆，佢死的時候，是零晨三時，結果，我們沒有去見佢最後一面，一想到婆婆是要自己面對死亡、打包呢d過程，一個人被困在膠袋、被推到殮房.........我內疚了，對不起。

實習記事 之 第二日

第二日 A更
大埔醫院
Medicine & Geriatrics Ward (Female)
內科及老人科 (女)
。
。
六時起床
七點半準時入ward，原本留左第三、四街的vital sign，但一入去，個護士同我地講 :「因為第四街有patient arm arm passed away，所以你地take住第三街先啦」「?。」這是我第一個反應，亦是唯一的。其實係老人科，pass away呢d，應該幾常見，但我真係一次都無遇過。望向尾街，26號床拉晒簾，有傳出來的哭泣聲，有醫生護士在布簾之間穿插，出出入入，此時，我真係無mud感覺或反應，對於不切身的事，縱使係大穫野，我的反應都會好冷靜，只是經過不斷的回想，我才會愈諗愈多，以致一發不可收拾.......初時，我覺得個patient一定係好老好ill，死亡是自然的事，見到佢個仔，堂堂一個大男人，哭得雙眼通紅，臉兩則都擦得紅卜卜，我都不為所動，只覺得親人死了，傷心是必然的，這一切，都似乎是自然的。
我繼續我的工作，要度19和20號床的vital signs，19號係一個超惡，超嘈的病人，會鬧人架，琴日emily先領教過，不過我無理由唔嘗試，結果，淨係問左句「亞婆，同你量血壓好無?」「唔度呀，唔好搞我，唔度呀.........」超大聲law，一面屁，立即放棄。其實我認得佢ga，佢係上一次出ward的病人，我記得上一次有個十幾歲的孫探佢，佢好開心咁拿住個mic(因為佢話佢講唔到大聲)同佢個孫傾計，只見佢個孫放下了對講機，根本都唔想同佢傾，其實當時只覺得好無奈，佢個既然唔想同佢傾計，又點解黎探佢???不過，我知道個patient一定係好開心既。而且，佢仲同我complain過話醫生開的藥令佢啞，其實係佢自己撞聾。唉，其實長期stay係同一個病房，又邊有人會好心情呀?佢都唔想既。之後，我心諗，將來遇到咁既patient，唔通永遠唔度vital sign咩?所以，硬住頭皮，諗住由最簡單的度temp開始，點知俾個patient又噴到一面屁，tum佢話一秒搞掂都唔得，嘈到d姑娘話唔好勉強佢，唉，真無用。
20 號床，用手量血壓計度BP，SUSANNA在旁觀察，我同佢聽到的上壓相差四度，雖不能算是多，但我經已幾frustrated，唉，要再fit d sin 得。
oral feeding，partner with year2師姐，我餵糊仔，佢加藥粉，用盡甜言蜜語加大話，例如 : 「點解唔食呀?頭先又話好鐘意食ge。」(但明明個patient就唔識講野)、「係咪好甜呢!係呢~」(但明明係加左藥粉，苦過弟弟)，有時當護士也要懂得講大話，結果，我地仲搞到個patient喊，但佢只係食左好少，d藥又未食晒，我都唔想ga。
另一個patient，我鼓勵佢食多d，問佢點解唔食，又俾佢鬧 :「唔食咪唔食law，無點解架!!!」點呀，又鬧，真係慘加無辜，連隔離床個後生patient都話我地好慘，成日俾patient蝦。唉，最慘係俾人鬧，仲要笑住tum佢，也許要tum到佢打你的那一刻........
搞完一輪，emily同我講話我地要睇after death care，之後，我地入了patient的簾，眼前是一一具真係面無血色既屍體，兩個staff幫佢remove d clothes，條片，last stool果然是特別多和臭，但staff都整潔地做好perineal care，換過條新片，用濕了HYPO-6的棉花球塞住了佢身體所有洞穴，再加屍簽，入膠袋，這一切，書本上看過的PROCEDURES，看上去無mud特別，但當發生係面前，每一個畫面都是多麼的震撼，恐怖，陷入我心，我驚恐的感覺足以蓋過一切傷感，尤其係當移動patient個頭，佢其中一隻眼神經反射地張開了，原本我都睇唔到，不過，該死的karen細聲講 :「嘩，佢隻眼。」結果佢身旁的我同emily就.......真係嚇親，尤其係emily la，見到佢個樣，都登佢可憐，唉。整個過程，我只有兩個感覺，驚同怪。明明係一個人，點可以塞d野落佢個anus同vagina架?點可以包係個膠袋度ga?好怪啊，明明係人，又好似一個物件，好怪。而每一個畫面都在我腦海迴盪著.........好驚。
其實，呢個patient我琴日有幫佢度過BP，仲度過SaO2 tim，就係琴日得八十幾，落我面果個，估唔到，真係有事。
之後，我地一行五人好down，唔多出聲，只是大家都呆了。
tea break完，無mud 特別野做，自己睇牌板做case study，lunch時鼓勵patient食野，d case都食得唔錯，今朝俾我餵到喊個patient突然好清醒，鼓勵佢食，諗住同emily合作feeding，又俾佢鬧，妖，成朝都俾人鬧law，唔該。
下午，自己lunch完，又換片，又係同christine part，今次有料，勝在唔太臭，不過係large amount，抆極都抆唔完，clean完，包片，今次一take過，條片個位度我勁好，yeah!!!
,
之後，便出ward了。
.
.
.
.
.
P.S.

