二年級一期實習記事 之 第十四日

第十四日 P更
沙田醫院 6C

今日，一早去買birthday cake for edith & mandy。
HAPPY BIRTHDAY !!!

一入WARD，搵CASE PRESENT，之後，聽交更，發現自己都聽得明WOR。
一號仔，琴日PRESSURE SORE那個，今早八點幾BYE BYE左，或者咁樣佢無咁辛苦係好事。
十號琴晚嘔血，DETERIORATE晒。

之後TAKE VOTAL SIGNS，六個LAW，唔該晒WOR。

去食TEA，CELEBRATION。

上番WARD就CHECK H'STIX，同D PT傾下計咁，又留意下MARIA ARM ARM教的IV FLUID點COUNT，發覺幾得意。

今日零舍多PT要俾BEDPAN，成日都俾D屎屎尿尿圍住。

做左13的ADMISSION。
BLADDER SCAN。

睇左姑娘幫2號上血，我就幫手幫佢度BP，MON住佢會唔會FLUID OVERLOAD。

幫個PT換COLOSTOMY BAG，準備換時，D姑娘話2號的手腫到雞蛋咁，話係咪因為我用呢隻TAKE BP，嘩! 我即刻衝出黎否認啦，傻的都唔會咁做啦!!!

換埋個COLOSTOMY袋。

今日有個新的一號仔ADMISSION，佢係一個好好好醒目的亞婆，不過佢好唔乖，不停咁要擒床，所以要縛佢，佢就不停咁大叫「好心啦，唔好縛我啦，你放左我啦!!!」佢真係好好好長氣，叫左幾個鐘都係咁，唔停咁。有一次我睇2號仔，一號仔隻手竟然捉住我，我一擰轉頭，佢兩隻眼D淚水反晒光，「你好心啦，你幫下我啦~~~」跟住我就問「你叫咩名呀?」「唔行得GA，腳腫呀，一落地就跌，一跌就痛GA LA...........」同佢傾左成十分鐘，不停咁REPEAT，又TUM又成，竟然............FINALLY，佢真係聽我講唔再擒床，唔再大叫.............真係好神奇，好有滿足感。

之後，MARIA叫我做PRESENTATION，我就話我無時間PREPARE，今日全日都無停過，MARIA就話點都要PRESENT，叫我俾D野人地做...........救命。

咁我就PRESENT十號嘔血CASE。

PRESENT完，幫十號仔換片，嘩，又係墨綠色的山洪爆發，好彩有經驗，成功換左片。^.^好掛住大埔醫院的日子，學識左好多好多野。

出WARD，今日好似打仗咁，但係我，好滿足。

二年級一期實習記事 之 第十三日

第十三日 A更
沙田醫院 6C

今日一入WARD就睇左亞姐沖涼，之後就不停咁PART KELLY執床，執左好多張之後，就去食早餐。

好飽好飽。

之後諗住睇KELLY幫1號個亞婆洗PRESSURE SORE，佢個SORE話說前一晚都無MUD事，半天之後，竟然黑左一大撻，連掂下都唔得，佢成九十幾歲，見到佢咁樣，真係心都UP。跟住本來做DRESSING的，點知姑娘一早幫我做左，結果臨時幫另一個5號仔洗一個微型拗損左的傷口......DOCUMENT左係牌板，第一次JA.........

之後都係H'STIX下呀咁，十六號床個pt原來有聽我講野，佢有食番多野。

不過，個女醫生好好人，佢竟然叫自己個亞媽煲左D木瓜雪耳糖水去餵一個PT食，因為佢話個PT好可憐，無人無物，又唔肯食野，所以咁做，真係聽到都唔信。咁我被醫生託咐左要餵佢，咁我就餵左佢食半壺，佢都算俾面喇!!!

之後，今日裘千尺俾人輸血，我地睇緊牌板，突然有人大叫，咁D NURSE就衝過去啦，發現裘千尺竟然抆支針，痴線架，咁D姑娘即刻禁住佢 ，縛住佢，佢竟然用手去抓個sister，塊面成條血痕呀，佢話人地好拿走佢D 血，個姑娘話係俾血佢，佢就話「我唔要D血，我D血多到有剩!」跟住個姑娘就話「咁多? 嘔D出黎呀?」 笑。

在忙碌中渡過。

星期日的優閒

星期五晚，做care plan做到四點半。
星期六晚，做care plan做到三點半。

換來的是一個星期日的優閒。

好耐無試過啦，由開學到而家，都無試過星期日無野做............

今年的TVB台慶，可以再頹一點嗎?
失敗中的失敗。

二年級一期實習記事 之 第十二日

第十二日 P更
沙田醫院 6C

琴晚為左PREPARE考試，搞到兩點，今朝七點半起身又做，務求做到最好。

今日一入WARD，我就睇多次我個CASE，行到床邊，姨? 點解唔同左樣GE? 嚇到我即刻全個WARD行晒，發現佢入左房仔，原來佢有MILD FEVER，咁我就繼續睇下佢個牌板寫MUD啦，MARIA走拿考試CONSENT，點知個SISTER話我個CLIENT因為番黎張肺片花左好多，懷疑INFECTIOUS，所以要隔離.......天啊! 咁即係點呀? 我係咪黑成咁呀? 個個考試都無問題，點解要係我??????MARIA即刻問我會唔會轉CASE，因為佢只係懷疑，未係CONFIRMED CASE，故不能著防護裝備，只能洗多D手........我心諗 : 如果佢係肺病，咁我洗多D手又關MUD事? 不過，我真係好想今個星期完成個CARE PLAN，所以我堅持唔怕照考，不過我只怕佢既CONDITION會影響我的NURSING DIAGNOSIS。之後，等多一陣，個PT醒左，我問佢係咪發燒，佢話係，我問佢係咪唔想講野，佢又話係..........佢竟然話係，SHIT~~~~~~~~~~咁即係話我唔可以用佢黎考試..............救命呀，咁我點算??????

之後，當我灰到盡的時候，見到KELLY做緊ADMISSION，見個亞婆有D黑頭髮，有救啦!!!即刻TEST下佢，COMMUNICATE到，正，問佢MUD事入院，CONGESTIVE HEART FAILURE + DM，GD~~~~~~~好好做的DIAGNOSIS，我就即刻ASSESS佢，發現佢可以做，咁我就STICK ON HER 啦，當我ASSES得差唔多，我話我考得，MARIA就即刻碌大隻眼話「下? 你諗住今日考?」之後，佢即刻再三咁STRESS我一定要諗清楚，因為我對個CASE唔熟，驚我FOCUS ASSESSMENT做得唔好，我聽到真係拗爆底，不過諗落，今日一唔考，下個星期先考，我個心就完全不能定落黎，完全溫唔到書，SHIT，咁我FINAL點算???結果我就膽生毛咁話「考!」
結果，我就連去TEA既時間都無，即刻去做FOCUS ASSESSMENT，我諗我同佢傾計的時間加加埋埋都有兩個鐘.........我都覺得自己煩。

問到咁上下，佢地要食飯啦，咁我就無啦啦要幫佢打INSULIN，用黎做INTERVENTION，拗底到爆，我未打過INSULIN架，好緊張，結果，我RECAP支針時俾支針拮親，係支針衰，自己拗左，拮穿個CAP，再拮到我。之後，又因為唔識睇VOLUME的關係，我抽錯左VOLUME...............SHIT，白痴GA，差D OVER-DOSED，我唔可以原諒我自己，打完針，我差D喊出黎，我覺得呢一D野係無可能發生GA，我肯定，我唔可以俾呢件事再發生。
之後又要派藥，零PREPARE LAW唔該，好彩發現到D藥唔係個PATIENT既，否則又死多樣野。

派完藥，MARIA要我半個鐘頭內決定兩個DIAGNOSIS，同INTERVENTION，我真係驚魂未定、六神無主，閉關半個鐘，我決定做INEFFECTIVE THERAPEUTIC REGIMEN MANAGEMENT + IMPAIRED PHYSICAL MOBILITY，MARIA都話得排得ARM，做埋EDUCATION，都已經七點，MARIA要我七點九前抄低晒個PT D PROFILE，SHIT，之後我著晒火咁怒抄、怒抄、怒怒抄..........

結果，順利完成。

MINI-EVALUATION，MARIA話我第一次打INSULIN，算OK，我心諗有無搞錯，咁X差都得???佢話得，我都覺得唔得啦........之後，佢話我做得中規中矩...........我好想ACHIEVE得再好D呀?

番到宿，我真係好唔開心，我咁辛苦，番P都七點半起身為MUD? 唔通真係黑到咁?

唉~~~

其實使MUD咁唔開心呀，即日搵CASE，即日ASSESS，即日做INTERVENTION，都算係咁啦。自己努力過，準備過，就已經過得到自己個關，個PT情況點，唔係我可以控制。

SMILE ^____________________^

二年級一期實習記事 之 第十一日

第十一日 A更
沙田醫院 6C

一上到WARD，我又一支箭咁去搵CASE，點知一係就DEMENTIA，一係就今日DISCHARGE，一係就講鄉下話，唉..................灰到盡左。
決定做KELLY個CASE，用同一個PT考試，點知MARIA唔俾，SHIT!!!!!!!!!