1. 哈哈，我，eva，唔完美，亞ming將會成為一組，一齊做組爸媽，有咁索既組媽，組仔女們真幸福 ; 有咁無能的組爸，組仔女真可憐。
2. emily，可否停止你的美麗宣言，我快忍不住要犯罪了，我要打你了，哈哈。
3. 今日，上bass堂，好眼訓，無心情，表現好差，史提芬再問我玩唔玩女子band，結果答應了幫手，成人之美。放心吧!她們是不能取代BELLOW的。多謝史提芬的ENDLESS RAIN(原唱:X-JAPAN)，可惜我太累了，GET唔到個MOOD。

實習記事 之 第一日

第一日 09:00 - 17:00
大埔醫院
Medicine & Geriatrics Ward (Female)
內科及老人科 (女)
。
。
和一月份一樣，出同一個ward，見到的staff也是一樣的，只有病人是陌生的，除了一個，19號床的。今次一入WARD，感覺到病人明顯是比上一次的healthy，無咁ill，d patient多是可self-feeding的，只有半身不便。
十時許，我們到達四樓，開了一個小小的pre-conference，便各自入ward做野，洗手戴mask，我們一開始便take obs(即量血壓，血含氧量，temp，pulse)，QID的，做了兩個patient的，感覺陌生，有點生硬了。之後，便是睇下牌板，認識一下patient的情況，睇下d interesting的case，雖然話係老人科，但今次個ward有兩個好好好後生的patient，一個仲要係24歲ga ja，不過佢都幾多病ga，好似都唔係小野ga，不過佢勝有conscious，乾淨，可溝通，不過講真，我驚呢d多d ga，咁後生就住醫院，大病，包圍住的仲要係一個個張開口，unconscious的老婆婆，心情一定唔好，同佢講野好驚講錯野，而且佢好似好靜咁........之後，就開始派餐了，susanna教了feeding，不過，almost全個ward的亞婆都可以自己搞掂ge，有d仲有得食自己野，有仔女餵，幾幸福。我只是鼓勵了一個亞婆食了幾啖紹菜蓉同燒汁豬肉蓉，個亞婆話食d中藥，搞到佢肚痾，痾到唔想食wor，我睇佢肯食果幾啖，經已好俾面ga la。同另一個亞婆傾計，知道佢係第一屆會考畢業生，嘩，個亞婆講thank you ga，唔係講中文ga，嘩，幾勁，仲好醒目tim。中午，take晒全ward的obs，忙到嘔泡，不過d skill的感覺返晒黎，見識了一個pulse長期只得四十幾的亞婆。
一點三先落can食野，都無mud可選了，吃了公司三文治，都幾好味，不過真係好累，尤其對腳，不過主要係心情，因為食完野，先到今日的主菜-------換片，仲要係一條街(即八張床)。穿上gown，戴上紙頭套，face shield，妖，死就死啦，我同christine part，round了三個patient的片，超粄勁好彩，三個都無stool，零臭味，yeah，不過要"豆"起佢地真係好辛苦，尤其是條腰有舊患的我，有幾次要小休兩三秒才可繼續，所以呢，換片，不是臭死，就是累死。
之後，又take obs，有一個patient SaO2得八十幾，嚇得我呀，re-check，都係wor，即刻report la，個nurse郁下d貓鬚，一check，就有九十，之後仲有成九十三tim，點呀，亞婆，你落我面je，不過你無事都好。之後，房入面個33號床的pulse一度有一百七十幾，嘩，唔好嚇我啦，接二連三???好彩recheck時得一百一十，正常。
好搞笑，今日有個patient係ward尾街照X光，個nurse一邊叫「尾街病人照X光」，一邊由街尾怒奔走至街頭，仲要匿埋入洗手房，我地成班無知ge，一邊跟住佢，一邊問「使唔使匿到咁埋呀?」哈哈，呢個X RAY大逃亡，真係要幾gag，有幾gag。
量過一次血糖，唔習慣唔用槍，表現失準了，ohhhhhhhhhhhh~
臨走時幫手transfer左幾個patients。