之後，MARIA介紹左兩個PT俾我，一個講野一舊舊，一個在差唔多做完ASSESSMENT時發覺佢又係DEPRESSION，佢話好驚自己老左無用，好想早D死TIM...........................咁DEPRESS做MUD野，個仔日日都黎探你，勁鍚你，又有工人..........不過亞婆都唔想既，又做唔到CASE。

之後，見KELLY扶個亞婆去TOILET，咁就過去搭訕，發覺亞婆除左cool d之外，都OK既，好啦，決定做佢。佢既PROBLEM初步係 SOB (shortness of breath)，MALNUTRITION，SLEEPING PORBLEM。

今日一聽到姑娘話塞DS (便秘藥)，我就話我想試下做，要帶兩隻手套ga，俾我隊個PT又係DEMENTIA GE，不過佢好好笑GA，MUD都笑一餐，我同佢解釋塞藥FOR去大便，佢就話我唔使去XXX(地方)，姑娘就話佢永遠都唔會明GA LA，就除佢條褲，個PT就好CUTE咁話「依? MUD你除左我條褲? MUD咁醜死怪GA?」咁我塞入去佢個ANUS啦，佢就話「呀.....唔好拮我呀!!!」不過佢個語氣好CALM，好似一D都唔痛，好似細路仔咁，哈哈，真係好好笑呀，DEMENTIA既PT有D就好CUTE，有D就好似來自惡人谷既裘千尺(尾街PT，佢個朵係D HCA改GA)，不停咁嗌，諗起都覺得煩。

今日全日為左搵CASE，除左塞DS，同幫小韻同學HOLD一個PT FOR DRESSING之外，MUD都無做..........幫小韻HOLD個PT，條腰好累 + 好痛。

今日差D唔見張八達通，幾時先黑完呀???????

二年級一期實習記事 之 第十日

第十日 P更
沙田醫院 6C

今日，番到去繼續搵CASE考試，搵到一個PT好似幾好，同佢傾左一陣，發覺佢老公的死對佢的影響好大，佢老公幾個月前在睡夢中安祥咁死，48年的伴侶死了，使佢身體差晒，又寂寞，完全無MOOD食野，住野，就算個仔點CARE佢，佢都覺得始終都係老公最好，結果，first priority must be psychological problem，maria又唔RECOMMEND我做..............

度左兩輪VITAL SIGN

H'STIX，終於必到粒血出黎。不過，我明明CHART左，EDITH都RECHECK左，點知個RN話無CHART，真係奇怪..............

派藥，見到MARIA燥底，好驚呀，搞到我口窒窒，妖，真係無用。

搵唔到CASE，唔開心，擔心做唔切。

二年級一期實習記事 之 第九日

第九日 A更
沙田醫院 6C

話說，琴晚我較好左個MOBILE ALARM，臨訓之前仲CHECK左一次，EVA個鐘都較埋番A個時間，三重設備下，竟然無一個鐘響過，痴線GA，都唔知發生MUD事，結果，因為咁，我遲左一個鐘，又用左$50搭的士。

好灰LAW，連天都唔鐘意我?

去到已經係BREAKFAST TIME，食完上WARD，自己主理一條街，加一間房，共6個PT。

睇karen洗傷口，個pt一隻腳切左，個人已經unconscious，d手手腳腳水腫到有一大泡水係入面浪下浪下，真係浪架，佢要搵d布包住，因為話佢隻手出水，下..........我亞媽話如果有針筒，楝下佢會標水出黎架..........佢個pat pat有bed sore，黑色的爛肉，見佢賴左屎，我同maria幫佢處理左先，我在ward的第一份工作又係執屎，係咪整定架???我一抹落去，佢就必出黎，嚇到我縮一縮，maria話唔使驚，係因為我stimulate左佢，不過佢咁必出黎，唔係唔縮呀!!!
見到亞婆咁，隻手腫到咁，個心唔舒服，其實只要佢d仔女care佢多d，可能事情無咁worse。

開始搵CASE準備考試，見到一個四十幾歲的女人，佢有Herpes Zoster，即係人稱的生蛇，佢右面的nerve infected，所以佢話塊面有陣時會突然間好痛，好似俾刀砍 / 俾好多好多枝針係咁拮，我見佢痛既時候要搣自己塊面，而且唔摸得佢塊面架，佢話因為神經線問題，連有風吹過都唔得，佢講講下，指住我幅相話影得幾靚，之後笑左兩聲，佢都即時痛到搣面，我企左係旁邊都唔知可以點幫佢。
因為食經問題，佢已經行唔到，見到個醫生assess佢時，佢兩隻腳震晒，真係好心up，好好地一個後生，生蛇搞到行又唔得，又痛到咁辛苦，塊面又有d啡色一點點，好似瘀左咁，唉。
除左生蛇，佢仲有先天性紅斑狼瘡，會傷害內臟的，佢細細個已經有呢個病，佢話因為咁佢完全無擁有過正常生活，無正常社交，佢話佢做唔到工，儲唔到錢，去唔到旅行，而呢一個就係佢既夢想。而且佢因為呢個病，佢好多野都唔食得，會出疹。
再除此之外，佢身體不能吸收足夠proteins，佢要食高蛋白質diet。
結果，我想用佢做我考care plan的client，不過maria話唔好，因為我唔熟d病，而且佢既病係我不能用nursing care幫到佢既，so叫我用easy d的case做考試，我明白，但我都好想了解多d呢個case，再諗諗先。

驗血糖，我真係俾d nurse玩死，有mud理由將d用完的針唔放落sharp box，整齊地擺係d未用的針旁邊，搞到我以為係用得的，拿錯野，真係俾個ward玩死。
maria又話婆婆唔使按摩手指都好多血，咁我聽佢講啦，點知個亞婆d血少到死，要死命咁必出黎，唉，早知唔聽佢講啦.......................

幫左人做mouth care。

睇左同學仔派藥，RN做admission assessment。

唔開心，我好擔心自己今次個grade呀，不過我唔應該咁早認衰仔，我要努力。

十一月二十日

今年的十一月二十日
是一個當黑的日子
我沒話說
天要我亡
我又有何話要說?

不應怨天尤人
不應氣餒
一切都要靠自己
上了寶貴的一課

今年的十一月二十日
也是媽媽的生日
很好
可以一家團聚
如果沒有爭吵
我的家不只是溫暖
應該是熾熱的

這一刻
我睡不著
好像有壓力

二年級一期實習記事 之 第八日

第八日 D更
大埔賽馬會診療所

朝早HEALTH EDU時打左一針pat pat 的IMI，好彩郭姑娘指導，我真係零記得LAW唔該，不過最唔慣係枝針，流感個D好短GA JA MA，不過而家呢枝好長既，好怪，好驚支針，而且D藥係AMPOULE ，記得亞wing話要好型咁 V-SHAPE咁抽藥，哈哈，我照足架。
之後仲打左一針ATT，今次係VIAL的，打一支針，要登記的事太多了。
HEALTH EDU + VITAL SIGN，見到一個PT對腳黑晒又好乾，應該gangrene腳，都真係幾恐怖。
睇拆線 + 睇抽血，係亞媽個同事亞MING抽血，佢就係黎頂替我亞媽既，同佢吹水吹得都幾開心。

LUNCH @ 燒扒屋

下午，全力做同睇DRESSING，第一個CASE係一個BURN WOUND，個PT成個下半身都係燒傷後的肉芽，郭姑娘話佢增生出黎既CELL因為已經DEFORM左，唔會知道自己應該係一層皮，SO會不停增生，要定期做手術切出黎，而且D肉好嫩，但血液又循環得唔好，SO經常受傷，我一見到佢隻腳，我已經呆左，知道要洗佢，我自問真係無心理準備，不過都要頂硬上，我一低頭睇個傷口，WA，臭到呢，我第一次知道咩叫WOUND既臭味，真係好嘔心，見到佢個WOUND DISCHARGE滲晒出黎，我真係有D HESIDATE，好彩有個MASK，否則我個嘔心樣俾PT見到真係一定俾人COMPLAIN，幫佢洗第一野，佢痛到成個人彈起左，我嚇到都彈起左，結果，就憑我一顆衝動的心就完成左呢個DRESSING，不過我諗呢個WOUND的臭味都應該只是最基本的了。

之後，有一個類似魔術師打扮的人黎洗傷口，佢個女朋友話要入埋黎陪佢，姑娘話唔好太多人，佢個女朋友即刻變臉，黑面加白眼半秒都唔使就完全呈現，而家D人真係好奇怪。
幫左個PT拆線 + 拆釘，好得意的感覺，好難得的體驗。
還學了痴STRIPE。
又睇插 foley同 抽viginal sample，ASEPTIC TECHINIQUE IS VERY IMPORTANT!!!