百發百中

考完試，身體即刻黎"腎"，超級大傷風，唉，次次都係ga，考完試一定會大病一場，琴日執衫時，我諗我大約打了over一百個既噴嚏，因為全身過度抽搐的原故，搞到超累，鼻子都快要磨爛了..........咁ge身體，可唔可以唔出ward呀???
琴日夾band，好開心的是好耐無夾，唔開心的是無進步，唉，火呀火呀火呀，要揀好既歌夾下了，要對自己的要求高d，也許要問下professional的意見。好搞笑，超搞笑，有kai進的地方，總會令的痴左線咁笑。
諗起自己已經學左bass足足一年，由第一堂最討厭的F音，跟住玩POP野，由第一首的「喜歡你」開始，學了不同的SKILL，跟住學五級樂理，再學blues，之後，好有feel的blues jazz，到而家的rock野，學拍線，成個過程，都在好開心的情況下學習，真係要好好多謝我的名師。
琴晚，中同小聚，又係一個quality低既的gathering，但都搞到成四點先散。好累了。我想講，d人可否有責任感少少，長此下去，我覺得我會開始討厭，也許kai進講得arm，我對朋友的要求高，一件事，足以令的討厭一個人。
原來，已經分開了足足一年，回想返，有時會覺得有點可惜，也許，可以不那麼衝動。當然，感覺已再不存在，已經成為了回憶的一部分，人生的一個經歷，學會了一課，也更明白自己的需要，其實，也需要多謝他，有好開心的回憶ga，好朋友，永遠的。
哈哈，琴晚聽了班長的形容，原來我曾經咁灰，咁唔開心，我都唔記得lu，我果然有忘記不快的神力，yo~~~~~~~~~~~
。
好感性tim，哈哈。