之後郭姑娘俾左EVALUATION我地，佢話好欣賞我地好積極，好肯學野，不過就有D緊張。

我地送埋張THANK YOU CARD，四日的GOPC PLACEMENT就完結了。

總括，GOPD確實是一個操SKILL的好地方，在短短的數日，已經叫做有D認識啦。GOPD，一個好好做的地方，但唔專、好平凡的地方，唔會有好刺激的事發生，成日有BREAK，番工時間又唔HARSH，我諗當我三十幾四十歲時，但求無過、不求有功時，GOPD是我的天堂。
唔記得係GOPD留倩影TIM~~~

係GOPD，有幾個STAFF都問我係咪我亞媽個女，一個話我似，一個話我唔似，究竟似唔似呢???

二年級一期實習記事 之 第七日

第七日 D更
大埔賽馬會診療所

朝早去左藥庫拿流感針，第一次入去，好logistic的感覺，好多櫃，好多藥水，真係麻雀雖小，五臟俱全。
做下health edu，教下人抽空肚血事宜，度下vital signs。

之後就到今日的重頭戲，打針，怒打針 x 10枝，改掉了用食指推針的壞習慣，改番arm用姆指，有一個pt讚我打得好。臨尾好忙時仲幫左做一d文件野，除左skill之外，management都好緊要ga。

今日有一個冒充係PWH的MEDICAL黃醫生，係街度發現左一單CAR ACCIDENT，要郭姑娘CHECK個PT的資料，郭姑娘話仲有D救護車聲做BACKGROUND 架，不過郭姑娘覺得成件事有D奇怪，SO唔肯答佢個PT的資料，結果個黃醫生留低左個電話，點知係QE既查詢電話，仲要係請按一字個D，原來真係有D人咁無聊架，私隱真好緊要。以後做野都係小心D。

JOEY做左一個ECG，有一個新黎的醫生竟然話我地做得慢，真係可怒也，明明個PT一開口我地就郁手，部ECG機又壞壞地既，都算係咁啦，咁X串~~~

之後睇做左一個VA (VISUAL ASSESSMENT) FOR一個廿幾歲的男人，佢有一隻眼白內障，NO VISION，真係好慘。

LUNCH @ 豆漿大王

下午睇JOEY做wound dressing，之後睇黃姑娘插女人FOLEY，第一次睇，男人我反而睇過幾次，原來尿道口同陰道口都幾難分，第時好驚會插錯，插錯就大大穫啦，尤其係VIRGIN..........黃姑娘仲話個個都唔同，可以有唔同位，好易分錯。

又打10枝針，TRAIN UP到好快的速度，又有一個PT讚，郭姑娘就同PT講話專登請我地幫人打針，如果係咁，咁俾錢我呀，我好等錢使呀。

五點，帶著滿足的心放工。

二年級一期實習記事 之 第六日

第六日 D更
大埔賽馬會診療所

今日一開波係睇 clinical management system (CMS)，悶到嘔。

之後睇一個烈瘦既亞婆做ECG，先知自己的PHYSIO應該俾番晒Y1 D PROFESSOR，要係時候進補一下。又講CMS，真係開心到呢~~~~~

睇HEALTH EDUCATION + 打ATT，SUBCUTANEOUS的。

之後睇入龍，有個男人想霸埋老婆個位，唔准GA MA，之後佢就發爛渣，大大聲咁，我同JOEY都呆左一呆。

去左喋喋不休食飯飯。

LUNCH番黎，我地就睇打針，郭姑娘打得好快呀，佢之後問我同JOEY打唔打，我地真係有D拗，HESITATE左一陣，當我話我打時，個PT就話「唉，唔好啦，姑娘你幫我打啦。」真無隱.......

之後下一個PT係一個中年男人，我幫佢打針，見住佢舊DELTOID，我呆左一陣，唔知點，之後一飛，就入左，O..........原來打人係咁GE，打完啦，個PT突然好大聲咁話「下，打完啦 ? 我一D都唔覺既，支針入左都唔知。」我好開心，不過心知亞伯都係講下GE 姐，佢臨走之前，佢又講「佢真係好手勢呀，一D都唔痛。」亞伯真係誇張，點會唔知，我飛得大力，支針都有頂到佢佢點會唔知呀 ? 不過，客套的大話我也願意聽。
之後另外打多兩個，手勢還尚待改善。

預告明日怒打流感針，驚驚，加油。

CUHK MADAN 2006

準時一點三趕到，好有火呀今日。

不過我頭兩首太爆啦，搞到第三首完全企唔穩，好彩大部份時間都係最後個行，應該無MUD人見到GWA，不過，唔能夠爆到尾都係一個遺憾。跳完，連氣都未喘好，我就要飛走，出到舊路，諗住搭小巴，一架都無 ; 諗住搭綠的，一架都無，上了一架紅的，一上去，就見到架小巴，SHIT，小巴$5.X，的士$5X，足足十倍，仲要小巴快過我架的士，連影都見唔到，仲要個司機唔識路，仲要先後俾一架巴士同一架龜速的密斗，SHIT SHIT SHIT.................

唔知我跳成點呢，我硬係覺得自己係度退步，不過，成日講要進步，究竟進步位係邊? 唔知，唔係因為跳得好，而係根本唔知出錯位係邊，淨係知唔好。

番到去GOPD，睇DRESSING時，我見到D野有影GA，幾驚會暈低，咁就瘀到爆..........

之後放工去學BASS，累到嘔茄，都唔知做MUD。

夜晚再出去食宵，睇CLIPS，好多謝個PRO爆的CAMERA MAN，連最邊邊的DANCERS都照顧到。
佢地講得ARM，我好似無參與過MADAN咁，黎緊的POLY MADAN，我終於可以好舒服咁等出場，好舒服咁跳，好舒服咁怒影相。

期待CUCR既超清CLIPS。

二年級一期實習記事 之 第五日

第五日 D更
大埔賽馬會診療所

告別了護養院，我就去我最最最期待的GOPD，仲要跟MENTOR，爆開心，一定有好多野學。

番朝九晚五，我尊登早兩個字番去GA，我個MENTOR係郭姑娘，之後問番亞媽，先知原來佢同我亞媽有仇口，天啊~~~~~上一輩的恩怨點解要我承受.................

見到N.O.，N.O.一見我個名，就知道我係我亞媽個女，之後，郭姑娘就知我的身份，之後，我諗全GOPD都會知道。

睇左個POWERPOINT ABOUT GOPD，之後SITE VISIT，好彩有啪杯COFFEE先番工，否則我會死。

之後去睇NURSE做CHRONIC PATIENT的HEALTH EDUCATION + 做VITAL SIGNS，原來係要咁DETAILS，要背熟好多資料，又要好識得點教，好多COMMUNICATION SKILL GA，真係有排學，唔係隨便拿起份LEAFLET講晒佢就OK。
嘗試做左幾個CASE，都OK HANDLE到，可以再做快D。

十點幾有個BREAK，都唔知做MUD好。

十二點九放LUNCH，我即刻飛的番中大跳MADAN，好彩趕得切，仲可以有WARM UP位。
結果我SHARP兩點番到去，野又無食，D汗仲標緊，用光速換好衫衝出去，點知MENTOR才施施然去換衫，我真係呆左。

之後，我D汗怒出緊，MENTOR話睇DRESSING要著GOWN，OH NO，咁熱仲要加一大件膠上身..........GOPD既DRESSING MATERIAL真係多好多，好齊全，之後睇MENTOR做DRESSING，做得快又諗得快，不過D手勢真係好唔乎合ASEPTIC TECHNIQUE。
之後自己做左個DRESSING，好似亂晒咁，明明知道唔應該做既，不過MENTOR叫到又唔可以唔做，唉..........唔可以俾D野上腦，我仲未考DRESSING架。

之後再睇D HEALTH EDUCATION，咁就一DAY LU。

預告明天會打針，緊張。

Madan 2006 @ CUHK

大家一聲 :



爆到賴屎!!!!!!!!!!!!!!

人生真係大起大跌

唔開心

上星期一，因為返P的關係，我要1300去到九龍灣的護養院，所以到最後都不能出CITY個SHOW，縱然我晨咁早去到CITY，REHERSAL埋，化埋妝，又怎樣 ? 見到大家，見到暉仔，我真係唔知講咩，雖然大家都話明白我，但我點會FEEL EASY呀? 放不低，好guilty，我覺得我的心情係無人明白的。