迴光返照

今日考完試，為期三星期的試，終於考完了，本是藉得高興的，但一想到3days後出ward，真係悲從中來。
今次的exam真係拗底一百，因為之前的AP，再加上對所有MAJOR+MINOR都係零知識的情況下，注意，係所有LAW，大部分係人唔到，小部分係心唔到，也許是自招的，但俾我再揀，我都揀DAY-OFF，因為我會有更多時間做自己野。
PHYSIO係我PREPARE得最唔好GE，雖然係第一科，但我唔夠時間數我有把握ARM幾多題LAW，唔該，搞到我個心仔唔上唔落LAW，妖，好X驚唔合格AR，出咁多KIDNEY，痴Q線。
ANATOMY，SHORT QUESTION唔錯，TIP中，但係個迴轉壽屍真係玩野，D標本都唔係之前睇開果D GE，咁我之前睇左果兩日為MUD，妖，有一個睇性器官，我直情分唔到佢係男定女LAW，唔該，個PENIS同SCROTUM扁晒果LAW，真係POOR，好彩最後我認得出那一餅野的PENIS同SCROTUM。
FUNDAMENTAL OF NRS，都係咁啦，初次感受到自己讀NRS，D FIRST AID，做就識，寫出黎，識鬼咩，即係你可唔可以用文字寫出自己痾屎的PROCEDURE同PRECAUTION呀?唔得GA MA。唉，不過，好彩TIP中了一部分，應該無問題吧。
MICBIO.今日考的，琴晚我發惡夢，自己唔合格，得廿分，又唔夠時間做，SHIT，嚇醒左，06:45，我從來唔會咁GA，我知道，自己真係UNDER STRESS LA，之前幾日溫NOTE，要背的都背了，但係都烈拗，今日一收到份卷，一見到MCQ佔50%，「仆街」，我心中怒吼，有無搞錯呀，佢D死心MCQ，難到亞媽都唔認得，死人頭，TETANUS的SYMPTOM係SPASM，佢就要寫四個唔識的難字出黎，正PK黎GA，而家考MICBIO定英文呀，係咪飲得凍檸TEA多谷冰上腦呀?!!SHORT Q，都叫做TIP中1.5題GE，要答兩題的情況下，都叫PASS的，希望可以拉到那使人BELLOW的MCQ。
EXAM完，人人都有節目，有人去BREACH，有人GO MK，我原本都有架，原本我約了珪長架，點知我打俾佢時，佢話係HALL LAW，唔知邊個早兩日叫我考完打俾佢呢?結果，就同了大鼓手2316係車神吃久違了的米線，點知巧遇2316媽，AUNTIE，請不要誤會，不過，2316是為了我而推了媽媽的約........一切也太巧合了。之後，聯絡不上其他人去WET，故便散水，唉，我覺得自己好可憐呀，考完都無野玩。
上星期BASS學了BLUES JAZZ，超有FEEL的MELODY，真係好有味道的音樂，好有FEEL。
今個星期學拍線，原來真係唔容易，個位好難拍得準，要多PRACTISE了，不過史提芬話佢未見過女仔彈BASS拍線，要TRAIN UP我WOR，哈哈，又可以LAW，不過我都覺得女仔拍線係幾型GE，仲有呀，佢話我第一次拍，成績都算唔錯，YEAH，超勁呀....我。完了EXAM，係時候掂下我老公IBANEZ啦，我要進步。
睇返03 BEYOND CONCERT，好有FEEL，好想夾到那一個地步，我沒有太大的野心，我不會強逼自己有如無影手的TECHIQUE，只希望彈得有FEEL D，無咁機械，只希望能同BELLOW一起走下去，一起進步。史提芬問我有無興趣加入一隊女子BAND，興趣是有的，因為佢地隊BAND好齊，只是我不想出SHOW，我會拗，所以最後都無答應，況且BELLOW也沒有出過SHOW，我的第一次出SHOW，一定要係BELLOW的。
過兩日就出WARD LA，唔知點解，無上次咁期待，好辛苦架，要早起，講緊的是五點幾LAW，天都未光呀痴孖根，今次仲要返NIGHT，亞班長，我想講，這不是值得興奮的事，是驚恐的事，一句講晒，我怕鬼，烈驚呀痴線。今次仲要學了ROUND屎片同ORAL CARE，SHIT，萬一D NURSE話留一條街的片俾我地換，咁真係割左個鼻、插爆隻眼都唔得了。真係唔期待，見到補習天王賺百幾粒一個月，諗下自己，百幾粒屎就有得執...............唉。我決定搵人PARTNERSHIP開老人院，邊個有興趣???要PLAN GA LA痴線，我需要DR(ELAINE，班長)，PHYSIO(2316，PAN CHING)，FOOD & NUT(YENNIS/大師兄)，HCA(仲駛講?梗係我亞媽，MADAM CHEUNG LA)，幾個NRS PARTNER(EMILY，KAREN有興趣嗎?)，哈，我要賺大錢，我要衝出公屋...........不過，仍然想去當無國界一趟。
看了女人唔易做，真好看，曾幾何時，我的夢想是HILDA姐的角色，今時今日，我已經不能回頭，也不想當這角色，我想幫人，不想害人。謝天華同鄧萃雯真係勁野。
哈哈，我最後也決定玩細O，不能相信吧，伙拍了EVA，希望順順利利，好好玩LA。
有機會同APPLE一起做亞馬的組女，一起去做SPY，，哈哈，烈期待，真想可以做到，勁搞笑。
和EMILY相約了YEAR2的暑假一起做BACK PACKER，去歐洲，如果成事便好了，我要獨立。還想去日本，美國的大峽谷，台灣食野，馬爾代夫游水........
很久也沒有和MST DANCERS GATHERING LA.......好掛住大家，回想起中五的KATA之旅，是一世都唔會忘記的。
暑假要買過部電腦辭典，兩部都壞了，SO SHITY。
今日見到有兩個人著我同亞MING DESIGN的SOC TEE，有種莫名的興奮，原來真係有人會BUY GA，多謝俾面。
早兩日，知道PHATOM OF OPERA加場，又買唔到$290的飛啦，放棄了，我真的不能拿出$490 去TAKE一個RISK，我不知道自己是否喜歡OPERA。
三星期沒有好好的上網，我發覺，原來我可以不ADDICTED TO PC，哈哈，但我不能沒有收音機。
好零碎的日記，對不起，真不懂如何把這些LINK起來，哈，會讀到這裡的，都是好朋友。
。
一切都不在乎，我只要全科合格，直升YAER 2。