等到最後的一刻，當我要走的時候，我真係唔開心，好彩見到yoyo，我地真係有緣到呢，好彩有你陪我同counsel我。
搭左$60的士，清袋，都仲要遲到。

發現唔見左DV TAPE，咩心機都無晒。

好開心
琴晚，我同EVA食左一隻雞呀，食晒，好誇張呀，煮野食最開心。EVA斬雞個樣真係又型又好笑。^_______________^


今日，花了半日的時間，完成了1054 ESSAY，太感動啦。之後去練舞途中收到屋企的電話，找到了DV TAPE，好似發夢咁，不可思議，開心到想喊，好滾動。

今晚又同EVA煮野食，五香肉丁撈烏冬、蕃茄蛋、自創咖哩茄子，加上楊千嬅的《玉女添丁》助慶，仲有芝麻湯圓慶祝DV TAPE重生。太高興了。

人間有情。

二年級一期實習記事 之 第四日

第四日 A更
雅麗氏何妙齡那打素護養院 5/F

因為下午site visit，今日的working hours只係三個幾鐘，so我一早已keep住亢奮的狀態。

原本要度一個亞伯的temp，但兩度因為佢做緊pt擱置了。
第一次幫亞伯搽CREAM，真係呢HAE。

maria同我地吹左一陣水，講縱使自己有CPR証書，是否真的夠膽做CPR?又講下佢自己以前做A&E時的事，講自己留在美國受訓時的事，搞到撩起左我同KELLY的吹水癮，我地直情要搵間無人的院友房怒吹水，講自己將來想點，講無國界，講自己對NURSING的EXPECT，真係開正我個瓣，我地傾得勁開心，之前未試過同KEEY傾計，今次真係對佢認識不少，佢仲教左我一句「愛，直到成傷」。

之後，我地參觀PT、OT，每次見到PT，我都會想像KAI進將來的模樣。

LUNCH時間，幫一個柏金遜亞伯餵飯，眼見佢咀唇震晒，d糊流緊落黎，我諗住用個spoon兜番住，點知佢一手打落黎，我真係呆左，之後我話幫佢抹咀，佢好惡咁話唔抹，亞伯，我幾時得罪你呀 ?

最後，maria俾左d comments俾我地，佢話我做skill唔謄雞，都唔錯，不過有進步空間，佢希望之後見到我有大的improvemnet，我一定會。

之後去fanling參觀，個度主要做皮膚同性病assessment & promotion，第一次知道女人都有oral sex，嘔。

再見了，悶到嘔的NURSING HOME。

掙扎、參與、體驗、無悔無恨的。

近排，個腦一直KEEP住有野諗，諗緊我自己的未來。

最近睇緊一本書，<玩出真感情>，講的是一個INTERNATIONAL 渡假村 - CLUB MED中有一個職業，叫G.O.，佢面對的CLIENTS係來自國際的，同事係來自國際的，工作地點也是半年轉一次的，可能是東南亞，可能是歐洲............. G.O.的工作就係提供娛樂歡笑俾CLIENTS，總之，要見識的事，一定係最高的，對於我呢D唔定性又爛玩的人，G.O.的工作性質，絕對係我所著迷的。

今日，同KELLY傾左好多，我講左好多，從而更知道我自己入面點諗。

我係好鐘意NURSING，毋庸置疑，係一份好有意義的工作。
我真係唔甘心讀完四年NURSING之後，要我立刻加入HA，做AT LEAST十年的NURSE，直到我有自己的家庭 / 退休，然後一無是處地生活。我唔想，我唔願意，我唔要我一生都只有香港一個地方，護士一個職業。由細到大，我都唔鐘意俾野縛住，唔鐘意前面有一條路SET梗左係度，唔要俾野框住我 :
中六，唔讀A MATHS去讀 PURE MATHS ;
大學，唔讀BIO讀NURSING ;
一條BBA路舖左年半，我可以因為兩個星期的興趣去揀左NRS.......
唔係想話我有GUTSY，而係話，有時我自己都唔知自己的FINAL ANSWER係MUD。

一個人真正的黃金十年，一定係廿幾歲的時候，未有自己的家庭，父母也未算老，自己擁有的是無限的活力、青春、無知、好奇.......就好似一個SPONGY咁等待著吸收不同的體驗。試問我點可以將我的黃金十年放係老人科 / 復康醫院 ? 我唔想一生人到其他國家，只有旅行，沒有體驗，唔想淨係識同中國人相處。更何況，我遲做NURSE幾年又有MUD所謂 ? 早兩年做NURSE，就算做到NURSING OFFICER，都只不過係井底之蛙。

其實講到尾，只係我自己係度發爛渣，我就係唔想行一條人人都認定要行的路，吹咩 ? 我就要好好利用呢一點衝動，呢一點火，好好增值自己，利用呢兩年好好TRAIN自己做一個好的RN，最後，拿著RN的身份去APPLY其他工作，好好咁玩幾年，豐富自己的人生，不論是黑色 / 彩色，都希望我的人生是有體驗過，有參與過，有掙扎過..............

無悔無恨的。

點解要咁蝦我

收到一個很壞的消息

我遺失了我的回憶

一個美好的回憶

一盒DV帶

一切都沒有了

一切都追不回來


FUCK!!!!!!!!!!!!!!!!!!
FUCK!!!!!!!!!!!!!!!!!!

點解要咁蝦我???????

二年級一期實習記事 之 第三日

第三日 P更
雅麗氏何妙齡那打素護養院 5/F

今日，度了兩個BP，看了塞DS，看了JOEY同學做DRESSING，
遊手好閒，

之後，做了一個好錯的派藥，第一，唔記得CHECK PATIENT是否已READY，結果，原來佢係房...........第二，唔CHECK好 D 藥係咪identical，第三，三番四次唔記得CHECK SPELLING，第四，讀錯PRESCIPTION DATE，但係主因係個NURSE寫到個3字好似1字咁，唉，真係不能原諒。

之後做MOUTH CARE，個亞伯以為枝棒係食GE，不停咁啜，真係好笑 ; 有個亞伯既NICKNAME叫毛毛，真係好笑 ; 亞七被七星戰隊亞伯打敗了...........

其餘的時間，都係查下藥，睇下CASE，吹水吹到嘔。

HAE埋聽日的三個幾小時，悶到想死的NURSING HOME，BYE BYE啦，之後，我PROMISE自己，我要努力向上，不枉諸君寄望。

好痛呀隻腳。

見証了蘇文慧被人問候了好多次。

不過，出完NURSING HOME，我真係覺得唔好再推自己的父母去護老院，無論收得幾貴，講到自己D服務有幾好，一切都係假，係呢D地方，人會癲架，充滿怨氣，DEPRESSION係正常，唔好，真係唔好再推自己的父母去呢D不見天日的地方。

諗起婆婆最後的日子是在NURSING HOME裡渡過，有點難過，但，就算俾多一次機會我，我又可以點改變呢件事 ?

二年級一期實習記事 之 第二日

第二日 A更
雅麗氏何妙齡那打素護養院 5/F

繼續過著行行企企的日子，真係好難頂。

入ward，prepare dressing既野，幫個亞伯洗左一個S/P FOLEY，我無時無刻都同自己講要快，結果，都洗得唔錯既，第一次洗，都已經OK，不過下一次要記得舖dressing sheet，扭cotton wool ball 時留意個forceps，洗時要抹不要印，只要留意呢d point應該會好d。

之後派左一次藥。

睇左擦藥膏、換片同上Ryles's 。

今日有一個好好人的亞sir，好肯教我地野，見我地好迷茫，佢就會主動問我地mud事，如果呢個世界d staff個個都咁好就真係痾 li 吉帝。

看了一些nursing report about院友的行為，真係幾好笑，但佢地真係幾咸濕猥褻，幾驚，保持距離。

因為要evaluate 今日考試的同學，so我地成班人無野做咁，怒企怒肚餓咁等到兩點幾，真係超想死。難道聽日又係咁?

火火火 wanted。

二年級一期實習記事 之 第一日

第一日 P更
雅麗氏何妙齡那打素護養院 5/F

全日的感覺是，一無是處。
看了洗澡，因為好耐無出WARD了，唔再習慣D屎味，有點作嘔。
看了DRESSING，好似好難咁呢，明天到我了。
派了一次藥，只不過是PRACTISE英文ORAL的時候，沒甚麼特別。
其餘的時間，都行行企企，睇下牌板，真係OH SHIT

有一個院友話我似宣萱，哈哈哈，咁大個人都未俾人話過似宣萱，佢仲話我個鼻好靚，一定嫁個好老公，哈哈，真係承佢貴言。

另外當我同另一個院友傾計時，姑娘細聲話我太接近了，說會俾人摸，我當堂呆左，因為無諗過，之後問番，原來都幾多亞伯咸濕底，要小心D!!!!!!!

CARE PLAN好像很難的。

火呀，一年前的心，一年前的熱誠，回來吧!!!

Catch You

I Believed You
And I Sticked My Hands
I Was Afraid
But You Finally Held Me
And Said

"CATCH YOU"

I Would Never Forget

隨時行樂

隨時行樂在此免費　
獨家發售　　

煩悶日子發覺又找到了　新出口　　
讓我飛出去　什麼都押後　
要自由時即刻得到我自由　　

讓我解開我　愉快心底鈕扣　
快樂從歸我有不向外求　　
說要有我空間轉眼便有　
說要有我的夢更快擁有　　
原來從來未要我哀求　
快樂全歸我有
我自由

我不甘心
我不只如此
我的人生，不只如此......